Tag Archives: joseba insausti

Aralarko gazta xumea garaile

Beste behin Barandiaran Museotik gure lagun Joseba Insaustiri ZORIONIK BEROENAK eman nahi dizkiogu. Gaztagile eta artzain gazteari igaro den azaroan Espainiako Gazta Onenaren saria eman bazioten, errekonozimendu hori ez da hor gelditu. Atzo, Josebak Ordiziako 43. Idiazabal Gazta Txapelketako txapela jantzi zuen.

insausti

Saritutako gazta Aralarko Mendiko Gazta izan da eta horrek balio erantsia du gure ustez, gazta xumea baina berezia baita oso. Beraz, ez da nolanahiko saria atzokoa, eta pozik hartu dugu geronek ere albistea. Duela urte batzuk hasi ginen Josebaren bitartez Aralarko artzaintzaren eta gaztagintzaren berri ematen. Gazta dastaketa bat edo beste antolatu dugu Barandiaran Museoan Josebarekin eskutik eta Mendiko Gazta hori egiten duen bere Esnaurreta txabolara ere egin dugu ibilaldirik, gaztagintza eta artzaintza lan hori gizarteari gerturatu asmoz.

Izango duzue jarduera hauen berri.

Gazta saritu horren atzean dagoen lan eta esfortzu guzti hori txikia ez dela jakin badakigunez, zailtasunez eta dedikazioz beteriko bidea izan baitu, sari hau gozatzea soilik opa dizugu, Joseba, guk, zure bitartez, gozatzen dugun moduan. ZORIONAK!

 

 

Adi! Egun aldaketa Aralarren

Kaixo lagunak. Ohar garrantzitsu bat dugu Aralarzaleontzat. Igande honetarako artzaintza mundua gertutik ezagutzeko ibilaldi bat genuen aurrreikusita. Iganderako eguraldi iragarpenak ez dira batere onak, eta larunbaterako aldiz, ezinhobeak dira, eguzkia eta beroa iragarrita dago eta.

Hortaz, IBILALDIA LARUNBAT HONETAN, maiatzak  21, egingo dugu.

Anima zaitez, giroa bikaina izango da eta Joseba Insausti artzain eta gaztagile gaztearen etxola ezagutu eta gazta nola egiten duen ere ikasiko dugu.

Ez ezazu aukera hau galdu! Erreserba egin behar da, beraz jarri zaitez gurekin harremanetan berandu baino lehen.

Aralarko artzaintza 2016 data berria

Artzaintza gaur egungo erara

Ez da makala Aralarren artzaintzak gaur egun duen garrantzia, iraganeko tradizioaren gordeleku paregabea baitira mendigune hauek. Baina, benetan ezagutzen al dugu lanbide honen barneko lana? Ardiak larretu, zaindu, jetzi, gazta egin…

Bada, ohorezko gidari baten eskutik sekretuok ezagutzeko aukera luzatu nahi dizuegu. Joseba Insausti Aralarko artzain eta gaztagile gazte bezain eskarmentatuak bere lana erakutsiko digu, bere mendiko etxolan bisita egingo diogu eta bere ahotik entzun ahal izango ditugu azalpenak. Josebak Espainiako Gazta Onenaren Saria jaso berri du eta beraz, zein, Joseba baino hobe sekretu guztiak azaleratzeko?

Aralarko artzaintza 2016 kartela

Ibilaldian parte hartzeko erreserba egin behar da, horretarako jarri gurekin harremanetan 943 18 03 35 / 688 89 50 69 telefonoetan edota barandiaran@gipuzkoamendizmendi.net helbidean.

Ez ezazu aukera hau galdu!

Aralar: naturala, kulturala

Aralarzaleok!

Bi plan eder proposatzen dizkizuegu Aralarko Parketxetik. Bata, igande honetan, Aralarko ondare naturalaren ingurukoa, bestea, datorren igandean, ondare kulturalari buruzkoa.

Aralarko narrasti eta anfibioak ezagutzeko irteera, Maiatzak 15, igandea:

Barandiaran_Narrastiak 2016 ELEBI

Aralarko tradizioaren lekuko den ogibide baten inguruko irteera, Aralarko artzaintza eta gazta. Joseba Insausti artzain eta gaztagile gazteari bisita egingo diogu bere mendiko etxolan:

Aralarko artzaintza 2016 kartela

Zein da zure aukera? Egin ezazu erreserba berandu baino lehen, plaza mugatuak izango dira eta.

Aralarren ikusiko dugu elkar!

Bejondeikela Joseba!

“Joseba Insausti ordiziarraren Otatza gazta, Espainiako onena”. Hau irakurri genuenean sekulako poza sentitu genuen Aralarko Parketxean.

Espainiako Nekazaritza, Elikadura eta Ingurugiro ministeritzak “Gazta onenarentzako Espainiako elikagaiak” (Alimentos de España al Mejor Queso 2015) saria eman dio gure artzain gazteari. Gainera “ardi gazta ondu onena” saria ere Josebarentzako izan da.

Josebaren lana gertutik jarraitzen dugu azken aldian Ataungo Barandiaran Museo eta Lizarrustiko Parketxetik. Izan ere, maiatza aldera bere Esnaurretako mendiko gaztandegira antolatu genuen irteera bat, bere lana bertatik beratara ikusi eta jendeari ezagutarazteko asmoz. Irailaren bukaera aldera aldiz, berak bisitatu gintuen gure etxean; Josebak gidatutako gazta dastaketa bat antolatu genuen Barandiaran Museoan, eta bere gazten inguruko berezitasun eta desberdintasunak antzematen ikasi genuen.

gazta dastaketa Joseba Insausti 036

Gertutik ezagutzen dugulako eta bere lana goraipatzekoa iruditzen zaigulako, mila zorion Joseba! Jarrai ezak bide horretatik, hik balio dek!

