Tag Archives: gautxoriak

Urubiak aske Listorretan eta Iturranen!

Pasa den asteburuan ezohiko bisita izan genuen Listorretan eta Iturraranen. Igeldoko Arrano Etxean sendatutako urubiak askatu bait genituen.

80 pertsona inguru hurbildu ziren, bai Listorretan eta bai Iturraranen, guztira 160 lagun.  Adin guztietakoak (umeak, gurasoak, aiton-amonak…). Listorretan Mikel Olanok eta Iturraranen Antton Gomezek,  azalpen batzuk eman zizkiguten eta jendeak bere zalantzak/kuriositateak argitzeko aukera izan zuen; jarraian, hiruna urubi askatu genituen parkeko puntu ezberdinetan.

Hona hemen Listorretako irudiak; eta jarraian Iturraran gainean urubi bat askatzen bideoa:

Egunaren azken izpiekin batera, gautxoriak askatu eta beren ingurunera itzultzeko hegaldia ikusteko pribilejioa izan genuen.

 

 

Advertisements

Gautxoriak berriro aske hegan

Igeldoko Arrano Etxean sendatutako hainbat hegazti askatuko dira Listorretako aisialekuan eta Iturraran Parketxean hurrenez hurren. Zentro honetan arrazoi desberdinak direla medio zauritutako edo gaixotutako animaliak sendatzen dituzte eta hauek ahalik eta lasterren beren ingurune naturalera itzultzea da haien xedea.

Gaueko 21:00etan egingo dira bi saioak, bakoitzean bi urubi askatuko direlarik, ekainaren 16an ostiralez Listorretako aisialekuan (Errenteria) eta ekainaren 17an larunbatez Iturraran Parketxean (Aia).

Familian egiteko plan ederra proposatzen du beraz Gipuzkoako Parketxe Sareak, hegaztiak gertutik ezagutu eta askatasunean mendira nola itzultzen diren ikusiz.

Zatozte gurekin momentu magiko hau bizitzera!

Gautxoriak askatzea 2017

Gautxorien ekintza arrakastatsua Anduetzan

Atzo ilunabarrean, Zegamako Anduetza Parketxean, Igeldoko Arrano Etxean sendatutako hiru gautxori askatzeko ekintza burutu zen. Bertara, 80 pertsonatik gora hurbildu ziren.

Hasteko, Mikel Olano basozainaren azalpenak entzun genituen: zer egin zauritutako animalia bat aurkitzean, nola garraiatu, nori deitu… Gure kasuan, askatu beharreko hiru urubiren istorioak entzun genituen: hegaleko arazoekin aurkitutako gautxoriak ziren.

DSC_0429

Ilundu zuenean, kanpoaldean hegaztiak gertutik ezagutu genituen eta hauek askatzeari ekin zion Mikel Olanok, berriro ere askatasunean hegan egiteko aukera emanez. Horietako bat, guztiz errekuperatuta ez zegoenez, Arrano Etxera eraman zen berriz ere sendatzera. Beste biak askatasunean mendira nola itzultzen ziren ikusi genuen. Momentu magiko bat bizi genuen!

DSC_0462

Gautxoriak askatuko dira Zegaman

Gautxoriak 2016

Datorren uztailaren 1ean, ostiralarekin, ilunabarrean Zegamako Anduetza Parketxean, Igeldoko Arrano Etxean sendatutako gautxori batzuk askatuko dira. Aurtengo udaberrian Arrano Etxeak eta Gipuzkoako Parketxe Sareak elkarlanean, hegazti batzuen askapena ezagutarazteko hitz orduak jarri dituzte hainbat parketxetan.

Hitzordua ilunabarreko 21:30ean izango da. Bertaratzen direnak Anduetza Parketxean elkartu eta Mikel Olanoren azalpenak entzun eta gero, kanpoaldeko parkean, leku egoki eta eder batean, askatuko dira hegaztiok, berriro ere askatasunean hegan egiteko aukera emanez.

Plan ederra proposatzen du beraz Gipuzkoako Parketxe Sareak, hegaztiak gertutik ezagutu eta askatasunean mendira nola itzultzen diren ikusiz. Zatozte gurekin momentu magiko hau bizitzera!

Aves nocturnas de nuevo volando en libertad

 El próximo viernes 1 de julio, al anochecer, se procederá a soltar varias aves nocturnas curadas en Arrano Etxea de Igeldo en el entorno del Parketxe Anduetza. Esta primavera Arrano Etxea y la Red de Parketxes de Guipúzcoa han realizado varias sueltas para que el público conozca su labor.

La suelta se realizara a las 21:30 del anochecer en el Parketxe Anduetza, donde después de escuchar las explicaciones de Mikel Olano, se soltarán las aves nocturnas en el parque del exterior, un lugar adecuado para ellas, devolviéndoles la oportunidad de volar en libertad.

Es un plan fabuloso, conociendo de cerca las aves nocturnas y viendo cómo vuelven en libertad a su medio natural. ¡Comparte con nosotros este mágico momento!