Tag Archives: zegama

Sandratiko erraiak

Zalantzarik gabe, Aizkorri-Aratz parke naturalean aurkitzen den txoko magikoenetako batean aurkitzen da San Adrian edo Sandrati izenez ere ezaguna den koba zaharra, 980 metrora dagoen Lizarrate lepoaren inguruetan. Aranzadi Zientzia Elkarteko arkeologia sailak 2008. urtean aztarnategi bat martxan jarri zuen koban, eta aurten ere uztaileko bigarren hamabostaldian bertan izan dira indusketa lanak egiten. Dagoeneko goi-paleolitotik  hasita XX. mende arteko material arkeologikoak aurkitu dituzte; silexezko tresnak, hezur- eta fauna-hondarrak, txanponak eta arma-zatiak eta antzinako eraikinak…

Uztailean bisita gidatuak egin ditugu indusketa gunera, lehena uztailaren 22an izan bazen, bigarrena pasa den larunbatean, uztailaren 29an burutu zen. Azken honi dagokionez, eguraldi paregabeak lagunduta, Aldaola parkinetik atera zen goizeko 10etan 20 laguneko taldea Sandratiko kobetara bidea eginez. Ibilbidearen erdi inguruan, Mikeleteentzat egin zen eraikin berriaren oinean, Anduetza parketxeko hezitzailearen azalpen batzuekin batera lehen atsedenalditxo bat egin zen.

IMG_20170729_105629

Bideari berrekin eta ordu laurden batean egin zioten harrera taldeari dagoeneko koban zain zeuden Aranzadiko arkeologo adituek. Sandratiko pasoak historian zeharreko garai ezberdinetan izan duen garrantziaz, aurkituriko aztarna eta ebidentziez, arkeologiako metodologia, metodo eta lan teknikei buruz zein aintzinako mito eta sineskerei buruz, besteak beste, jardun zitzaizkigun Jesus Tapia eta Alfredo Moraza arkeologo, Aranzadiko kide eta indusketa lanen arduradunak.

Hau honela, ingurune natural paregabe batez gozatuz, adituen azalpen aberats eta interesgarrien laguntzaz eta bertan zeudenen arteko giro atsegin eta lagunkoiari esker, goiz benetan polit bat igaro zuten bertan parte hartu zutenek!

2017ko lehenengo plana

gaztagintzaren-sekretuak-2017

Goiza ukuiluan hasiko dugu, bisitariek Latxa ardia gertu-gertutik ikusi eta arkume jaio berriak besoetan goxo-goxo izango dituzte. Ondoren Ondarre baserrian, artzainek erabiltzen dituzten tresnen bilakaera ikusiko dute eta hainbat gazta dastatuko dituzte, sagardo eta uraz lagunduta beraien ezaugarriak komentatuko direlarik.

Bisita aterpean izango da eta oso egokia da adin guztietako herritarrentzat, baita familientzat ere. Etorri Goierrira, Ondarre baserrian gure zain daude eta!

Gautxorien ekintza arrakastatsua Anduetzan

Atzo ilunabarrean, Zegamako Anduetza Parketxean, Igeldoko Arrano Etxean sendatutako hiru gautxori askatzeko ekintza burutu zen. Bertara, 80 pertsonatik gora hurbildu ziren.

Hasteko, Mikel Olano basozainaren azalpenak entzun genituen: zer egin zauritutako animalia bat aurkitzean, nola garraiatu, nori deitu… Gure kasuan, askatu beharreko hiru urubiren istorioak entzun genituen: hegaleko arazoekin aurkitutako gautxoriak ziren.

DSC_0429

Ilundu zuenean, kanpoaldean hegaztiak gertutik ezagutu genituen eta hauek askatzeari ekin zion Mikel Olanok, berriro ere askatasunean hegan egiteko aukera emanez. Horietako bat, guztiz errekuperatuta ez zegoenez, Arrano Etxera eraman zen berriz ere sendatzera. Beste biak askatasunean mendira nola itzultzen ziren ikusi genuen. Momentu magiko bat bizi genuen!

DSC_0462

Denok dugu xede berdina

Copia de P1030091

Atzo, maiatzak 20, mendian garatzen diren jardueren inguruan hitz egiteko mendizaleak, abeltzainak, baso-ginak, mendi korrikalariak, herritarrak, kudeatzaileak eta zientzialariak, besteak beste, Zegamako kultur etxean elkartu ginen.

