Tag Archives: Eñaut Elorrieta

Eliza jendez lepo Eñaut Elorrietarekin

Aurreko ostiralean, azaroak 10, Eñaut Elorrietaren kontzertua izan genuen Zegamako San Martin elizan. Emanaldi hunkigarria izan zen eta jendeak abestu, parte hartu eta girotu zuen eliza.

Eñaut Elorrietaren emanaldia Zegamako Udalak eta Anduetza parketxeak udazkenero elkarlanean antolatzen duten “Zur eta Lur 2017” egitarauaren barruan zegoen. Emanaldi honekin aurtengo egitarauari bukaera eman zaio.

Mila esker Eñaut Elorrietari eta etorritako guztiei!

 

Advertisements

Eñaut Elorrieta kontzertuan Zegaman

Gaur, arratsaldeko 19:30ean, Eñaut Elorrietaren emanaldia dugu Zegaman. Kontzertua Anduetza parketxean izatea aurreikusten bazen ere, izan duen arrakasta ikusita San Martin elizan izatea erabaki da.

Emanaldia Zegamako Udalak eta Anduetza parketxeak urtero antolatzen duen Zur eta Lur 2017 egitarauaren barruan dago. Honetan ibilaldi gidatua izan dugu Zegama herriaren toponimoak ezagutzeko, hitzaldia egurraren inguruan eta azkenik musika emanaldia.

Datorren urtean errepikatzea espero dugu!