Tag Archives: jentilbaratza kultur elkartea

Gaua Gauekoentzat

Hemen da, badator, eguna iristear da…

Uztailaren 11, larunbata, IV. Gau ibilaldi mitologikoa ospatuko dugu Ataunen.

Herribide zaharrean ibiliko gara, egunetik gauera, kontu eta ipuin, jentil eta sorgin, mundu harrigarria lagun. 20:30ean abiatuko gara Barandiaran Museotik, galduko duzu?

Gau_Mitologikoa_2015

“ Direnik ez da sinistu behar, ez direnik ez da esan behar.”

Hemen duzue Jentilbaratza Elkartekoek emandako aurrerapen bat:

Advertisements

Gau magikoa atzokoa Ataunen….

Atzo, GAUA GAUEZKOENTZAT ibilaldi magikoa ospatu genuen Ataunen eta 700 pertsona baino gehiago hurbildu ziren gurera Euskal Herriko bazter guztietatik. Ilargi betea bidelagun, gaueko mundu magiko eta harrigarrian murgildu ginen, heldu zein haur, gizaki zein pertsonaia mitologiko.

Gaua gauezkoentzat 2014

Guztiok batera, Jose Migel Barandiaran gertutik, oso gertutik, ezagutzeko aukera izan genuen eta berak jasotako hainbat kondaira mitologikoren antzezpenekin gozatzeko aukera ere izan genuen. Ustekabean topatu genituen Agauntza erreka-bazterretan Torto, Sorginak, Sanmartintxiki, Jentilak…

Benetan gau magikoa izan zen atzokoa, partehartzaileen aurpegietan ederki ikusi ahal izan genuen hori, eta hau guztia, noski, ez zen posible izango Ataungo herritarren parte-hartzea gabe. Eta noski, betiko moduan, Jentilbaratza Kultur Elkartearen lan bikaina zoriontzekoa da, beraz mila esker atzoko gaua magikoa izaten lagundu zenuten guztioi!

Atzoko ibilaldiko argazkiak ikusi nahi badituzue klikatu hemen.

Jarraian ibilaldiko bideoa duzue, gozatu!

Eta gogoratu… direnik ez da sinistu behar, ez direnik ez da esan behar… Ataunen ikusiko dugu elkar…