Tag Archives: parketxeak

Ateak zabalik Museoen Nazioarteko Egunean

Maiatzaren 18an ospatzen da Museoen Nazioarteko Eguna. Aurten, ostirala izanik, ikastaldeekin murgilduta egongo gara egun horretan. Hori dela eta, Gipuzkoako Parketxeetan igandean ospatuko dugu egun berezi hori, maiatzaren 20an hain zuzen ere.

Doan izango dira Parketxeetako sarrerak eta gonbidapen zabala luzatzen dizuegu; 6 parketxe dituzue aukeran Gipuzkoan, zein baino zein interesgarriagoa, zuen zain gaude!

ANDUETZA PARKETXEA (Zegama)

ARANTZAZU PARKETXEA (Oñati)

ARDITURRI PARKETXEA (Oiartzun)

BARANDIARAN MUSEOA (Ataun)

ITURRARAN PARKETXEA (Aia)

LIZARRUSTI PARKETXEA (Ataun)

 

gps_fundazioa

Advertisements

Aste Santua eta Pazko Astea Gipuzkoako Natura Parkeetan

Burdinolak, erleak, meategiak, saroiak, errotak, mitologia, orientazio jolasak, gaztagintza…

Urtero bezala, aurtengoan ere, gipuzkoar asko irtengo da kanpora Aste Santuan eta Pazko Astean, baina ez dira gutxi (ematen duena baino gehiago) Probintzian geratzen diren herritarrak, eta horiei, jakina, kanpotik hona datozen bisitariak erantsi behar zaizkie.

Urrutira joan gabe natura-aisiaz gozatu nahi duten gipuzkoarrentzat eta ondoko lurraldeetatik nahiz urruneko herrialdeetatik gurera datozenentzat, egitarau aberatsa prestatu dute Gipuzkoako lau Natura Parkeen erakusleiho diren parketxeetan. Guztiontzako planak daude proposamenean: familian egitekoak, bakarka egitekoak, naturarekin loturikoak, kultur ondarea ezagutzera ematen dutenak…

Pagoetako Natur Parkean (Aian), adibidez, Aste Santuko egun guztietan eta Pazko Asteko asteburuan Agorregiko burdinola martxan jarriko da; oraindik hara bertaratu ez den norbait badago, zur eta lur geratuko da hango hauspo, gabia eta gurpil hidraulikoaren mugimendu eta hotsarekin. Iturrarango parketxean bertan borobildu daiteke goiza, erlauntzen irekierarekin harrituz, lorategi botanikoaz gozatuz edo orientazio zirkuitua frogatuz, bai familian, bai bakarka.

IRUDI HANDIA.jpg
Iturraran parketxea (Aia)

 

Aparteko beste aukera Aiako harriko Natura Parkean dagoen Arditurriko (Oiartzungo) meatze-gunea bisitatzea da: kaskoa jantzi, lurraren erraietara sartu eta garai batean ilunpearen isiltasunean han lan egin zuten meatzariek sentitzen zutena bizitzea. Gainera, aurten, txu-txua trenean gerturatu daiteke meategietara, Pagoaldea industrialdetik abiatuz. Beste egun-pasa bat Aiako harria Natura Parketik atera gabe: Hernanin, Akola inguruko trikuharri eta saroiak ikusi ondoren, nahi duenak, Larregaingo sagardotegian amaitu dezake goiza, upel artean, sagardo berria dastatuz.

Tren berdea 001
Txu-txu trena Arditurrin

 

Ataunen ere, Aralarko Natura parkean oraingoan, gorputzarenak ez ezik, izpirituaren beharrak asebetetzeko aukera dago, talo-tailerraren aitzakian, Barandiaran museoa nahiz hango errota eta zerrategi hidrauliko ikusgarria bisitatuz. Aurtengoan, gainera, mitologia orientazio jolasa izango da familientzat. Lizarrustiko parketxea ere hor dago, aterpetxe zein jatetxe eta guzti. Hain gertu, eta, era berean, hain urruti dagoen Natura Parke zoragarriaz gozatzeko mendi ibilaldia egiteko aukera izango dute nahi duten guztiek.

DSC_0048.JPG
Barandiaran Museoa (Ataun)

Eta Aizkorri-Aratzeko Natura parkean zer? Bada, berrikuntza franko. Batetik, Zegaman dagoen Anduetza parketxeak, Goierriko hainbat txoko eder bisitatzeko abiapuntu paregabea denak, zein baino zein erakargarriagoak diren bi jarduera antolatu ditu datozen egunotarako: familientzat orientazio ibilbidea eta “jaten den egurrik ba al dago” saio kitzikagarria, azken hau Anduetzan bertan.

image033 (1)
Orientazio jolasa familientzat

 

Aizkorri mendiaren beste aldean, azkenik, Arantzazu dago. Euskal arte garaikidearen erakuskari ezin hobea den Santutegiaz eta Natura Parkearen sekretuak erakutsiko dizkigun parketxeaz gainera, iaz irekitako aterpetxea dago han, Gandiaga I eraikinean, ondo lo egin eta egun batzuetan autoaz ahaztu nahi dutenentzat. Agerikoa da Arantzazun aisiarako aukerak ugariak direla, baina, labur beharrez, bat aukeratu behar eta honakoa gomendatzen dugu: ibilbide irisgarritik Gomiztegiraino joan, artzaintzaren eta gaztagintzaren nondik norakoak bertatik bertara ezagutu eta, Euskal Herrian gaudenez, nola ez, ardi latxaren esnearekin egindako gutiziekin sabelari atsegin eman.

