Tag Archives: aste santua

Aste Santua Aizkorri inguruan

 

 

 

 

 

 

 

 

 

 

 

 

 

 

 

 

 

A

 

 

 

 

Anduetza parketxeak hainbat jarduera antolatu ditu opor hauetarako naturan ondo pasatzeko helburuarekin.

Hain zuzen ere, bi ibilaldi izango dira, bata “San Adrian, denboraren tunela” zeharkatzeko eta historia ezagutzeko eta bestea, ”Txorien kantuak ezagutzeko ibilaldia” non txorien txorrotxioa entzuten ikasiko dugun.

Tailer bat izango da ere, “Orientazioa pausuz pausu” izenburuarekin, non Zegamako orientazio ibilbide iraunkorraren zehar orientazioaren hastapenak jasotzeaz gain, natura-gune zoragarri batean ibiliko gara. Honetaz gain, Anduetza parketxea ezagutzeko bisita gidatuak izango dira, hauetan Aizkorriko basoen kultura eta zuhaitzak barne barnetik ikusiko direlarik.

Jentilen artean iparra aurkitu nahian

Aste Santua ate joka daukagu eta Aralarko Parketxeak (Ataun) eskaintza berezia prestatu du oporraldi guztirako. Lehenengo egunetan atseden hartu ostean, familian egiteko plan berezi bat proposatzen dizuegu Barandiaran Museotik lehen larunbaterako (apirilaren 20rako), mitologian oinarritutako orientazio jolasa hain zuzen ere. Iparra aurkitzeko gai izango al gara jentilen lurraldean? ez galdu aukera eta eman izena lehen bait lehen!

Bestalde, antigoaleko zerrategia eta errota martxan ikusteko aukera ere egongo da, egunero (asteartea izan ezik) 11:30etan Barandiaran Museoko bisita gidatuarekin batera edota 12:30etan Errotatxora bakarrik.

Hori gutxi izango balitz, Lizarrustiko Parketxetik ere Aralarko paisaia kulturalak ezagutzeko mendi-ibilaldi gidatuak eskainiko dira (aurrez izena eman beharko da). Natura Parkeko ezaugarriak eta bioaniztasuna ezagutzeaz gain,  gizakiak utzitako aztarna desberdinak interpretatzen ikasteko aukera egongo da.

Oraindik planik gabe? ZATOZ ARALARRERA!

Aste Santua Barandiaran 2019 EUS

Aste Santua Barandiaran 2019

Arditurri parketxea planez betea

Aste Santuan edota Pazko Astean urrutira joan gabe ere ongi pasatzeko aukera asko ditugu, eta Arditurri parketxean eskaintza zabala prestatu dizuegu.

Tren berdea_006.jpgApirilak 27, larunbata: Ez galdu Arditurriko Trena (ikus informazio guztia hemen)

Trena eta meategia konbinatuz, goiz pasa ederra egiteko aukera.

 

 

Apirilak 28, igandea: Sai arreak behatu (ikusi informazio guztia hemen)

Irteera gidatua Aiako harrian habiak egiten dituzten hegazti sarraskijale hauen bizimodua eta ohiturak hobeto ezagutzeko. Teleskopioz behatzeko aukera izango da.

 

Meategi barnean

Horrez gain, Arditurri meategira bisitak egiteko aukera ere egunero eskainiko dugu, Aste Santuan eta baita Pazko Astean zehar (asteartean ezik itxita baitago). Aurre erreserba egitea gomendagarria da, beraz deitu 943 49 45 21 telefonora eta egin zure erreserba!

Egun pasa ederra Pagoetan / Día completo en Pagoeta

Pagoetako parke naturalean egun oso batez naturaz gozatzera gonbidatzen zaituztegu: gure historiako lanbide zaharrak gertutik ezagutu, argizari eta eztizko laberintuetan murgildu, lorategiaren esnatzea behatu, inguruko basoetan paseatu, orientazio zirkuituak egin…  Zatozte, Aste Santua jarduerez betea datorkigu eta!

