Tag Archives: Aralar Parke Naturala

Hemen da, badator…“Jentilak eta Olentzero” ibilaldi magikoa!

Aurtengo “Jentilak eta Olentzero” ibilaldi magikoa abenduaren 22an ospatuko da, ohikoa den bezala Lizarrustiko Parketxetik abiatuz.

Izena emateko abenduaren 4ean “www.jentilbaratza.eus” web-orrian erreserba egin beharko da (goizeko 9:00etatik aurrera). Erreserba honen bitartez eskuratzen den agiria, ibilaldiaren egunean bertan Lizarrustiko Parketxean sarrerarengatik aldatu beharko da (prezioa 3€ izango da pertsonako).

Aurrez, esan, jakin badakigula oso denbora gutxian agortuko direla lekuak, urtero bezala ehunka eta ehunka pertsona ari zaretelako deitzen informazioa eskatuz, eta pena handiz, baina agortu ondoren ezin izango dugula izen gehiago hartu.

Kontutan izateko hainbat ohar garrantzitsu:

  • Adierazitako webgunea da modu bakarra sarrerak eskuratzeko.
  • Egunean bertan ez da onartuko sarrerarik ez duen inor. Jarduera honen kalitatea eta segurtasuna bermatu nahi dira, hortaz, sentitzen dugu kanpoan geratuko diren guziongatik, bihotzez, eta ulertuko duzuelakoan gaude.
  • Bi ordu eta erdi / hiru bat orduko ibilaldia izango dela aurreikusten da, nahiz eta zailtasun aldetik ez den ibilaldi zaila 3 urtetik gorako aurrentzat da soilik egokia.
  • Ibilaldiaren hasieran eta amaieran 10-15 minutuko aldapa egongo da, baina tarteko ibilaldia baso lau batetik zehar egingo da, ia desnibelik gabekoa, pagadi eder eta magiko batetik hain zuzen ere, pertsonaia mitologikoen bizileku den Allekupeko basoetatik.
  • Lizarrustiko aparkalekua txiki geratzen da horrelakoetan, hortaz, arren, sarrerak eskuratzea lortzen duzuenok ahalik eta kotxe gutxienetan etorri.
  • Mendiko arropa eta oinetako egokiak beharrezkoak izango dira eta noski, mundu mitologikoan murgiltzeko gogoz eta ilusioz etortzea!

Ausartzen al zarete gurera etortzen?

Jentilak eta Olentzero_2019

Agur saguzarrei datorren urtera arte

Saguzarrak behatzeko azken saioa atzo iluntzean burutu zen Lizarrustiko parketxean. Interesdun asko bildu ziren Ane Caro adituaren inguruan eta txikienek animalia hauen inguruan ezagutza asko zituztela ikusi ahal izan genuen!

Parketxeko inguruetatik egindako ibilaldian, lotsati aritu zitzaizkigun saguzarrak, entzun entzuten genituen, baina, zailtasun handiekin ibili ginen hauek begiztatu ahal izateko… Hala ere ez genuen etsi eta saioa amaitzear zegoelarik saguzar arrunt bat (pipistrellus pipistrellus) izan genuen gure buru gainetan bueltaka! Datorren urtera arte agurtzera etorriko ote zen?

Mila esker aurten gurekin aritu diren aditu eta parte-hartzaile guztiei!

Hona hemen atzoko argazki batzuk:

20191005_191609

20191005_195026

20191005_204942

 

 

Izarretara begira orain Aralarren

Datorren irailaren 21ean, larunbatarekin, izarretara begira jartzeko aukera izango da Ataungo Lizarrustiko parketxean. Jarduera honen barruan, momentuan zeruan ikus daitezkeen izar eta konstelazioak behatuko dira aditu baten gidaritzapean. Gipuzkoako Parketxe Sarea saio desberdinak burutzen ari da Gipuzkoako natura parkeetan, eta Aralarko parketxearen txanda izango da, beraz, datorren larunbatean.

