Tag Archives: Barandiaran Museoa

Jentilen lurraldean iparra non ote?

Gabonak gertu direlarik, eta azaroko zubiko arrakasta ikusirik, Barandiaran Museoan (Ataun) “Mitologia orientazio-jolasa” jarduera eskainiko da, berriz ere, familia edo lagun taldeei zuzenduta. Igandean izango da hain zuzen ere, abenduaren 15ean goizeko 11:30etan. Jarduera honen bitartez, Barandiaran Museoko ingurunea eta Barandiaranekin zerikusia izan zuten bazter asko ezagutzeko aukera egongo da mitologiaren inguruan ikasten den bitartean.

Ez galdu aukera eta eman izena parte-hartu nahi baduzu!

Prezioa: 3€ pertsonako (orientazio jolasa egiteaz gain Barandiaran Museoa eta Errotatxo bisitatzeko aukera egongo da)

Izen emateak: 943 18 03 35 / 688 895 069 / barandiaran@gipuzkoamendizmendi.net

IMG_20190420_122546_291

Jentilak eta Olentzero ekitaldirako izen-ematea nola egin

Hemen aurkitu ditzakezue Jentilak eta Olentzero ibilaldi magikorako izen ematea egiteko xehetasun guztiak: http://jentilbaratza.eus/jentilak-eta-olentzero-ekitaldirako-izenematea-nola-egin/

Ondo irakurri pausu guztiak izen-ematea abenduaren 4ean ireki baino lehen, prozesu guztia bere osotasunean bete behar da, bestela ez baita erreserba ondo erregistratuko!

Jentilak eta Olentzero_2019

 

Jentilen lurraldean… iparra non ote da?

Azaroko zubirako Barandiaran Museotik (Ataun) jarduera berezia eskainiko da familia edo lagun taldeei zuzenduta. Larunbatean hain zuzen ere (azaroaren 2an goizeko 11:30etan), mitologian oinarritutako orientazio jolasa eskainiko da eta Barandiaran Museoko ingurunea eta Barandiaranekin zerikusia izan zuten bazter asko ezagutzeko aukera egongo da mitologiaren inguruan ikasten den bitartean.

Euskal mitologia ardatz hartuta, beraz, familian edo lagun artean goiz ederra igarotzeko aukera izango da. Iparra aurkitzeko gai izango al gara jentilen lurraldean? ez galdu aukera eta eman izena parte-hartu nahi baduzu!

Prezioa: 3€ pertsonako (orientazio jolasa egiteaz gain Barandiaran Museoa eta Errotatxo bisitatzeko aukera egongo da prezio berdinaren barruan)

Informazio eta erreserbak: 943 18 03 35 / 688 895 069 / barandiaran@gipuzkoamendizmendi.net

IMG_20190420_122546_291

Agur saguzarrei datorren urtera arte

Saguzarrak behatzeko azken saioa atzo iluntzean burutu zen Lizarrustiko parketxean. Interesdun asko bildu ziren Ane Caro adituaren inguruan eta txikienek animalia hauen inguruan ezagutza asko zituztela ikusi ahal izan genuen!

Parketxeko inguruetatik egindako ibilaldian, lotsati aritu zitzaizkigun saguzarrak, entzun entzuten genituen, baina, zailtasun handiekin ibili ginen hauek begiztatu ahal izateko… Hala ere ez genuen etsi eta saioa amaitzear zegoelarik saguzar arrunt bat (pipistrellus pipistrellus) izan genuen gure buru gainetan bueltaka! Datorren urtera arte agurtzera etorriko ote zen?

Mila esker aurten gurekin aritu diren aditu eta parte-hartzaile guztiei!

Hona hemen atzoko argazki batzuk:

20191005_191609

20191005_195026

20191005_204942

 

 

“El sabor del crimen” programakoak Agorregin eta Barandiaran Museoan

Zuzenean ikusteko aukerarik izan ez zenutenentzat hemen dauzkazue programaren bi zatitxo ikusgai, hain zuzen Agorregiko burdinolan eta Barandiaran Museoan grabaturiko irudiak.  Agorregin Aran Aldai ingurugiro hezitzaileari egin zioten elkarrizketa, Errementari pelikulan figurazio lanetan parte hartu zuen berak  eta pelikulari buruz eta Agorregiri buruz hitzegin digu.