Auténtico tesoro natural cercano a la costa, el Parque Natural de Pagoeta, situado en Aia, es el destino ideal para la persona amante de la naturaleza, la calma, el bosque y el paseo. Os hemos preparado un sinfín de actividades para Semana Santa: ver una ferrería y un molino en funcionamiento, descubrir los secretos de las abejas, observar el despertar del Jardín Botánico de Iturraran, realizar circuitos de orientación…

 

Aste Santua eta Pazko Astea Gipuzkoako Natura Parkeetan

Burdinolak, erleak, meategiak, saroiak, errotak, mitologia, orientazio jolasak, gaztagintza…

Urtero bezala, aurtengoan ere, gipuzkoar asko irtengo da kanpora Aste Santuan eta Pazko Astean, baina ez dira gutxi (ematen duena baino gehiago) Probintzian geratzen diren herritarrak, eta horiei, jakina, kanpotik hona datozen bisitariak erantsi behar zaizkie.

Urrutira joan gabe natura-aisiaz gozatu nahi duten gipuzkoarrentzat eta ondoko lurraldeetatik nahiz urruneko herrialdeetatik gurera datozenentzat, egitarau aberatsa prestatu dute Gipuzkoako lau Natura Parkeen erakusleiho diren parketxeetan. Guztiontzako planak daude proposamenean: familian egitekoak, bakarka egitekoak, naturarekin loturikoak, kultur ondarea ezagutzera ematen dutenak…

Pagoetako Natur Parkean (Aian), adibidez, Aste Santuko egun guztietan eta Pazko Asteko asteburuan Agorregiko burdinola martxan jarriko da; oraindik hara bertaratu ez den norbait badago, zur eta lur geratuko da hango hauspo, gabia eta gurpil hidraulikoaren mugimendu eta hotsarekin. Iturrarango parketxean bertan borobildu daiteke goiza, erlauntzen irekierarekin harrituz, lorategi botanikoaz gozatuz edo orientazio zirkuitua frogatuz, bai familian, bai bakarka.

IRUDI HANDIA.jpg
Iturraran parketxea (Aia)

 

Aparteko beste aukera Aiako harriko Natura Parkean dagoen Arditurriko (Oiartzungo) meatze-gunea bisitatzea da: kaskoa jantzi, lurraren erraietara sartu eta garai batean ilunpearen isiltasunean han lan egin zuten meatzariek sentitzen zutena bizitzea. Gainera, aurten, txu-txua trenean gerturatu daiteke meategietara, Pagoaldea industrialdetik abiatuz. Beste egun-pasa bat Aiako harria Natura Parketik atera gabe: Hernanin, Akola inguruko trikuharri eta saroiak ikusi ondoren, nahi duenak, Larregaingo sagardotegian amaitu dezake goiza, upel artean, sagardo berria dastatuz.

Tren berdea 001
Txu-txu trena Arditurrin

 

Ataunen ere, Aralarko Natura parkean oraingoan, gorputzarenak ez ezik, izpirituaren beharrak asebetetzeko aukera dago, talo-tailerraren aitzakian, Barandiaran museoa nahiz hango errota eta zerrategi hidrauliko ikusgarria bisitatuz. Aurtengoan, gainera, mitologia orientazio jolasa izango da familientzat. Lizarrustiko parketxea ere hor dago, aterpetxe zein jatetxe eta guzti. Hain gertu, eta, era berean, hain urruti dagoen Natura Parke zoragarriaz gozatzeko mendi ibilaldia egiteko aukera izango dute nahi duten guztiek.