Elkargunea Lizarrustiko Parketxea (Ataun) izango da gaueko 21:30etan eta bertako inguruetan gauzatuko den jardueraren aurretik, Jesus Arregi adituak, azalpenak emango ditu parketxearen barruan. Plaza mugatuak daude, beraz erreserba egitea beharrezkoa da. Publiko orokorrari dago zuzenduta, baina 8 urtetik gorakoentzat egokia.

Animatu eta eman izena berandu baino lehen!

943 18 03 35 / 688 895 069 / barandiaran@gipuzkoamendizmendi.net

Izarretara begira_2019

Jende ugari bildu zuen Aralarko 4. Rogaineak Lizarrustin

Atzo ospatu zen Aralarren Gipuzkoako 4. Rogaine proba giro ezin hobean. Eguraldi aparta eta parte-hartzaile ugari, denentzako egon zen lekua atzo Lizarrustin, kirol honetan adituak direnentzat, hasi berrientzat, familientzat… Rogaine erako orientazio probak gero eta jende gehiago erakartzen duten kirol bilakatzen ari dira eta, kirola egiteaz gain, orientatzen ikasi eta Aralar bezalako natur ingurune batek eskaintzen dituen baliabideak ezagutzeko aukera ere ematen du. Hona hemen atzoko argazki batzuk:

IMG-20190914-WA0007

IMG-20190914-WA0006

IMG-20190914-WA0005

IMG-20190914-WA0014

 

 

 

Life Oreka Mendian proiektua ezagutzeko argazki erakusketa ibiltaria Gipuzkoako Natura Parkeetan

cartel_expo_page-0001

Life Oreka Mendian, larreen kudeaketa jasangarria bultzatzeko 2016. urtean sortzen den proiektua da. Goi mendietako larre hauek Europako toki edo zonifikaziorik mehatxatuenak kontsideratzen dira eta estrategia amankomun bat garatu nahi da Natura 2000 Sarearen barruan aurkitzen direnak kontserbatzeko. Abeltzaintzaren eta artzaintzaren gainbeherak larre hauen erabilera falta ekarri du, eta, asko ez dira kontserbatzio egoera onean aurkitzen.

Proiektu honek Europa mailan oso mehatxatuta dauden mendiko larreak kudeatu eta kontserbatzeko oinarriak ezartzen ditu, beraz, habitat ezberdinen eta bertan bizi diren espezieen babesa bermatuz. Mendiko larreetan kudeaketa integratu eta jasangarrirako lur-jabeak, erabiltzaileak, naturguneetako kudeatzaileak, adituak eta tokiko eragileak inplikatu nahi dira.

Aurten, proiektu honen inguruan, Natura Parke guztietan ibilaldi gidatu bana eskaini du Gipuzkoako Parketxe Sarea Fundazioak lankidetza moduan, larre hauek balioan jartzeko eta euren bioaniztasuna ezagutzera emateko. Orain argazki erakusketa ibiltariak zeharkatuko ditu natura parke guztietako parketxeak irailetik datorren urteko otsailera bitartean. 31 argazkiz eta proiektuaren inguruko ikus-entzunezko batez osatutako erakusketa hau, hilabete honetan zehar Lizarrustiko parketxean egongo da ikusgai, asteartetik igandera 10:30-19:00 ordutegiaren barruan (ikus-entzunezkoa igandeetan ikusi ahal izango da 10:00-14:00 bitartean). Argazki hauek mendiko larreen kontserbazio eta erabileraren arteko harreman estua eta oreka bat lortzearen beharra islatu nahi dute. Baita tradizioaren eta berrikuntzaren arteko oreka ere habitat hauek desagertu ez daitezen.