20170415_110913 (1)
Artzain-zakur erakustaldia Gomiztegin

 

Hori guztia Gipuzkoan eskura izanda, merezi al du urrutira joatea?

Informazio gehiago:
943180335
barandiaran@gipuzkoamendizmendi.net

Udaberriko e-buletina ikusteko eta jardueren inguruko informazio gehiago eskuratzeko sakatu HEMEN.

“White friday” atzokoa Parketxeetan

Atzo zuriz estali zitzaizkigun Parketxeak eta horrelako irudiekin esnatu gara gaur. Ederrak ezta?

Barandiaran museoa, Ataun

Lizarrusti parketxea, Ataun

Anduetza parketxea, Zegama

Arantzazu parketxea, Oñati

Arditurri Parketxea, Oiartzun

Iturraran parketxea, Aia

Ikasturte berria, esperientzia berriak

Ikasleentzako arnas-gune dira Gipuzkoako Parketxeak. Ikasturte berriari aurki emango diogu hasiera eta horretarako makina bat jarduera ditugu ikasle/irakasleen eskura Natura Parkeetan, hamaika gai lantzeko aukerarekin. Jarraian duzue Parketxe bakoitzaren heziketa eskaintza. Deitu eta eskatu informazioa lasai asko, gure Parketxeetako ateak zabalik dituzue!

dav

Heziketa eskaintzak:

AIAKO HARRIA NATURA PARKEA. Arditurri Parketxea

AIZKORRI-ARATZ NATURA PARKEA. Anduetza Parketxea

AIZKORRI-ARATZ NATURA PARKEA. Arantzazu Parketxea

ARALAR NATURA PARKEA. Lizarrusti-Barandiaran Parketxe Hedatua

PAGOETA NATURA PARKEA. Iturraran Parketxea

 

Txoriei txori deitzen diegunekoa

Gure arbasoek naturarekiko zituzten jakintza eta ulermenak galtzen ari gara egungo bizimodu eta gizartean. Egun, txoriei txori deitzen diegu, nahiz eta garai batean espezie bakoitza bere izenez ezagutu eta izendatzen zuten: txepetxa, txonta, kaskabeltza, okila…

Ahalegin txiki bat egitea proposatzen dizuegu, aspaldiko jakintza horiek berreskura ditzagun. Hasteko, zer iruditzen zaizue txori-kantuetan trebatzea? Gipuzkoako Natura Parkeetan badugu proposamen bat zuentzako, Mikel Olano adituaren eskutik gainera. Erreserba egitea ezinbestekoa izango da, aurrez dagokion Parketxera deituta. Ez ezazue aukera hau galdu!

Txoriak kartel orokorra 2017 (1)

 

Larrialdietarako prest

Gipuzkoako Parketxe Sarea Fundazioko langileok lehen sorospenei buruzko ikastaro bat jaso berri dugu.

Gure lanean larrialdi egoera bati aurre egiteko jarraitu beharreko pausoak barneratu genituen eta jarrera aktibo bat izateko teknikak ikasi; zer egin mendian istripu bat gertatuz gero, gure Parketxeetan pitz daitekeen sute baten aurrean nola jokatu…

Ikasitakoak sekula praktikan jarri behar ez izatea espero dugu, baina, horrelako formakuntzak behar-beharrezkoak ditugu egunero hainbeste jenderekin lan egiten dugunok.

Lehen sorospen ikastaroa GPS

Saguzarrengana hurbilduz

Gipuzkoako Parketxeetan jakin badakigu oro har saguzarrak ez direla pertsonen animaliarik gustokoenak. Halabaina, beldur, aurreiritzi eta higuin hori gainditzen lagundu nahi dizuegu, erakutsiz ez direla inondik inora guk imaginatu bezala (edo erakusten diguten bezala) eta ezinbesteko pieza ditugula naturaren puzzle honetan.

Jarduera hauetan ugaztun hegalari harrigarri hauen ezaugarriak emango dira ezagutzera Kiko Alvarez adituaren eskutik: euren bizitza-ohiturak zein diren, zertaz elikatzen diren, nola orientatzen diren, nola erlazionatzen diren, ingurumenarentzat duten garrantzia… Ibilaldi errezak izango dira Gipuzkoako Parketxe desberdinetan egingo ditugunak saguzarrak entzun eta ikusteko; tresneria berezia erabiliko dugu haien soinuak jasotzeko, ilunabarra izanik momenturik egokiena.

Ez ezazu aukera hau galdu!

Saguzarrak2015

Desde los Parketxes de Gipuzkoa sabemos que en general los murciélagos no son el animal preferido de las personas. A pesar de ello, os queremos ayudar a superar esos miedos, prejuicios y ese asco hacia estos animales, comprendiendo que no son de ninguna manera como nos los imaginamos (o como nos los pintan) y que son una pieza clave en este puzzle.

Mediante estas salidas se darán a conocer, de la mano del experto Kiko Álvarez, las características de estos magníficos mamíferos voladores, como por ejemplo las costumbres que tienen, de que se alimentan, como se orientan por la noche, como se relacionan, su importancia para el medio ambiente… Se realizarán unos pequeños itinerarios por los alrededores de los Parketxes, aptos para todos los públicos, para escuchar y ver a los murciélagos; emplearemos unos aparatos especiales para poder percibir sus sonidos, siendo el anochecer el momento más oportuno.

¡No te pierdas esta oportunidad!