Tag Archives: anfibioak

Ezkutuko biziaren bila

Atzo Aizkorri-Aratzeko herpetofauna ezagutzeko ibilaldia egin genuen Arantzazuko Parketxetik. Azkenean eguraldiak bere aldetik ere jarri zuen eta narrasti eta anfibio ugari ikusteko aukera izan genuen, ez baikara eguzkia ikusteko desiratzen gauden bizidun bakarrak! Musker berdeak, txantxikuen zapaburuak, sugandilak, ziraunak, apo arruntak, uhandre palmatuak, baso igel gorriak… guztiak gertu-gertutik ezagutzeko aukera izan genuen, bestalde, sugeak lotsati xamar ibili ziren eta ez genuen bat ere ikusi Ander eta Aritz asko saiatu ziren arren, ea datorren urtean!

20180603_110518

Animali hauen inguruko aholku eta informazio interesgarri asko jasotzeaz gain, konturatu ginen edozein zirrikitutan, putzutan, harrien azpian… bizi asko ezkutatzen dela eta askotan mendira itsu-itsuan joaten garenean zenbat gauza galtzen ditugun inguruneari ez erreparatzeagatik…

Honezkero amaitu dira aurtengo ibilaldiak narrasti eta anfibioak ezagutzeko, baina, elkar ikusiko dugu berriz lagunak! datorren urtera arte!

Advertisements

Nor bizi da Aizkorri-Aratzen?

Datorren igandean, ekainak 3an hain zuzen ere, gure inguruko narrasti eta anfibioen bila irtengo gara Arantzazuko Parketxetik. Gipuzkoako Natura Parke guztietan, animalia ezezagun hauek ezagutzeko, antolatu diren ibilaldietatik azkenekoa izango da honakoa.

Aizkorri-Aratz natura parkean aurki daitezkeen narrasti eta anfibioak ezagutzeko ibilaldi berezi hau lehenengo aldiz eskainiko da Arantzazuko Parketxean eta Ander Izagirre aditua izango da gidaria. Inguruan daukagun aberastasun herpetologikoa balioztatzen erakutsiko du, baita bertako espezie desberdinak bereizten ere.

Jarduerari hasiera emateko, animali hauek ezagutzen lagunduko duten azalpenak emango ditu Anderrek. Ondoren, 3 ordu inguruko ibilbide bat eginez, ekosistema hezeak ezagutzera emango dira eta lurrari adi adi begiratuz animaliak topatzen ahaleginduko dira parte-hartzaileak.

Irteera publiko orokorrari zuzendua dago eta prezioa 5€ izango da. Egin erreserba lehen bait lehen!

Izena emateko eta informazio gehiagorako: 943 78 28 94 / 699 335 183 edo arantzazu@gipuzkoamendizmendi.net

Narrastiak kartel orokorra 2018

Aralarko eguzkipetik

Atzo, eguzkiaren izpi atseginez gozatu genuen Aralarko Parketxean elkartu ginen 50etik gora lagunok. Baina ez ginen goxotasun horri probetxua atera genion bakarrak izan. Udaberria igaro den moduan igaro denez, narrastiak ere giro atseginagoen irrikitan daude. Atzo, horietako batzuk gertutik ikusteko aukera izan genuen (sugeek ihes egin ziguten, baina) anfibio ugariz gain.

Narrasti eta anfibio espezieak desberdintzen ikasi genuen eta gainera, horietako asko gertutik eta bertatik bertara ikusi ahal izan genituen. Narrastiei historikoki eman zaien ospe txarra eta hamaika mito baztertu genituen eta errespetua besterik ez diegula zor ikasi genuen.

Goiz polita izan zen, Aralarrek ezkutatzen dituen altxorren erakusleiho bikaina.

DSC_0303

 

 

Nahi duenak beste aukera bat izango du igande honetan, ibilaldia errepikatuko dugu eta, oraingoan Listorretan (Errenteria). Horretarako Arditurriko Parketxearekin jarri behar zarete harremanetan (943495069).