DSC_0048.JPG
Barandiaran Museoa (Ataun)

Eta Aizkorri-Aratzeko Natura parkean zer? Bada, berrikuntza franko. Batetik, Zegaman dagoen Anduetza parketxeak, Goierriko hainbat txoko eder bisitatzeko abiapuntu paregabea denak, zein baino zein erakargarriagoak diren bi jarduera antolatu ditu datozen egunotarako: familientzat orientazio ibilbidea eta “jaten den egurrik ba al dago” saio kitzikagarria, azken hau Anduetzan bertan.

image033 (1)
Orientazio jolasa familientzat

 

Aizkorri mendiaren beste aldean, azkenik, Arantzazu dago. Euskal arte garaikidearen erakuskari ezin hobea den Santutegiaz eta Natura Parkearen sekretuak erakutsiko dizkigun parketxeaz gainera, iaz irekitako aterpetxea dago han, Gandiaga I eraikinean, ondo lo egin eta egun batzuetan autoaz ahaztu nahi dutenentzat. Agerikoa da Arantzazun aisiarako aukerak ugariak direla, baina, labur beharrez, bat aukeratu behar eta honakoa gomendatzen dugu: ibilbide irisgarritik Gomiztegiraino joan, artzaintzaren eta gaztagintzaren nondik norakoak bertatik bertara ezagutu eta, Euskal Herrian gaudenez, nola ez, ardi latxaren esnearekin egindako gutiziekin sabelari atsegin eman.

20170415_110913 (1)
Artzain-zakur erakustaldia Gomiztegin

 

Hori guztia Gipuzkoan eskura izanda, merezi al du urrutira joatea?

Informazio gehiago:
943180335
barandiaran@gipuzkoamendizmendi.net

Udaberriko e-buletina ikusteko eta jardueren inguruko informazio gehiago eskuratzeko sakatu HEMEN.

Aste Santuan urrutira joan gabe

Anduetza parketxeak hainbat jarduera antolatu ditu opor hauetarako naturan ondo pasatzeko helburuarekin. Hauetatik “Orientazioa pausuz pausu” da protagonista. Zegamako orientazio ibilbide iraunkorra 2017ko azaroan jarri zen martxan. Orientazio ibilbide hauetatik errazena, horia hain zuzen ere, izango da honetan oinarri.

Aste Santuan “Orientazioa pausuz pausu” ekitaldira hurbiltzen den bisitari orok, herria eta inguruak ezagutzeko beste modu bat izango du. Anduetza parketxean, orientazio mapak eskuratu ahal izango ditu, eta han emango diren azalpenen bitartez, herrian barrena jarritako baliza edo elementuak bilatzea izango da parte hartzaileen erronka. Baliza hauetan pistak izango dituzte eta bukaeran erantzunak Anduetzan aurkeztu beharko dituzte.

Familia zein heldu, taldeka edo bakarka, parte hartu ahal izango dute ekitaldi honetan.

Bisita bereziak Aste Santuan: natura, artzaintza, gazta…

Neguak utzi nahi ez gaituen arren, gorputzak kalera irtetea eskatzen digu eta gainera ate joka daukagu dagoeneko Aste Santua. Aurtengoan natura parkea, artzaintza eta gaztagintza izango dira Arantzazuko jardueren ardatz eta, eskainiko diren bisita gidatu berezien bitartez, gure ingurunea hobeto ezagutzeko aukera egongo da.

Alde batetik, bisita gidatu bereziak eskainiko dira Arantzazuko Parketxean Aste Santua eta pazko asteko jaiegun guztietan goizeko 11:00etan (ordu beteko iraupenarekin gutxi gora-behera).

Bestetik, urte hasieratik Gipuzkoako parketxeetan egin diren baserrietako bisitekin jarraituko dugu eta Gomiztegi Artzain Eskolan artzaintzaren eta gaztagintzaren sekretuak ezagutzeko aukera eskainiko da oporraldiko 2 larunbatetan (goizeko 10:00etan hasiz, bi orduko iraupenarekin).

Animatzen? zatoz Arantzazura!

Gaztagintzaren sekretuak 2018

Aunque parezca que el invierno no nos quiere abandonar, el cuerpo nos pide salir a la calle y además queda muy poco para la Semana Santa. Este año, el parque natural, el pastoreo y la elaboración de quesos serán el eje principal de las actividades que se desarrollarán en Arantzazu durante esos días y que darán pie a conocer un poco mejor nuestro entorno.

