Tag Archives: jaialdia

Txondorraren itzalera jaialdia

Datorren azaroaren 11ean, igandean, Txondorra itzaltzeko jaialdia izango da Zegaman. Etorri txondorraren ingurura eta parte hartu jai giroan burutuko dugun itzalera honetan eta egur ikatza ateratzeko lanetan!!

Udazken honetan zehar, txondorraren prozesu guztia ikusi da Zegaman; eraikuntzaren prozesua, piztea, itzalera eta egur ikatzaren ateratzea hain zuzen ere. Antzinako garaietan hasi eta duela hamarkada gutxi arte gure basoetan garrantzi handia izan du ikazkintzak. Izan ere, txondorrak erabiltzen ziren egur-ikatza ateratzeko, honako hau bero-ahalmen handiko erregaia baitzen. Egun, ogibide hau desagertu egin den arren, oraindik ere baditugu txondorren aztarnak Aizkorriko basoetan. Honela bada, urtetan zehar Aizkorri-Aratz Natura Parkeko basoetan horren garrantzitsua izan den ogibidea gaur egunera ekartzeko asmoz, txondorra eraiki, piztu eta itzali da Zegaman.

Advertisements