Tag Archives: jentilbaratza kultur elkartea

Gaua gauekoentzat… edo ez?

Aralarko parke naturala,,

 

III. MITOALDIAren barruan, uztailaren 13an gau ibilaldi mitologikoaren txanda izango da beste behin, Ataunen, Barandiaran Museoaren eskutik. Sinesmen zaharrek diotenez, “eguna egunekoentzat eta gaua gauekoentzat”, baina urtero legez eta salbuespen gisa, beldur horiek gainditzen ahaleginduko gara. Ilargiaren argipean gaueko jeinuen artean murgilduko gara, haien bizipenak gertutik ezagutzeko.

Ibilaldia Barandiaran Museotik abiatuko da arratsaldeko 20:00etan eta Ataungo San Martin auzoraino iritsiko da, bi txanda desberdinetan. Hau hasi aurretik, Barandiaran Museoa eta errota zein zerrategia bisitatzeko aukera egongo da. Gainera, autobus zerbitzua eskainiko da San Martin eta San Gregorio artean.

Ibilaldian parte hartzeko, ezinbestekoa izango da aldez aurretik sarrera hartzea. hauek,  Ekainaren 25ean 12:00etatik aurrera eskuragarri jarriko dira  http://www.jentilbaratza.eus web orrian.

Animatu eta bizi mitología Ataunen!!

Advertisements

Badator 3. MITOALDIA

Aralar Parke Naturala,,

Bizi mitologia Ataunen!

Badator 3. Mitoaldia Ataunera eta badatoz honekin batera hainbat pertsonai mitologikoen antzezpenak, tailerrak, hitzaldiak eta ibilaldiak besteak beste.

Mitologia, ipuin edo kontu fantastiko sorta ez ezik, errealitatea esplikatzen duten argibideen multzoa da eta Ataunen Joxe Migel Barandiaranek lan handia egin zuen mitologiaren transmisio soka eten ez zedin. Aipatu jarduerak antolatzen dituen Jentilbaratza Kultur Elkartearen eta Barandiaran Museoaren arteko lankidetza ez dela gaurkoa, urteak daramatzagula elkarlanean. Lankidetza giro horri eusteko eta aipatu helburuak aitzineratzen jarraitzeko MITOALDIA izeneko ekimen sendoa jarri genuen abian duela hiru urte Jentilbaratza Kultur Elkarteak eta Barandiaran Museoak. Labur mintzatuz, Ataun Euskal Herriko mitologiaren erreferentzia nagusi izan dadin nahi dugu eta, hain zuzen, horrexegatik antolatu dugu 3. Mitoaldia.

Datozen egunetan jarduera bakoitzeko zehaztasunak emango dizkizuegu. Gau ibilaldi mitologikoa ibilaldirako  sarrerak  eskuragarri izango dira ekainak 25ean 12:00etatik aurrera jentilbaratzako web-ean.

Aralar, lurralde mitologiko hori

Aralar Parke Naturala,Sin categoría,,,,,,,,

Magiaz eta ilusioz bete zen atzo Aralar. Mendez mende, ahoz aho transmititu eta Barandiaran, Arin edo Arratibeli esker idatziz jasotako leienda eta istorio ederrak bizi genituen Aralarko natur ingurune zoragarrian.

DSC_0160

Lizarrustiko parketxetik abiatuta, 600 lagun, hiru taldetan banatuta, Allekuko baso ederrean murgildu ziren. Izaki mitologikoak eta ipuinetako pertsonai ugari azaldu ziren ibilaldian zehar ipuin eta istorio ederrak kontatuz: Mateo txistu, Maribelar, Sorginmari, Martin beltz,  Aker beltz, Maridomingi, Sanmartin txiki, basagizona, lapurrak, haurrak, jentilak, Torto, Basajaun… eta nola ez, baita Olentzero ere!

Ataungo Jentilbaratza kultur elkarteko lagunek eskainitako ikuskizuna zoragarria izan zen. Eskerrik asko bihotzez egindako lanagatik eta mila esker hurbildutako guztiei. Lekurik gabe gelditutakoei adierazi nahi diegu, lanean jarraituko dugula guztiontzat aukera berriak sortzeko.

2019rako… Zaku bete plan, egitasmo eta ilusio

Eskerrik asko guregana hurbildu zareten guztioi 2018 honetan zehar, eta, hainbeste une eder gurekin batera partekatzeagatik; 2019an ere lanean jarraituko dugu gure artean gustura jarrai dezazuen.

