Tag Archives: Arditurri Paketxea

Okil beltza sakonean ezagutuz

Gaur Arditurri parketxean okil beltza sakonean ezagutzeko hitzaldia eta ibilaldia eskaini dugu Aitor Lekuonaren eskutik.

Hitzaldian eta baita ibilaldian ere, oso gustora ibili gara hegazti honen bizimoduan sakonduz. Hemendik aurrera basoak beste modu batean ikusiko ditugula ziurtatu dezakegu. Espezie berezi honek kabiak egiteko behar dituen baldintzetaz ohartuz gero, gai izango gara hauek erraz topatzen. Gaurkoan, ezustean, halaxe gertatu da, hainbat kabi ikusi ahal izan ditugu eta.

 

 

Advertisements

Sai arreak gertutik ezagutzen

Aurten, Arditurri parketxean  sai arreak hobeto ezagutu ahal izateko hiru saio eskaini ditugu, eta igande honetan garatu da azkena. Egun oso beroa izanik ere, oso gustora egon ginen, halako jarduerek badutelako kitzikatzen gaituzten zerbait. Dagoeneko kumeak heldu itxurarekin ikusi ahal izan genituen, oraindik hegan egiteko gai ez badira ere. Bestalde zeruan sai arre ugari ikusi genituen eta horien artean sai zuri bat ere, benetan zoragarria izan zen!

Tren berdea Arditurrira heldu zen

Pazko Asteko larunbat honetan tren berdean Arditurriko meaguneraino hurbildu eta bertan meategia bisitatzeko aukera eskaini genuen, eta harrera beroa izan genuen. Eguraldia ez zen oso atsegina izan baina hala ere famili ugari etorri ziren gurera.

Plan itzel hau benetan oso gustokoa da familien artean, eta horrexegatik, datozen hilabeteetan ere antolatzen jarraituko dugu!

Trenaren arrakasta ukaezina da

Arditurriko parketxean egun berezia antolatu genuen atzo, martxoak 28, eta ezin hobea izan zen jasotako harrera, sarrera guztiak agortu baitziren. Hori dela eta, bertara hurbildu ziren partaide guztiei eskerrak eman nahi dizkiegu.

Aste Santuko azken jai egun honetarako trenarekin Arditurriraino etorri eta bertan meategiko bisitak egiteko aukera eskaini zen, hori bai, prezio berezietan.

Eskaintzaren arraskata ikusita argi geratu zaigu, berriz ere plan bera prestatu behar dugula, beraz oraingoan etortzeko aukerarik izan ez baduzue, lasai egon, hurrengo batean izango duzue eta!

Collage 2