Paul Urkijoren pelikula inspiratu zuen kondaira, Patxi errementariarena, Joxemiel Barandiaranek idatziz jaso zuenez 1903. urtean, idatzi horren bila gerturatu ziren Andrea Ropero aurkezlea eta Toti Martinez de Lezea gaian aditua Barandiaran Museoraino. Kondaira berezia benetan eta txikitako oroitzapenak ekartzen dizkigunak askori… hau bera izan da ere aurtengo Ataungo Mitoaldiaren ardatz. Barandiaran Museoko liburu zaharren artean aurkituko ote zuten bilatzen ari zirena? bideoan ikusi ahal izango duzue…

Zart, Axut, Gatz eta… Patxi errementaria Ataunen

Bazen behin Patxi izeneko errementari bat, deabrua bera baino maltzurragoa zena…

Asko izan ginen pasa den larunbatean hau entzuterakoan txikitako oroitzapen eta beldurrak berreskuratu genituenak; eta beste hainbeste izango ziren, txikienak batez ere, beldur eta oroitzapen hauek haien buruetan sortzen hasi zirenak.

3. Mitoaldiaren barruan, Gau ibilaldi mitologikoaren txanda izan zen asteburuan. Joxemiel Barandiaran gaztetxoa zeneko pasarte bat bizitzeko aukera izan genuen, eta baita, berak berreskuratutako legenda oso ezagun bat aurrez aurre ikustekoa; Patxi Errementari ardatz, garai bateko mitoen munduan buru belarri sartu ginen… lurretik infernura jaitsi, handik zerura igo, azkenik gaurko mundura itzuliz.

DSC_0071 DSC_0077

Emozioz beteriko astebete zirraragarria izan da, eta amaiera ezin hobea eman genion ikuskizun izugarri honekin. Harrien gainean eraikitako jentilen herria dantzan aritu zen, sorginek ateri mantendutako ortzi edo eguren azpian.

DSC_0062

Mito eta sinesmen askoren sehaska izatetik, euskal mitologiaren ardatz izatera pasatu da Ataun; astebetez behintzat. Milesker Jentilbaratza Kultur Elkarteko kide guztioi beste urte batez hau posible egiteagatik. Segi ezazue mitoak errealitate bihurtzen!! Eskerrak baita ere aurtengo gonbidatu bereziei, Iñaki Perurena, Jon Aizpurua eta Joseba Aurkenerenari hain zuzen ere. Eta nola ez, ezkutuko lanetan aritzen diren bolondres guztiei eta ekintzetan parte hartzera animatu zareten guztioi!! 

Segi dezagun Joxemielen lanari eutsiz, mitoak bizirik mantentzen…

DSC_0022

Ehundaka haur euskal mitologiaren sehaskan

Ataungo 3. Mitoaldiaren barruan, haur eta gaztetxoez bete ditugu Barandiaran Museoko inguruak aste guzti honetan zehar! adin eta herri desberdinetako udalekuetako taldeak etorri dira gurera 400 bisitari inguru izanik guztira 5 egun hauetan zehar.

20190704_131740

Joxemiel Barandiaranek lan izugarria egin zuen gure arbasoengandik zetozkigun kondaira, ipuin eta legenda guzti horiek idatziz jasotzen, eta, haurrak gogotsu etorri dira gurera jentilen, lamien, sorginen eta beste hainbat pertsonaien inguruan gehiago jakiteko asmoz. Galtzear zeuden istorio harrigarri guzti hauek Barandiarenen lanari esker ezagutzen ditugu gaur egun eta ahozko transmisioari eutsiz, Barandiaran Museoko ganbararen goxotasunean helarazi nahi izan dizkiegu txikienei ere. Datozen belaunaldiei ere euskal kulturaren barruan gordetzen diren altxor txiki hauek zabaltzen laguntzea da gu guztion eginkizuna, eta horretarako, mitologia tailer hauen bitartez ekintza desberdinak egin ahal izan dituzte beti ere mitologia ardatz hartuta. San Martin Txiki eta Tortoren bisita ere izan dute talde guztiek, a zer nolako suertea!!

