Tag Archives: saguzarrak

Agur saguzarrei datorren urtera arte

Saguzarrak behatzeko azken saioa atzo iluntzean burutu zen Lizarrustiko parketxean. Interesdun asko bildu ziren Ane Caro adituaren inguruan eta txikienek animalia hauen inguruan ezagutza asko zituztela ikusi ahal izan genuen!

Parketxeko inguruetatik egindako ibilaldian, lotsati aritu zitzaizkigun saguzarrak, entzun entzuten genituen, baina, zailtasun handiekin ibili ginen hauek begiztatu ahal izateko… Hala ere ez genuen etsi eta saioa amaitzear zegoelarik saguzar arrunt bat (pipistrellus pipistrellus) izan genuen gure buru gainetan bueltaka! Datorren urtera arte agurtzera etorriko ote zen?

Mila esker aurten gurekin aritu diren aditu eta parte-hartzaile guztiei!

Hona hemen atzoko argazki batzuk:

20191005_191609

20191005_195026

20191005_204942

 

 

Aralarko saguzarren bila

Saguzarrak behatzeko eta entzuteko aurtengo azkeneko saioa larunbat honetan izango da, urriaren 5ean arratsaldeko 19:00etan, Lizarrustiko parketxean.

Informazio eta erreserbak: 943 18 03 35 / 688 895 069 / barandiaran@gipuzkoamendizmendi.net

Animatu!

Saguzarrak2019

Saguzar ugari Anduetzan

Atzo, gaua aproposa izan genuen saguzarrak behatzeko Anduetza parketxearen inguruan; goizeko euriak eta gaueko tenperatura igoerak lagun. Honez gain, talde handia bildu zen ugaztun hauen berri izateko irrikaz.

Anduetza inguruan bost saguzar izan genituen gure buruen gainetik bueltaka eta Ane Carok ekarritako tresneriari esker, haurrak gozatu zuten saguzarren sonarren soinuak entzuten. Argazkian ikusten den bezala, haurrek tresneria eskutan izateko aukera izan zuten.

Ondoren, Zegama herritik pasatzen den Oria Ibaiara jaitsi ginen. Saguzarrek ura edateko premia dute gauez ehizatzen duten bitartean eta, honetan ere, arrakasta handia izan genuen. Ikusitako espezieak bi izan ziren, Pipistrellus pipistrellus eta Pipistrellus kuhlii.

Mila esker Ane Carori eta etorritako guztiei!

Gogoratu udazken honetako azken aukera duzuela datorren larunbatean Lizarrustiko parketxean!

Arditurriko ugaztun hegalariak

Irailaren 7an, larunbata

Aurten berriz ere, saguzarrak ezagutzeko solasaldiaz gozatzeko aukera izango da. Saio desberdinak antolatu dira, eta Aiako harria Natura Parkearen barnean eskeiniko dugun hau izango da lehenengoa.

Parketxe inguruetan saguzarrak bilatzen hasi aurretik, Ane Caro eta Unai Baroja adituek, ugaztun hegalari hauen ezaugarriak azalduko dizkigute: orientatzeko erabiltzen duten sistema, ernaltze zikloa, hibernazioa, espezie ezberdinak…. Gainera gerturatzen direnek, aplikazio bati esker, iluntzen duen bitartean saguzarrak entzuteko aukera izango dute.

Ez galdu aukera hau eta animatu zaitezte Arditurri inguruan bizi diren saguzarrak ezagutzera. Aukera ezin hobea izango da, hain ezezagunak diren izaki misteriotsu hauek ezagutzeko!

  • Elkargunea: Arditurri parketxea (943 49 50 69 / 688 89 50 68  / arditurri@gipuzkoamendizmendi.net)
  • Ordua: 19:30
  • Prezioa: 5 € ( 4 kideen familietarako 15€)
  • Erreserba nahieztakoa da.

Saguzarrak2019

Azken plazak ugaztun hegalariei gerturatzeko!

Ez galdu azken aukera hau eta animatu zaitez larunbatean, ilunabarrean, Anduetzan gurekin batera saguzarrak ezagutzera! Aukera ezin hobea izango da, hain ezezagunak diren izaki misteriotsu hauek ezagutzeko!

Ane Caro adituak, ugaztun hegalari hauen ezaugarriak azalduko ditu: orientatzeko erabiltzen duten sistema, ernaltze zikloa, hibernazioa, espezie ezberdinak… Gainera gerturatzen direnek, aplikazio bati esker, saguzarrak entzuteko aukera izango dute iluntzen duen bitartean, hau baita saguzarrak behatzeko momenturik egokiena.

Saguzarrak zelatatzen Arditurrin

Gauean animaliak topatzen ibiltzeak badu halako xarma berezia, eta atzo Arditurri parketxean saguzarrak entzun baina baita ikusteko aukera ere izan genuen. Izaki txiki hauen nondik norakoen azalpenak jaso eta gero, linternak hartu eta euren bila joan ginen, oso azkarrak baldin badira ere hainbat ikusi genituelarik.

Larunbat hontako saioa berehala bete zenez jende ugari etorri ezinik geratu zen, beraz hurrengo aukera urriaren 27an duzue, Anduetza parketxean. Deitu plazarik gabe geratu baino lehen!

Anduetza parketxea 943 80 21 87 / anduetza@gipuzkoamendizmendi.net

Pipistrellus eta Nyctalus artean

OSO ONA!!!Primerako gaua pasa genuen atzo Arantzazun! Eguraldia lagun izanik eta taldea erabat betez, Arantzazuko Parketxera hurbildutako 30 lagunek saguzarrak entzuteaz gain ikusteko aukera ere izan zuten. Entzundako saguzarren artean, saguzar arrunta eta kuhl saguzarraz gain (Pipistrellus pipistrellus eta Pipistrellus kuhlii), Nyctalus leiseri gau-saguzar txikia entzutea ere posible izan zen! Zoragarriak!

Atzoko saiora gerturatzea ezinezkoa izan bazitzaizun, ez galdu datozen aukerak eta erreserbatu zuen eguna berandu baino lehen!

Egutegi saguzarrak

ENTRE PIPISTRELLUS Y NYCTALUS

Una noche estupenda la de ayer en el Parketxe de Arantzazu. El tiempo acompañó y completándose el grupo, las 30 personas que se acercaron al Parketxe de Arantzazu ayer, ademas de escuchar los murciélagos, también tuvieron la oportunidad de verlos. Entre los murciélagos que se pudieron escuchar, ademas de los Pipistrellus pipistrellus y Pipistrellus kuhlii, también fue posible oír al Nyctalus leiseri, ¡maravillosos!

Si te fue imposible asistir al evento de ayer, no te pierdas las siguientes oportunidades y reserva tu día cuanto antes:

Egutegi saguzarrak

 

Saguzarrak ezagutzeko aukera berria Pagoetan

Datorren larunbatean Pagoetako Iturraran parketxean ugaztun hegalari harrigarri hauek gertutik ezagutzeko parada paregabea izango dugu Unai Barojaren gidaritzapean . Adi, plaza mugatuak ditugu! Eman izena aldez aurretik 943 83 53 89 telefonora deituz edo iturraran@gipuzkoamendizmendi.net helbidera idatziz.