Tag Archives: Errenteria

Putzutik putzura, Listorreta inguruan

Maiatzaren 26ean, igandearekin, Listorreta inguruan (Errenterian) bizi diren  narrasti eta anfibioak ezagutzeko irteera egingo dugu. Hasiera ordua goizeko 10.00ak izango dira eta 2-3 ordu inguruko saioa izango da. Jarduera hau Ander Izagirre adituaren gidaritzapean gauzatuko da.

Plaza mugatuak direnez, aurre-erreserba egitea beharrezko da.

Arditurri parketxera deitu edo idatzi beharko duzue (arditurri@gipuzkoamendizmendi.net / 688 89 50 68 )

Narrasti eta anfibioak_002

Advertisements

Gautxoriak berriro aske hegan Listorretan eta Iturraranen

Igeldoko Arrano Etxean sendatutako hainbat hegazti askatuko dira Listorretako aisialekuan eta Iturraran Parketxean hurrenez hurren. Zentro honetan arrazoi desberdinak direla medio zauritutako edo gaixotutako animaliak sendatzen dituzte eta hauek ahalik eta lasterren beren ingurune naturalera itzultzea da haien xedea.

Gaueko 21:00etan egingo dira bi saioak, bakoitzean hainbat urubi eta mozolo askatuko direlarik, ekainaren 22an ostiralez Listorretako aisialekuan (Errenteria) Iturraran Parketxean (Pagoeta Natura Parkea, Aia).

Familian egiteko plan ederra proposatzen du beraz Gipuzkoako Parketxe Sareak, hegaztiak gertutik ezagutu eta askatasunean mendira nola itzultzen diren ikusiz.

Zatozte gurekin momentu magiko hau bizitzera!

Ikasleak Añarbera gerturatuz

Aiako Harria Natura Parkearen barnean, bada eremu bat benetan zoragarria eta ez askorentzat ezaguna dena, Añarbeko Baso Erreserba. Zonalde handi hau espezie askoren bizileku bilakatu da eta horregatik, babestu eta zaindu beharreko lurra da. Adibidez, bertan 5 okil (edo arotz) espezie bizi dira, euren artean okil beltza esaterako.

Aurten, heziketa eskaintza hobetzeko asmoz, Urdaburu mendiaren inguruan ibilaldi berri bat eskaini nahi izan dugu, ikasleak naturara hurbiltzeko. Bertan, Susperregi jatetxea abialeku izanik, inguru zoragarri honen nondik norakoak erakutsi izan dizkiegu. Errenderiko udalaren laguntzari esker, udalerri hontako ikasle ugari etorri dira ibilaldi honetara, 300 ikasletik gora. Udazkenean ere, beste horrenbeste etorriko dira.

Etorkizunean lur hauetako zaindariak izango dira ikasle hauek eta orain, beraiengan landatutako haziak etorkizun batean baso bilakatuko direlakoan gaude.

2017-06-24

Udako “abenturak”

Udara iristearekin batera, eguzkia dator eta baita abenturak bizitzeko irrika ere. Horregatik, urtero legez, Listorretako aisialeku inguruan (Errenteria) hainbat aktibitate eskaintzen dizkizuegu, zein baino zein bereziagoa.

Bihar bertan duzue lehenengo saioa, Igeldoko Arrano Etxean sendatutako hainbat hegazti askatuko baitira. Gaueko 21:00etan Listorretako etxola (taberna) izango da elkarlekua.

Ez galdu aukera eta etorri!

Udako_Abenturak_Listorreta2017 (1)

Ausart talde batekin goiz pasa

Gaur goizean, V. Bide Berdeen eguna ospatu dugu Arditurrin. Eguraldia lagun izan ez dugun arren, ausart talde majo bat animatu zaigu goiza gurekin pasatzera.

Ongi merezitako hamaiketakoarekin itxaron diegu bide berdearen amaieran, ondoren, segway zirkuituan hartu dute parte askok, baita jolas ezberdinetan ere eta jarraian, meategia ikusteko aukera izan dute.

Eskerrak eman nahi dizkiegu partaide, guztiei baita laguntzen aritu diren oiartzuar guztiei ere.

Goazen bizikletaz Arditurrira!

Dena prest dugu, datorren igandean, hilaren 18an, V. Bide Berdeen eguna ospatzeko.