Proiektu honen inguruan informazio gehiago nahi izanez gero: www.lifeorekamendian.eu/eu/

20190905_113216

Exposición fotográfica itinerante para dar a conocer el proyecto Life Oreka Mendian en los Parques Naturales de Gipuzkoa

El proyecto Life Oreka Mendian nace en el año 2016 para impulsar la gestión sostenible de los pastos de montaña. Se considera que estos pastos componen uno de los ambientes más amenazados de Europa y se quiere desarrollar una estrategia común para gestionar estas zonas situadas en lugares Natura 2000. El declive del pastoreo y la falta de uso provocan que los hábitats naturales que tradicionalmente han sido utilizados por la ganadería extensiva en Euskadi se encuentren en algunas zonas en un estado de conservación desfavorable.

Este  proyecto, por lo tanto, pretende establecer las bases para gestionar y conservar los pastos de montaña más amenazados de Europa, asegurando la protección de los diferentes hábitat y las especies que en ellos viven. Para ello se implicará a los propietarios, usuarios, gestores de espacios naturales, expertos y agentes locales en la gestión integrada y sostenible de los pastos de montaña.

Este año, en el marco del proyecto, con la colaboración de la Fundación Gipuzkoako Parketxe Sarea, se han llevado a cabo en todos los parques naturales de Gipuzkoa diferentes itinerarios para poner en valor estos pastos y dar a conocer su rica biodiversidad. Ahora una exposición itinerante va a recorrer todos los parketxes de los parques naturales de la provincia desde septiembre hasta febrero del año que viene. Durante este mes de septiembre esta exposición compuesta por 31 fotografías y un vídeo explicativo del proyecto estará expuesta en el parketxe de Lizarrusti de martes a domingo de 10:30 a 19:00 (el video del proyecto se emitirá los domingos de 10:00 a 14:00). A través de ella se intentará reflejar el estrecho vínculo y la necesidad de lograr un equilibrio entre conservación y aprovechamiento de los pastos de montaña y entre innovación y tradición, para que estos valiosos hábitat no desaparezcan.

Para más información acerca del proyecto: www.lifeorekamendian.eu

Gipuzkoako 4. rogainea Aralarren

Datorren larunbatean, irailaren 14ean, Aralargo mendiak Gipuzkoako 4. orientazio rogainearen lekuko izango dira. Aralargo mendi eta larreak, toki ezin hobeak dira mendian orientatzen ibiltzeko, eta parte hartzaileek, mapa eta iparorratzaren laguntzarekin, mendian jarriko diren balizak bilatzen saiatu beharko dute.

Aralar TXEMI WEB

Iberogaine orientazio ligako proba izanik, Espainia zein Frantziako 250 parte hartzaile baino gehiago hurbilduko dira Lizarrustiko parketxera larunbat goizean. Bertan, 2 proba izango dira. Batetik 8 orduko rogainea, hauek goizeko 10.30etan , Aralargo San Migueletik abiatu eta gehienez ere 8 orduko tartean, Lizarrustira itzuli beharko dute. Eta bestetik, goizeko 11.00tan Lizarrustiko parketxean bertan 3 orduko rogainea abiatuko da. Hauek, denbora epe laburrago batean berdina egin beharko dute, baina hasiera eta bukaera Lizarrustin bertan izango da.

Rogaine erako orientazio probak, 2 eta 5 pertsonez osaturiko taldeetan egiten dira. Momentu oro, taldeak batera joan behar du mendian eta orientazioa, estrategia eta gaitasun fisikoa uztartzen dituen modalitatea da. Haiseran, parte hartzaileei, Aralargo mendilerroko orientazio mapa banatuko zaie, 15 minutuko denbora tartean, taldeak, 8 edo 3 ordutan, biderik motzena eta baliza kopuru gehien lortuko lituzkeen bidea zein izango den erabaki beharko du. Eta behin irteera emanda, talde bakoitzak erabakitzen du zein bide hartu. Baldintza bakarra dago, 8 edo 3 orduko epean, mapan azaltzen den helmugako tokian agertzea, bestela lorturiko puntuak galtzen baitira.

Aurten, berrikuntza modura, 8 orduko proban, GPS bidezko jarraipena egingo da eta Lizarrustiko parketxetik zuzenean eta internet bidez momentu oro jarraitu ahal izango da parte hartzaileen ibilbidea. Eguna borobiltzeko, amaieran, otordu bat eta sari banaketa izango da.