Atzoko irteeran erakutsitako Euskal Herriko anfibio eta narrastien posterrak, ikusgai eta deskargatzeko aukerarekin, dituzue Ander Izagirreren blogean:  http://naturzalia.blogspot.com.es/p/posterrak.html.

 

Malbazarreko izaki txikiak ezagutzeko azken plazak

Narrastiak eta anfibioak ezagutzeko ibilaldia Aiako Harrian

Igande honetan, Aiako Harria natura parkean bizi diren narrastiak eta anfibioak ezagutzeko irteera berezia antolatu dugu Ander Izagirre adituaren eskutik. Azken plazak geratzen dira, beraz mugi zaitezte!

Ibilaldia goizeko 10:00ean abiatuko da Susperregi jatetxeko aparkalekuan, Listorretako aisialekutik (Errenteria) aurrerago aurkitzen dena. Malbazargo hezegunean aurki daitezkeen igel, uhandre, musker edo beste hainbat espezie ezagutu ahal izango dira.

collage

Egunaren baldintzen arabera bigarren hezegune batera hurbiltzeko aukera dago, Pagosarderako hain zuzen ere, bertan bisitariek hamaiketakoa/bazkaria egiteko piknikgune bikaina dute gainera.

Ibilaldiak ez du zailtasunik izango, adin guztietako herritarrei dago zuzendua. Prezioa 5€ izango da. Bi hiru ordu inguruko iraupena izango du.

Izena emateko edo informazio gehiago eskuratzeko:

943 49 50 69 / 688 89 50 68

arditurri@gipuzkoamendizmendi.net

Aralarko herpetofaunaren atzetik / Tras la herpetofauna de Aralar

Igande honetarako plan ederra proposatzen dizugu. Aralarko narrasti  eta anfibioak ezagutzeko aukera izango dugu Lareoko urtegi inguruan, Ander Izagirre adituaren eskutik. Zer deritzozu? Animatuko al zara?

Te proponemos un fantástico plan para este domingo. Tendremos la oportunidad de conocer los reptiles y anfibios de Aralar en las inmediaciones del embalse de Lareo, de la mano del experto Ander Izagirre. ¿Qué te parece? ¿te animas?

Barandiaran_Narrastiak_ekaina 2016 ELEBI

Aizkorriko animalia ezkutuak agerian!

Gaur goizean, Anduetzako Parketxetik abiatuta, Gipuzkoako Parketxe Sareak natura parkeetako narrasti eta anfibioak ezagutzeko antolatu dituen irteera sortako azken ibilaldia egin dugu. Murgizelaiko bidean zehar Ander Izagirreren eskutik ibilaldia ederra izan da. Giro aproposena izan ez harren zenbait narrasti eta anfibio zuzenean ezagutzeko aukera izan dugu. Ez dugu ikusi gabeko txokorik pasa; errekatxo, harri, pareta, bide, enbor azpi… dena miatu dugu!!! Horrela azaldu dizkigu Anderrek animaliatxo hauen bizi-ohiturak eta hainbat bitxikeri.

DSCF0723

Mila esker ibilaldi hauetan parte hartu duzuen guztioi eta, nola ez, baita zuri ere Ander!! Datorren urtera arte!!

Narrasti eta anfibioak ezagutzeko aukera Aiako Harrian

Igande honetan, maiatzak 24, Aiako Harria natura parkean bizi diren narrastiak eta anfibioak ezagutzeko irteera berezia antolatu dugu Ander Izagirre adituaren eskutik

Ibilaldia goizeko 10:00ean abiatuko da Susperregi jatetxeko aparkalekuan, Listorretako aisialekutik (Errenteria) aurrerago aurkitzen dena. Malbazargo hezegunean aurki daitezkeen igel, uhandre, musker edo beste hainbat espezie ezagutu ahal izango dira. Ibilaldiak ez du zailtasunik izango, adin guztietako herritarrei dago zuzendua.