Por un lado, se ofrecerán visitas guiadas especiales en el Parketxe de Arantzazu a las 11:00h todos los días festivos de Semana Santa y la semana de pascua (con una duración aproximada de 1 hora).

Por otro lado, se dará continuidad a las visitas que se llevan organizando desde comienzos de año en los parketxes de Gipuzkoa a diferentes baserris de la zona, pudiéndose visitar la Escuela de Pastores Gomiztegi donde se podrán descubrir los secretos del pastoreo y la elaboración del queso. Estas visitas se realizarán los dos sábados del periodo vacacional de Semana Santa dando comienzo a las 10:00 de la mañana y con una duración de dos horas.

¿Te animas? ¡Ven a Arantzazu!

 

Mitologia orientazio jolasa Ataunen

Dagoeneko ate joka dugu udaberria eta ziur Aste Santurako planak egiten ere hasiak zaretela. Hementxe gatoz familian egiteko plan eder batekin.

Aralar eta Ataungo bazterrak ezagutzeko eta bertako ondare naturalarekin zein kulturalarekin gozatzeko MITOLOGIA ORIENTAZIO JOLASA antolatu dugu, pazko asteko igandean, apirilak 8an. Familian goiz ederra pasako duzue, Barandiaran Museo inguruan dauden pistak aurkitu beharko dituzue, mitologiarekin zerikusia izango dutenak.

Horrez gain Barandiaran Museoan eta Errotatxon egunero bisita gidatu bereziak eskainiko dira 11:30etan, Talo tailerrak egiteko aukera ere egongo da eta baita Aralarko Natura Parkean zehar ibilaldi gidatuak ere.

Plan sorta ederra beraz, mitologiaz zein naturaz gozatzeko eta jolastuz ikasteko.

Eman izena eta ez zaitez lekurik gabe geratu!

Aste Santua Barandiaran 2018

Ardiak beeka etorri zatzaizkigu bila

Arantzazuko Parketxea ardiz inguratuta agertu zaigu Aste Santuko lehenengo egunean. Larunbaterako gonbita luzatzeko agian? gogoratu bi egun falta direla Gomiztegi Artzain Eskolan gaztagintzaren sekretuak ezagutzeko!

Ardiak IZ

Oporraldi honetarako prestatu dugun lehendabiziko ekintza izango da honakoa. Apirilaren 15ean goizeko 10:00etan elkartuko gara Arantzazuko Parketxean,  eta, zailtasunik gabeko ibilbide eder bat eginez, Gomiztegira hurbilduko gara. Bertan instalakuntzak bisitatu eta ardi eta arkumeekin egoteko aukera izango dute bisitariek. Bukatzeko artzain txakurren erakustaldia eta gazta dastaketa batekin borobilduko da goiza.

Gainera parte-hartzaile guztiek apirilaren 21ean ospatuko den Kalakan taldearen kontzerturako sarrerak doan eskuratuko dituzte.

Ardien seinaleari… ez entzunarena egin behar al diozu?

Izen-emateak: 943782894 / arantzazu@gipuzkoamendizmendi.net

ARANTZAZU Aste Santua 2017

Jai egunak natura parke batean

Etxetik urrun joan gabe, hain zuzen ere Aizkorri-Aratz natura parkean, ondo pasatzeko eskaintza zabala duzu datozen egunetarako. Ondo pasatzeaz gain, Aizkorri-Aratz natura parkeko altxorrak ezagutuko dituzu, zuhaitz lepatuak, zura motak eta erabilerak, San Adrian igarobidea eta txoriak kantuen bitartez besteak beste.

Días festivos cerca de casa

Para divertirte en la naturaleza sin irte lejos de casa, el Parketxe Anduetza te presenta algunos planes para los próximos días festivos. Además de pasarlo bien, conocerás los tesoros que alberga el parque natural Aizkorri-Aratz, los arboles trasmochados, los tipos de madera y sus usos, el paso de san Adrián y los cantos de los pájaros entre otros.