Informazioa eta izen ematea: https://gotorientazioa.org/aralargo-rogainea-2019/
Kontakturako: info@gotorientazioa.org

Babesleak:

Babesleak

“El sabor del crimen” programakoak Agorregin eta Barandiaran Museoan

Zuzenean ikusteko aukerarik izan ez zenutenentzat hemen dauzkazue programaren bi zatitxo ikusgai, hain zuzen Agorregiko burdinolan eta Barandiaran Museoan grabaturiko irudiak.  Agorregin Aran Aldai ingurugiro hezitzaileari egin zioten elkarrizketa, Errementari pelikulan figurazio lanetan parte hartu zuen berak  eta pelikulari buruz eta Agorregiri buruz hitzegin digu.

Paul Urkijoren pelikula inspiratu zuen kondaira, Patxi errementariarena, Joxemiel Barandiaranek idatziz jaso zuenez 1903. urtean, idatzi horren bila gerturatu ziren Andrea Ropero aurkezlea eta Toti Martinez de Lezea gaian aditua Barandiaran Museoraino. Kondaira berezia benetan eta txikitako oroitzapenak ekartzen dizkigunak askori… hau bera izan da ere aurtengo Ataungo Mitoaldiaren ardatz. Barandiaran Museoko liburu zaharren artean aurkituko ote zuten bilatzen ari zirena? bideoan ikusi ahal izango duzue…

Aralarko larreen bioaniztasuna

Aurten HAZI-rekin lankidetzan Gipuzkoako Natura Parke guztietan ibilaldi gidatu bana eskaintzen ari da Gipuzkoako Parketxe Sarea Fundazioa, larre hauek balioan jartzeko eta euren bioaniztasuna ezagutzera emateko. Ibilaldi gidatu hauek doakoak dira, eta Aitor Salaberria adituaren azalpenak entzun ahal da haietan.

Igande honetan, ekainak 16, eguraldi txarragatik atzeratutako ibilaldia gauzatuko da Aralarren. 10:00etan hasiko da Lizarrustiko Parketxetik eta 3-4 orduko iraupena izango du. Hamaiketakoa, ura eta oinetako egokiak eramatea beharrezkoa da. Izena eman nahi duenak 943 18 03 35 telefonora deitu beharko du edota barandiaran@gipuzkoamendizmendi.net helbidera idatzi.

OREKA MEDIAN2019_v2

Life Oreka Mendian proiektuaren inguruko informazioa

Life Oreka Mendian, larreen kudeaketa jasangarria bultzatzeko 2016. urtean sortzen den proiektua da. Goi mendietako larre hauek Europako toki edo zonifikaziorik mehatxatuenak kontsideratzen dira eta estrategia amankomun bat garatu nahi da Natura 2000 Sarearen barruan aurkitzen direnak kontserbatzeko. Abeltzaintzaren eta artzaintzaren gainbeherak larre hauen erabilera falta ekarri du, eta, asko ez dira kontserbatzio egoera onean aurkitzen.

Proiektu honek Europa mailan oso mehatxatuta dauden mendiko larreak kudeatu eta kontserbatzeko oinarriak ezartzen ditu, beraz, habitat ezberdinen eta bertan bizi diren espezieen babesa bermatuz. Mendiko larreetan kudeaketa integratu eta jasangarrirako lur-jabeak, erabiltzaileak, naturguneetako kudeatzaileak, adituak eta tokiko eragileak inplikatu nahi dira.

Igaratzako Historiaurreko altxorrak ezagutzeko ibilaldi gidatua Jose Antonio Mujikarekin

Historiaurreko Aztarnak IGARATZA2019

Gutxi dira Gipuzkoan Aralar bezalako tokiak eta are gutxiago Igaratza bezalako bazterrak. Paisaia hunkigarriaz gainera, bisitariak aziendaren zintzarriek onduriko doinuaz goza dezake han; hitz bitan, bakea senti daitekeen txoko urri horietakoa da Igaratza, hiri-eremutik gertu, baina, era berean, oso urruti dagoen paradisu txiki bat.