20190712_111011

Helduentzako hitzaldia Joseba Aurkenerenaren eskutik

Beste publiko mota batentzat ere egon da lekua Mitoaldiaren barruan. Asteartean hain zuzen ere, Joseba Aurkenerena izan zen Barandiaran Museoan “Barandiaran eta mitoak” deituriko hitzaldi bat eskainiz. Informazio interesgarria benetan Josebak emandakoa. Barandiaranen lana, mitoak, euskara, euskal kultura ikutu zituen eta… ordu t’erdia motz geratu zitzaigun… Mila esker Joseba!

IMG-20190709-WA0000

“Barandiaran eta mitoak”

Gogoratu gaur hitzaldi berezia daukagula Ataungo Mitoaldiaren barruanJoseba Aurkenerena izango da gonbidatu berezia eta hitzordua arratsaldeko 19:00etan izango da Barandiaran Museoan.

Joseba Aurkenerena

Josebak, besteak beste, Karmel, Maiatz, Hatsaren Poesia, Eskuz eta Begiz, Elinberri.eus,  Zu-Zeu.eus eta Kazeta.eus agerkarietan idazten du. Baditu hainbat liburu plazaraturik ere. Gai nagusiak euskal historia, etnografia eta mitologiakoak izan dira. Horietako batzuk: – Euskal sinesmen zaharrak – Harribeltzetako ipuinak – Sorgin mainguak dabiltz – Euskaldunon mundua hizpide – Axularren itzala – Gureak eta mundu zabalekoak – Iparmina – Iragana ere gaur da – Euskal Herria beti!

Izango dugu zer ikasia bere hitzetatik! animatu eta etorri Barandiaran Museora!

 

Leitzako jentiletik, Murkoondoko zeharrera eta Marimundukoren zain

Ataunen ospatzen den 3. Mitoaldian bete betean murgildurik gaude eta jendearen erantzuna benetan ona izaten ari da. Ostiralean hasi genuen Mitologia ardatz duen jardueraz beteriko ekitaldi handi hau Iñaki Perurenak eskainitako emanaldiarekin. Zenbat gauza interesgarri kontatu zizkigun Iñakik! Gizakia aspaldidanik hasi zen harriari erabilpena ematen (lanerako, sua egiteko, jolasteko, kirolerako…) eta Iñaki Perurenak argi utzi zigun harria bere bizia izan dela eta oraindik ere badela.

Jentilen inguruan aritu zitzaigun ere Perurena eta gaur egungo harrijasotzaileak eurekin alderatu zituen, izan ere, gaurko bizimoduan perfilen bat jentilekin alderatu nahiko bagenu, hau izango bailitzake berarentzat aproposena. Barandiaranen lanari ere keinu egin zion “ez dakigu jentil haien aita nolakoa izango zen, baina, aita izango balue Joxemiel Barandiaran beharko luke izan”.

20190705_200434_retokauta.jpg

Oso interesgarria ere atzo Jon Aizpuruak Murkoondoko zeharrean barrena eskainitako ibilaldi gidatua. Ataungo beste txoko bat sakonean ezagutzera emateaz gain, bertako baserrien izenekin, Joxe Miel Barandiaranen anekdotekin eta leku berezi honek eman dituen beste ataundar ospetsu batzuen istorioekin pasarazi zigun goiz ederra Jonek.

20190706_102026_mejorada

Gaur aldiz, Marimunduko eta beste hainbat pertsonaien ipuin eta legenda harrigarriak entzuteko irrikan gaude! Lehenengo saioari hasiera eman zaio sarrera guztiak agortuz, famili ugariz bete zaigu Barandiaran Museoa eta oso pozik gaude! BIZI MITOLOGIA!

20190707_111523