EGUBERRI ETA URTEBERRI ON Gipuzkoako Parketxe Sareko lantalde guztiaren partez!

Olentzero

BIHAR, GOIZEKO 10:00ETAN, IREKIKO DA “JENTILAK ETA OLENTZERO” IBILALDI MAGIKORAKO IZEN EMATEA

Aralar Parke Naturala,Sin categoría,,,,,,

Ataungo Lizarrusti Parketxean abenduaren 23rako antolatu dugun “Jentilak eta olentzero” ibilaldi magikoan izena emateko zerrenda bihar ostirala (abenduak 14) goizeko 10:00etan irekiko dela jakinarazten dizuegu. Erreserba egiteko bi bide daude, telefonoz (94318 03 35) edota emailez (barandiaran@gipuzkoamendizmendi.net).

Aurrez, esan, jakin badakigula oso denbora gutxian agortuko direla lekuak, urtero bezala ehunka eta ehunka pertsona ari zaretelako deitzen informazioa eskatuz, eta pena handiz, baina agortu ondoren ezin izango dugula izen gehiago hartu.

Hainbat ohar garrantzitsu:

  • Egunean bertan ez da onartuko sarrerarik ez duen inor. Jarduera honen kalitatea eta segurtasuna bermatu nahi ditugu, hortaz, sentitzen dugu kanpoan geratuko zareten guziongatik, bihotzez, eta ulertuko duzuelakoan gaude. Bai Barandiaran Museoan eta baita Lizarrustiko Parketxean ere, urte osoan zehar makina bat jarduera antolatzen ditugu, hemengo ondare kulturala zein naturala hedatu asmoz eta hurrengoan izango duzue aukera berriro ere.
  • Bi ordu eta erdi/hiru bat orduko ibilaldia izango dela aurreikusten dugu, nahiz eta zailtasun aldetik ez den ibilaldi zaila, 3 urtetik beherakoentzat ez da gomendagarria, baldin eta haurra ez badago mendian ohitua.
  • Ibilaldiaren hasieran eta amaieran 10-15 minutuko aldapa egongo da, baina tarteko ibilaldia baso lau batetik zehar egingo da, ia desnibelik gabekoa, pagadi eder eta magiko batetik hain zuzen, pertsonaia mitologikoen bizileku den Allekupeko basoetatik.
  • Lizarrustiko aparkalekua txiki geratzen zaigu horrelakoetan, hortaz, arren, sarrerak eskuratzea lortzen duzuenok ahalik eta kotxe gutxienetan etorri.
  • Mendiko arropa eta oinetako egokiak beharrezkoak izango dira eta noski, mundu mitologikoan murgiltzeko gogoz eta ilusioz etortzea!

Zorte on eta laster arte!

Jentilak eta Olentzero_2018

Zegamako Tartalo

Aizkorri-Aratz Parke Naturala,,

Atzo Marimundukoren ipuin kontaketa izan genuen Anduetzan, pertsonaia mitologikoen laguntzaz Euskal Herriko hainbat ipuin eta kondaira zirraragarriak antzezten. Aurten, Marimundukok, beste ipuin batzuen artean, Zegamako aitona-amonek kontatzen zuten ipuina kontatu zuen, Zegamako Tartaloren ipuina.

Familia pila hurbildu ziren Marimundukok kontatutako istorioak entzutera, eta primeran pasatu ere! Barre algarak, tarte beldurgarriak baita sustoren bat ere!

Eskerrak eman nahi diogu Ataungo Jentilbaratza Elkarteari, zeinak urtez urte ipuinak berrituz, Euskal Herriko mitologia Zegamara ekartzea posible egiten duen. Eta nola ez, bertaratutako jende guztiari, ekimen hau urtez urte errepikatzen laguntzeagatik. Segi dezagun gure haurrei istorioak eta kondairak kontatzen! Zeintzuk izango ote dira Marimundukok hurrengo urtean kontatutako istorioak?

 

Marimundukoren ipuin harrigarriak

Aizkorri-Aratz Parke Naturala,,,

Urtero legez, Zegamako Anduetza Parketxean Marimundukoren ipuinak izango ditugu. Hitzordua abenduaren 1ean da, larunbatean, eta bi saio izango dira: 16:30etan (lehen emanaldia) eta 18:00etan (bigarren emanaldia).

Euskal Herriko ipuin eta mitoetara gerturatuko gara Marimunduko (Maitane Aizpurua) gonbidatuaren eskutik. Maitane Aizpurua, Ataungo Jentilbaratza Kultur Elkarteko kidea da eta Joxe Miel Barandiaranek bildutako hainbat ipuin eta kontakizun harrigarri azalduko ditu.