Igaratzaraino hurbildu eta arreta pixka bat opa diona segituan ohartuko da gizakiak aspaldidanik erabili duen lekua dela, han dauden zutarri txundigarriak eta bi trikuharri ikusgarriek erakusten duten bezala. Aztarna horiek bezain ezagunak izan ez arren, Igaratzan badira, baina, altxor gehiago, ez nolanahikoak gainera.

Izan ere, 2012. urtetik aurrera, Euskal Herriko Unibertsitateko Jose Antonio Mujika irakasleak zuzenduriko ikerketa-taldeak, miaketa lanaren ondorioz Igaratzan idorotako zenbait elementutan nahiz lehendik (batez ere Barandiaranen lanari esker) ezagutzen ziren beste egitura batzuetan arkeologikoki esku hartu du, behin baino gehiagotan emaitza harrigarriak lortuz, Beaskinarte eta Aiatzio izeneko guneetan egindako aurkikuntzak lekuko. Ez alferrik, Mujikaren taldea 2003. urteaz geroztik ari da lanean Enirio-Aralarko mankomunitatearen esparruan.

Lehendik ezagutzen ziren altxorrak hobe ulertzen laguntzeko eta, bereziki, berriki aurkitu direnak aurkezteko, Gipuzkoako Parketxe Sarea fundazioak ibilaldi gidatua antolatu du Igaratzara ekainaren 15ean (larunbatarekin), Jose Antonio Mujikaren gidaritzapean antolatu ere.

Ibilaldia 9:00etan abiatuko da Lizarrustiko parketxetik eta itzulera ordua 18:00etarako aurreikusten da. Egun pasa eder baten proposamenarekin dator, beraz, oraingoan Aralarko Parketxea. Hamaiketakoa, bazkaria, ura eta oinetako egokiak eramatea beharrezkoa da. Ibilaldiaren luzera eta malda direla eta, irteera hau mendian ibiltzea ohituta daudenei zuzenduta dago. Azalpenak euskaraz emango dira eta prezioa 5€-koa da pertsonako. Izena emateko edo informazio gehiago jasotzeko: barandiaran@gipuzkoamendizmendi.net / 943 180 335 / 688 895 069.

Ezkutuko animaliak ikusiz ikasten

Herpetofaunaren inguruan Gipuzkoako Parketxeetan antolatu diren ibilaldien barruan, pasa den igandean gauzatu zen irteera hauen azkenetarikoa Aralarren. Ander Izagirreren gidaritzapean eta eguzkia lagun, Lareoko urtegirantz abiatu ginen. Anfibioen eta narrastien inguruan hedatuta dauden mito zein beldur asko uxatu zizkigun Anderrek, animalia talde harrigarri honen bitxikeriak azaltzen zizkigun bitartean.

IMG_20190602_105618_173

Argazki eta azalpenekin konformatu beharko genuela pentsatzen hasiak ginenean… arrabioa atera zen arroka baten azpitik! Handik aurrera, eguraldiari eta Anderren lanari esker, beste zortzi espezie ikusteko aukera izan genuen. Beti ere errespetuz, ikusezinak ematen duten animalia hauek bertatik bertara ezagutzeko aukera paregabea izan zen. Suge gorria ikustea kosta zen, baina baita lortu ere!  Mila esker gerturatutako guztioi zuen jakinminarengatik eta gurera etortzeagatik eta… beste bat arte!!

Azken saio bat gelditzen da Aiako harria Natura Parkean, beraz, deitu Arditurri Parketxera eta eman izena lekurik gabe gelditu nahi ez baldin baduzue! Informazio eta erreserbak: 943 49 50 69 / arditurri@gipuzkoamendizmendi.net

IMG_20190602_120359_279