Zegamako plazan kilometro bertikala ospatzen ari zen bitartean, Aizkorri-Aratz Natura Parkea bezalako eremu babestu batean izaten diren interes ezberdinen arteko elkarbizitzaren alde apustua izan zen protagonista.

Mendi-erabiltzaile ezberdinak bezala denok dugu xede berdina, gure paisai kulturala zaintzea eta babestea. Batzuek lan gogorra egiten dute mendian, beste batzuk disfrutatu egiten dugu, baina denok maite ditugu gure mendiak, gure ingurune naturala.

Historiaurreko bezalako arkuak fabrikatzen

IMG-20160514-WA0021

Gaur “Aitzbitarteko Lagunak” Errenteriako Elkartearekin elkarlanean historiaurreko arkuak fabrikatzeko eginbeharreko pausuak ezagutu ditugu Zegaman. Prozesua hasiera hasieratik ikasi dugu: ze egur mota erabili, noiz moztu, nola moztu eta eraztunak errespetatuz nola egurra gastatzen joan besteak beste. Behin arkuan oinarri den egurra prest izanda, soka egin eta lotzeko teknikak iritsi dira: zuntz naturalak, nola zuntzak txirikordatu, lotzeko korapiloak eta itsasteko moduak besteak beste.

Tailer hau San Adrian-Leizarrate igarobidean, ekainaren 5 eta 6ko asteburuan izango den Europako Historiaurreko XXVI. arku eta bultzagailu tiro txapelketaren harira antolatu da. Helburua txapelketan Zegamako eta inguruko herrietako herritarren parte-hartzea sustatzea izan da eta, ehiza tresna hauek egiteko erabiltzen diren teknikak ezagutzea.

Fabricando arcos como en la prehistoria

Hoy en Zegama, con la ayuda de “Aitzbitarteko Lagunak”, hemos aprendido los pasos a realizar para hacer un arco prehistórico. Hemos conocido el proceso desde el principio: que madera utilizar, cuando y como cortarla y como ir desgastando la madera respetando los anillos. Una vez conseguido la base del arco, la madera, hemos empezado con las cuerdas; que fibras naturales se pueden usar, como enlazar las fibras, diferentes nudos y tipos de pegamentos.

Este taller se ha organizado por la celebración en el entorno del Túnel de San Adrian-Leizarrate del XXVI. Campeonato Europeo de Tiro con Arco y Propulsor prehistóricos el fin de semana del 5 y 6 de junio. El objetivo ha sido el favorecer la participación de los vecinos de Zegama y las poblaciones de sus alrededores en esta competición o simplemente acercar las técnicas de trabajo para la elaboración de estos instrumentos.

Historiaurreko ehizaren sekretuak

P1070070

Ekainaren 5 eta 6ko asteburuan, San Adrian-Leizarrate igarobidean, Aizkorri-Aratz Natura Parkearen bihotzean, Europako Historiaurreko XXVI. arku eta bultzagailu tiro txapelketako manga bat ospatuko da.

Aurretik, datorren larunbatean, maiatzak 14ean, Europako txapelketa honen arauei buruzko tailerra eta Historiaurreko armak egiteko azalpenak emango dira, lehengaiak, formak, lantzeko teknikak eta diseinuak besteak beste.

Tailerra goizeko 10:00etan hasiko da Anduetza Parketxean, Zegaman eta dohainik izango da. Jarduera honek, txapelketa honetan Zegamako eta inguruko herrietako herritarren parte-hartzea sustatzea du helburu eta, ehiza tresna hauek egiteko erabiltzen diren teknikak ezagutzera ematea.

Secretos de la caza en la prehistoria

El fin de semana del 5 y 6 de junio se va a celebrar en el entorno del Túnel de San Adrian-Leizarrate, en pleno Parque Natural de Aizkorri-Aratz, una de las mangas del XXVI. Campeonato Europeo de Tiro con Arco y Propulsor prehistóricos.

Pero antes, el próximo sábado, 14 de mayo, se organiza un taller explicativo sobre las normas del campeonato europeo y sobre confección de armas prehistóricas, materiales, formas de trabajo y diseños entre otros temas.