 

Gazta usaina Barandiaran Museoan

Gaur goizean jarduera berezi bat izan dugu Barandiaran Museoan. Joseba Insausti Aralarko artzain eta gaztagile gaztearen eskutik gazta dastatze gidatu bat egin dugu, bakoitzaren ezaugarriez mintzatu gara eta batetik bestera dagoen aldea ikusi, usaindu eta dastatu ahal izan dugu.

gazta dastaketa Joseba Insausti 036

Oro har, Josebak Aralarren egiten duen “Mendiko Gazta” izan da arrakasta gehien izan duena, nahiz eta familiako txikienei gazta guztiak gustatu zaizkien!

Eskerrikasko Joseba egindako saioagatik, zorte handia da gaur egun gure mendietako ekoizleekin aurrez-aurre hitz egin eta zure lan egiteko modua ezagutu ahal izatea. Segi horrela!

Tradizioari ate joka

Atzo, eguraldi zoragarri batez lagunduta, tradizioari ate joka joan gintzaion Aralarren. Joseba Insausti artzain eta gaztagileari bisitatxo bat egin genion bere Esnaurretako bordan. Gazta egiten topatu genuen eta bertatik bertara ikusi ahal izan genuen bai helduok eta baita haurrek ere nolakoa den prozesu berezi hori.

Txikienek harrituta begiratzen zioten ardietatik goizean goiz jetzitako esneari eta ikusmira handiz jabetzen ziren nola ari zen esne hori gazta bihurtzen.

Artzaintza eta gazta Aralarren

Josebak bere ukuilua eta gaztategia erakutsi zigun eta bere etxe barrura ere sartu ginen, berak egindako gazta goxo-goxoa dastatzera. Mendiko gazta deritzona egiten du Josebak, Idiazabal denominazioaren barruan eta honen inguruko hamaika berezitasun azaldu zizkigun.

Irailaren azken asteburuan berak egindako gazta desberdinen dastaketa bat egingo dugu Aralarko Parketxean, gogoan izan eta egon zaitezte adi!

Mila esker Joseba zure lanbide honen berri ematearren eta zure etxera sartzen uzteagatik. Aralarko oinarrizko pieza zarete artzainok! Eutsi horri!

Aralarko artzaintza eta gazta

Jarduera berezi-berezi bat prestatu dugu Maiatzaren azken egunerako, hilak 31, igandea. Artzaintza ogibide garrantzitsua izan da aspalditik Aralarko mendiguneotan eta gaur egun ere bere lekua izaten jarraitzen du. Mundu hau gertutik ezagutzeko Joseba Insausti artzain gazteari bisita bat egingo diogu bere etxolan, eta gazta nola egiten duen ere kontatuko digu. Izan ere, Josebak “Idiazabal” denominazioaren barruan “mendiko gazta” deritzona egiten du.

Irteeraren abiapuntua Lizarrustiko Parketxea izango da, goizeko 9:30ean. Zailtasun ertaineko ibilaldia izango da, 4 ordu eta erdi iraungo duena eta guztira, joan-etorrian 11 km ibiliko dira. Aralarko paraje desberdinetatik igaroko gara; basoa, larreak, urtegia…

Aralarko artzaintza 2015 kartela

12 urtetik gorakoentzat gomendatzen da ibilaldi hau, duen luzeera dela eta. Familiak,  taldeak, norbanakoak… Denak zaudete gonbidatuak!

Jardueraren prezioa 5€-koa izango da parte hartzaile bakoitzeko ta euskaraz emango dira azalpenak.

Izena emateko edo informazio gehiagorako honako telefono zenbakiak daude bisitarien eskura: 943 18 03 35 / 688 89 50 69, nola helbide elektronikoa barandiaran@gipuzkoamendizmendi.net

Aralarko artzaintza eta gazta

Jarduera berezi-berezi bat prestatu dugu Maiatzaren azken egunerako, hilak 31, igandea. Artzaintza ogibide garrantzitsua izan da aspalditik Aralarko mendiguneotan eta gaur egun ere bere lekua izaten jarraitzen du. Mundu hau gertutik ezagutzeko Joseba Insausti artzain gazteari bisita bat egingo diogu bere etxolan, eta gazta nola egiten duen ere kontatuko digu. Izan ere, Joseba da “Idiazabal” denominazioaren barruan “mendiko gazta” deritzona egiten duen bakarrenetakoa.

Irteeraren abiapuntua Lizarrustiko Parketxea izango da, goizeko 9:30ean. Zailtasun ertaineko ibilaldia izango da, 4 ordu eta erdi iraungo duena eta guztira, joan-etorrian 11 km ibiliko dira. Aralarko paraje desberdinetatik igaroko gara; basoa, larreak, urtegia…

10703722_812914095396851_8308034796757174401_n

12 urtetik gorakoentzat gomendatzen da ibilaldi hau, duen luzeera dela eta. Familiak,  taldeak, norbanakoak… Denak zaudete gonbidatuak!

Jardueraren prezioa 5€-koa izango da parte hartzaile bakoitzeko ta euskaraz emango dira azalpenak.

Izena emateko edo informazio gehiagorako honako telefono zenbakiak daude bisitarien eskura: 943 18 03 35 / 688 89 50 69, nola helbide elektronikoa barandiaran@gipuzkoamendizmendi.net