Emanaldia euskaraz izango da eta aurrez izena ematea ezinbestekoa da. Prezioa: 2.50€

943 80 21 87 / 688 62 36 09

anduetza@gipuzkoamendizmendi.net

Akerbeltz gure artean

Aizkorri-Aratz Parke Naturala,,

Marimundukoren ipuin kontaketa izan genuen larunbatean Anduetzan, pertsonaia mitologikoen laguntzaz Euskal Herriko hainbat ipuin eta kondaira zirraragarriak antzezten. Familia pila hurbildu ziren Marimundukok kontatutako istorioak entzutera, eta primeran pasatu ere! Barre algarak, tarte beldurgarriak baita sustoren bat ere!

Eskerrak eman nahi diogu Ataungo Jentilbaratza Elkarteari, zeinak urtez urte ipuinak berrituz, Euskal Herriko mitologia Zegamara ekartzea posible egiten duen. Eta nola ez, bertaratutako jende guztiari, ekimen hau urtez urte errepikatzen laguntzeagatik. Segi dezagun gure haurrei istorioak eta kondairak kontatzen! Zeintzuk izango ote dira Marimundukok hurrengo urtean kontatutako istorioak?

Marimundukoren ipuin harrigarriak

Aizkorri-Aratz Parke Naturala,,

Urtero legez, Anduetza Parketxean Marimundukoren ipuinak izango ditugu udazken honetan. Hitzordua azaroaren 18an da, larunbatean, eta bi saio izango dira: 16:30etan (lehen emanaldia) eta 18:00etan (bigarren emanaldia).

Euskal Herriko ipuin eta mitoetara gerturatuko gara Marimunduko (Maitane Aizpurua) gonbidatuaren eskutik. Maitane Aizpurua, Ataungo Jentilbaratza Kultur Elkarteko kidea da eta Joxe Miel Barandiaranek bildutako hainbat ipuin eta kontakizun harrigarri azalduko ditu. Hainbat pertsonai mitologiko etorriko dira Anduetza Parketxera Marimundukoren eskutik eta urtero bezala pertsonai berriren bat izango da.

Haurrei zuzendua badago ere, adin guztiko bisitariek primeran pasako dute kontakizun berezi hauek entzuten. Emanaldia euskaraz izango da eta aurrez izena ematea ezinbestekoa da. Prezioa: 2.50€.

943 80 21 87 / 688 62 36 09

anduetza@gipuzkoamendizmendi.net

Tartalo, Marimunduko Sorgina, Etsai…

Aizkorri-Aratz Parke Naturala,,

nuevo-presentacion-de-microsoft-office-powerpoint
Hainbat pertsonai mitologikoen bisita izan genuen atzo arratsaldean Anduetza Parketxean eta hauen kontakizunak entzuteko irrikaz zeuden pertsonez bete zen. Haur zein heldu ahozabalik egon ziren emanaldi guztian zehar, ezustekoak eta algarak txandakatuz.

Eskerrak eman nahi diogu Anduetza Parketxetik Ataungo Jentilbaratza Kultur Elkarteari Euskal Herriko mitologia Zegamara ekartzeagatik, urtez urte kontakizunak berrituz. Baita, Anduetza Parketxera bertaratu zineten 150 lagunei ere. Eta Marimunduko sorginak esan zuen bezala, arren zuen haurrei ipuinak kontatzen jarraitu ezazue!

Euskal mitologian oinarritutako ipuinak protagonista

Aizkorri-Aratz Parke Naturala,,,

zur-eta-lur_marimundukoren-ipuinak

Ataungo Barandiaran museoan egindako ipuin kontaketa saiora joateko aukera galdu bazenuen, bigarren parada duzu Zegamako Anduetza Parketxean. Saio honetarako ere, Marimunduko (Maitane Aizpurua) izango da gonbidatua eta bere eskutik, Euskal Herriko ipuin eta mitoetara gerturatuko gara. Maitane Aizpurua, Ataungo Jentilbaratza Kultur Elkarteko kidea da eta Joxe Miel Barandiaranek bildutako hainbat ipuin eta kontakizun harrigarri azalduko ditu. Hainbat pertsonai mitologiko etorriko dira Anduetza Parketxera eta aurten Etsai dugu protagonista berria.

Haurrei zuzendua badago ere, adin guztiko bisitariek primeran pasako dute kontakizun berezi hauek entzuten. Emanaldia euskaraz izango da eta aurrez izena ematea ezinbestekoa da.