Maiatzaren 21ean Europako Natura 2000 Sarearen Eguna ospatzen denez, gune babestuen balorea eta garrantzia ezagutarazteko, Gipuzkoako Parketxe Sarea Fundazioak bat egiten du ekimen horrekin irteera berezi hauen bitartez.

narrastiak_kartela2015

“Eta azkenean… txantxikua”

Bart gauean irteera egin genuen Aralarren bertako anfibioak ezagutzeko. 25 pertsona inguru bertaratu ziren, talde jatorra benetan. Espezie ugari ikusi ez bagenituen ere gauza interesgarriak topatu genituen. Apo arrunta anplexoan errutea jartzen edo bikote bila, apo arruntaren eta txantxikuaren zapaburuak, bertako karramarro pare bat… Txantxikua entzun ere enztuten genuen, baina ederki ezkutatzen zen eta topatuko ez genuela zirudienean hortxe agertu zitzaigun, eta ez bat, ez, biak zeuden zulo berean, arra eta emea, gainera arrak arrautzak zeramatzan gainean! Ederra izan zen eta txikienek ere gozatu zuten animalitxo hori ikusiz, ez baita erraza hura ikustea.
DSC_0337
Anderrek ezinhobeto deskribatu zigun ikusitakoa eta gauza ugari ikasi genituen animalia hauen inguruan. Eskerrikasko Ander! Bertaratu zinetenoi esan genizuen moduan hemen duzue Anderren blogean ikusgai dauden anfibio eta narrastien posterrak.
Gogoratu, datorren igandean daukagula hurrengo saioa Aralarko narrastiak ezagutzeko. Maiatzaren 17an, igandea, goizeko 10:00etan ikusiko dugu elkar Lizarrustiko Parketxean. Irteeraren informazioa duzue jarraian:
Narrastiak_Kartela2015

Animatu eta eman ezazu izena lehen bait lehen!

Deitu (943 18 03 35 / 688 89 50 69) edota idatzi posta elektronikoz barandiaran@gipuzkoamendizmendi.net helbidera.

Gaueko irteera Aralarren anfibioak ezagutzeko

Esperientzia polit bezain berezia bizi nahi al duzu gurekin? Anfibioen ugalketa garaia gertutik eta bertatik bertara ikusi eta sentitu nahi al duzu? Larunbat iluntze honetan duzu aukera paregabea Aralarren! Txango txiki bat egingo dugu, Arkakako putzura hain zuzen. Bertan, habitat aberats horretan bizi diren anfibioak bilatuko ditugu eta urte sasoi honetan odola bor-bor dutela baliatuko dugu animalia hauen ugalketaz zerbait gehiago ikasteko. Ander Izagirre aditua izango da gidaria irteera honetan.

Eman ezazu izena lehen bait lehen!

                   ___________________________________________________________

¿Quieres vivir una bonita experiencia con nosotros? ¿Te gustaría poder ver y sentir de cerca la reproducción de los anfibios? ¡Este sábado al anochecer te ofrecemos una oportunidad inmejorable en Aralar! Realizaremos una pequeña excursión al embalse de Arkaka. Allí, buscaremos los anfibios que habitan este hábitat tan rico y gracias a que en esta época del año tienen la sangre “alterada” podremos aprender algo más sobre la reproducción de estos animales. Nos guiará la salida el experto Ander Izagirre.

¡Haz tu reserva cuanto antes!

Anfibioak gauez_kartela2015

Deitu (943 18 03 35 / 688 89 50 69) edota idatzi posta elektronikoz barandiaran@gipuzkoamendizmendi.net helbidera.

Llámanos (943 18 03 35 / 688 89 50 69) o escríbenos un correo a barandiaran@gipuzkoamendizmendi.net.

Hemen duzue iaz anfibio eta narrastiak ezagutzeko egin genuen ibilaldiaren bideo bat (egunez egin genuen ibilaldia, eta aurten ere maiatzaren 17, igandean, egingo dugu berriro egunez narrastiak eta anfibioak ezagutzeko ibilaldia). Dagoeneko, irteera honetarako ere eman dezakezue izena.