Pasaia, Errenteria eta Oiartzunetik bizikleta talde ezberdinak aterako dira Arditurrira bidean. Gordailu bat egongo da bizikletak bertan gordetzeko. Ondoren, hamaiketakoa emango zaie eta jarraian, meategia prezio murriztuan bisitatzeko aukera egongo da, baita jolas ezberdinetan parte hartzekoa ere.

Zatoz kirola eginez eta bide berdeez gozatuz, Aiako Harriko Natura Parkera!

 

bide-berdearen-eguna-2016

Aizpitarteko kobetatik barrena bidaia harrigarria

Espeleologia txango arrakastatsua atzokoa Aizpitartko kobetan barrena (Errenteria, Aiako Harria Natura Parkea). Gipuzkoako Parketxe Sarea Fundazioak eta Errenteriako Udalak antolatutako ekitaldian, urak sortutako koba eta simak bisitatu genituen Felix Ugarte Elkarteko espeleologoen eskutik, baita Jesus Tapia arkeologo adituaren laguntzaz ere.

Historiaurreko bizimodura atzera pausua egin eta gure arbasoen bizileku izandakoak bisitatu genituen 3 orduz.

Mila esker aditu eta parte hartzaile guztiei, ikaragarria izan baitzen aurtengo Aizpitarteko azken irteera.

Oraindik badago lekua Aizpitarteko koben erraiak ezagutzeko

Listorretako aisialekutik hurbil, gure arbasoen bizileku izan zirenak ezagutuko ditugu abuztuaren 21ean, igandea, Felix Ugarte Elkarteko espeleologoen eskutik. Pasa den hilaren 30ean burutu genuen Aizpitarteko aurtengo lehen saioa eta hau izango da urteko azkena. Oraindik plazaren bat geratzen da, beraz, animatu ez zara damutuko eta!

Eman izena 943495069 telefonoan edota arditurri@gipuzkoamendizmendi.net helbidera idatziz.

 

Aizpitarteko lehen gizakiak // Los primeros habitantes de Aizpitarte

Abuztuaren 13an, “Aitzbitarteko Lagunak” Errenteriako Elkartearekin lankidetzan egingo den ekintza da eta helburua leizezulo hauetako historiaurreko gizakiaren bizimodua ezagutzea da. Horretarako, tailer ezberdinak burutuko dira: jaurtiketa historiaurreko propultsatzailearekin, sua pizten ikasi, historiaurreko margoak…

Doako jarduera honetan parte hartzeko, Listorretako etxolan (taberna) elkartuko gara 16:00tan. Etor zaitez arratsalde dibertigarri bat pasatzera!!

Ordutegia: 16:00-19:00.

Izena emateko: 943495069 – arditurri@gipuzkoamendizmendi.net


Esta actividad se llevará a cabo el 13 de agosto, con la colaboración de la Asociación “Aizpitarteko Lagunak” de Errenteria, y el objetivo es dar a conocer las formas de vida humana en la Prehistoria durante la ocupación de estas cuevas. Para eso, se realizarán distintos talleres: tiro con propulsor prehistórico, aprender a encender fuego, pinturas rupestres…

Para realizar esta actividad gratuita, nos reuniremos en la caseta (bar-restaurante) de Listorreta a las 16:00. ¡¡Acércate a pasar una entretenida tarde!!

Horario: 16:00-19:00.

Para apuntarte: 943495069 – arditurri@gipuzkoamendizmendi.net

Aizpitarteko erraietan… // En las entrañas de Aizpitarte

Gaur goizean Aizpitarte 2 eta 4 ezagutu ditu abenturazale talde batek, Felix Ugarte Elkarteko espeleologoen eskutik. Ikaragarria izan da esperientzia, urak sorturiko kobazulo, sima eta zirrikituetatik sartzea, eta duela milaka urte gizakien bizielkuak izan zirenak ezagutzea. Abuztuaren 21ean errepikatuko dugu irteera. Animatu, ez zara damutuko!

Hoy a la mañana un grupo de aventureros ha visitado las cuevas de Aizpitarte 2 y 4 de la mano de los espeleólogos de Felix Ugarte Elkartea. Ha sido increíble poder adentrarse en las cuevas, simas y recovecos creados por el agua, y poder conocer los hogares en los que habitaban los humanos miles de años atrás. El 21 de agosto repetiremos la salida, ¡anímate, no te quedes con las ganas!