Este taller comenzara en el Parketxe Anduetza a las 10:00 de la mañana y será gratuito. El objetivo es favorecer la participación de los vecinos de Zegama y las poblaciones de sus alrededores en esta competición o simplemente acercar las técnicas de trabajo para la elaboración de estos instrumentos.

Lanbide zaharrak berreskuratzen / Recuperando antiguos oficios

cartel a-3_2016

Zegaman, datorren apirilak 3n, Erlezain eguna ospatzen da. Bertan Gipuzkoako XVIII. Ezti lehiaketa ospatzeaz gain, lehiaketa herrikoia egiten da ere. Herrian zehar, besteak beste honelakoak izango ditugu: artisau azoka, Gipuzkoako gozogile onenen produktuen erakusketa, Rafa Gorrotxategik karameluak artisau erara egiten, ipuin kontaketa erleen inguruan, liztor asiarraren azalpenak…

Eta eguna borobiltzeko, arratsaldean bertso-jaialdia!

El 3 de abril en Zegama además se celebra el día del apicultor, donde, ademas de ser la XVIII. edición de la Competición de Miel de Gipuzkoa, también hay una votación popular. Además habrá feria de artesanía, exposición de dulces de los mejores reposteros, Rafa Gorrotxategi hará caramelos al método tradicional, cuenta cuentos relacionado con las abejas, problemática de la abeja asiática…

Para finalizar el día… !festival de bersolaris!

Jaten den egurrik ba al dago? / ¿Hay alguna madera comestible?

Copia de P1060224

Aste Santutako lehenengo egunetan, martxoak 24, 25 eta 26ean Anduetza Parketxean (Zegama) galdera honi erantzuna emango diogu. Mundu osoko 1.500 egur oholtxoak ukituko ditugu, usaindu, hainbat kolore ezberdinez gozatu, kolpatzen soinua egingo dugu… eta azkenik dastatu?

Etorri eta 5 zentzuak egurrean jarriko ditugu!

Izena emateko 943802187 / anduetza@gipuzkoamendizmendi.net

El 24, 25 y 26 de marzo le daremos respuesta en el Parketxe Anduetza (Zegama). A través de la colección de 1.500 tablillas de maderas. Las veremos, tocaremos, oleremos, haremos música y para finalizar ¿podremos comer alguna?

¡Ven y utilizaremos los 5 sentidos en la madera!

Para dar el nombre 943802187/anduetza@gipuzkoamendizmendi.net

Gozatu benetan Erlezain egunean

DSC_0077

Antzinako lanbide honetara gerturatzen gaituen Erlezain Egunaren XVIII. edizioa ospatzen da Zegaman aurten. Apirilaren 3an izango da eta Erlezainen etorkizuna izango da gai nagusietako bat, liztor asiarrak erlezaintzan eragiten dituen kalteak direla medio. Honetaz gain, Gipuzkoako XVIII. Ezti Lehiaketa izango eta lehiaketa popularra ere, non lehiaketan izan diren eztiak probatzeko parada izango den.

Igande goizean zehar egitarau zabala izaten da: tailerrak, erakustaldiak, salmenta postuak, Rafa Gorrotxategik girlatzeak egiten, erlezaintzan ekoizten diren produktuei buruzko azalpenak, durrunba kaletik, gozoak dastatzeko aukera… Etorri Zegamara benetan gozatzera!

 

Badator Olentzero Zegamara ere …

Zur eta Lur_Olentzero

Zegamako Udalak eta Anduetza Parketxeak, kultur jardueraz beteriko udazkena antolatu dute eta datorren asteburuan, abenduak 19 eta 20ean azkeneko jarduerarekin amaiera emango diogu Zur eta Lur Zegaman egitarauari.

Azkeneko jarduerak Olentzero eta Talo tailerra du izenburua eta nola ez, Olentzeroren bisita izango dugu Anduetzan. Bertan, Olentzero, Euskal Herriko Mitologiaren azken jentila dela kontatuko digu.

Bere istorioa entzun eta gero, bertaratutakoek Olentzeroren laguntzaz askarirako taloa egingo dute.

Hasiera batean, saio bat aurreikusten bazen ere, 4 saio egingo dira asteburuan zehar. Azkeneko saiorako, igandean 12:30tarako plaza gutxi batzuk gelditzen dira. Animatu zaitezte!