Tag Archives: baserria

Baserriko bizimodua ezagutuz

Eguraldi aparta lagun izanik, ehun pertsonatik gora bildu ziren atzo Iztueta baserrian bertako lana eta bizimodua ezagutzeko. Beste behin, Iztueta baserriko kideek ateak parez pare zabaldu zizkiguten beraien egunerokotasuna helarazteko: ukuiluko lanak, produktuen ekoizpena, abereen zaintza… eta amaitzeko bertan egiten dituzten jogurt eta izozkiak dastatzeko aukera eskaini zien bisitari guztiei.

IMG-20190217-WA0010

Plazak mugatuak izanik eta ikusita saioak izan duen arrakasta, bigarrengo aukera bat eskainiko da datorren igandean, otsailaren 24ean hain zuzen ere. Gogoratu izena eman behar dela aurrez 943180335 / 688685069 telefonoetara deituz edota barandiaran@gipuzkoamendizmendi.net helbidera idatziz.

Ibili azkar tokirik gabe gelditu nahi ez baduzu!

Iztueta Baserria_Otsailak 24

Advertisements

Tradizioa gaurkotasunez betea

Iztueta Baserria_Otsailak 17

Iztueta Baserriak bere abereak, ukuilua, zelaiak, esnetegia eta baserria erakutsi nahi dizkie jarduera honetara bertaratzen diren bisitari guztiei. Baserriko bizimodua ezagutzeaz gain ekoizten dituzten kalitate handiko produktuak dastatzeko aukera izango dute bisitariek, eta, bide batez, Aralarko ingurune paregabeaz gozatzekoa.

Iztueta Baserrian belaunaldietako esperientzia dute esne behiekin lan egiten. Beren animalien ongizatea eta elikadura zaintzen dituzte, ingurugiroa eta jasangarritasuna oinarri hartuta. Gainera, ziklo guztiaz arduratzen dira, beren produktuetan kalitate gorena bermatzeko. Iztuetan oso barneratuta dute behiak direla proiektu horien ardatz nagusia; behiek eskaintzen dieten esnea da euren sorkuntza guztien oinarria eta, esnea goi mailakoa izateko, behiak ere halakoak izan behar dute, beraz, euren zaintza egokian oinarritzen da lanaren parte handi bat. Esan beharra dago lan guzti hau, behar bezalako fruituak ematen ari dela, duela gutxi jaso baitute jogurt hoberenari zilarrezko domina.

Aralarko parketxe hedatuko aurtengo jarduera berezien egitarauari hasiera emateko, familian igande goiz eder bat pasatzea proposatzen dizuegu, beraz,  Iztueta Baserrian, datorren otsailaren 17an, igandea.

Hitzordua goizeko 11:00etan izango da baserrian bertan eta 2 orduko iraupena izango duen bisita egingo da. Aurrez izena ematea ezinbestekoa da, Aralarko Parketxearekin harremanetan jarriz 943 18 03 35 / 688 895 069 telefonoen bidez edota korreo bat idatziz barandiaran@gipuzkoamendizmendi.net helbidera.

Ez galdu aukera hau eta zatozte gurera!

Iztueta baserria ezagutu nahi al duzu?

Iztueta Baserrian belaunaldietako esperientzia dute esne behiekin lan egiten. Beren animalien ongizatea eta elikadura zaintzen dituzte, ingurugiroa eta jasangarritasuna oinarri hartuta. Iztueta Baserriarekin elkarlanean, bere abereak, ikuilua, zelaiak, esnetegia eta baserria erakutsi nahi dizkizuegu bertaratzen zareten familiei.

Ez ezazue aukera hau galdu eta eman izena, plazak azkar beteko dira eta!

Iztueta Baserria Otsailak 18

Urre txuria ezagutzen

Atzo, igandez, saio ederra ospatu genuen Aralarko Parketxean. Iztueta Baserrira egin genuen bisita, esnea nondik datorren bertatik bertara ezagutu asmoz.

Lehenik esan, atzoko taldea azkar bete zenez, igande honetan, otsailak 19, beste aukera bat izango duzuela, saioa errepikatuko dugu eta. Bizkor ibili eta eman izena berandu baino lehen!

Goiz ederra izan zen, Iztuetan belaunaldi mordo bat daramatzate baserriaz bizitzen eta atzokoan, egindako bide luze horren bizimodu gaurkotua ikusi ahal izan genuen. Nolako zura, halako ezpala. Lehengaiak zainduz eta mimatuz kalitatezko produktua lortzen dute, urre txuri preziatua alegia.

dsc_0050

Txikiek izugarri ondo pasa zuten baserrian lanean, belarra bildu eta gero behiei emanez. A ze nolako esperientzia! Saioa amaitzeko bertako produktuak dastatu genituen: izozkia, yogurta eta esnea. Guztia giro goxo eta gozoan. Milesker, Ainitze eta Iztuetako familia osoari, zuen etxeko ateak irekitzearren!

Iganderako izena emateko, jarri gurekin harremanetan 943180335 telefonora deituz edota barandiaran@gipuzkoamendizmendi.net helbidera idatziz.

Nondik dator esnea?

Aralarko Parketxeak baserri munduko ateak zabaldu nahi dizkie familiei eta horretarako datorren iganderako, otsailak 12, plan eder bat proposatzen dizuegu.

Iztueta Baserriko bizimoduan barneratzea proposatzen dizuegu: behiak ezagutu, jana jarri, esnea nola eta non lortzen duten ikusi eta behi horien esne goxoarekin egindako kalitate goreneko produktuak dastatuko ditugu. Guztia giro goxo eta gozoan. Ba al zatoz?

iztueta-baserria_kartela2017