Tag Archives: ander izagirre

Azken irteera narrasti eta anfibioak ezagutzeko Arantzazun

Arrabio

Gipuzkoako Natura Parke guztietan, animalia ezezagun hauek ezagutzeko, antolatu diren ibilaldiak bukatzear daude. Azken aukera datorren igandean (ekainak 4) izango da Arantzazuko Parketxean goizeko 10:00etan.

Aizkorri-Aratz natura parkean aurki daitezkeen narrasti eta anfibioak ezagutzeko ibilaldi berezi hau lehenengo aldiz eskainiko da Arantzazuko Parketxean eta Ander Izagirre aditua izango da gidaria. Inguruan daukagun aberastasun herpetologikoa balioztatzen erakutsiko du, baita bertako espezie desberdinak bereizten ere.

Jarduerari hasiera emateko, animali hauek ezagutzen lagunduko duten azalpenak emango ditu Anderrek. Ondoren, 3 ordu inguruko ibilbide bat eginez, ekosistema hezeak ezagutzera emango dira eta lurrari adi adi begiratuz animaliak topatzen ahaleginduko dira parte-hartzaileak.

Irteera publiko orokorrari zuzendua dago eta prezioa 5€ izango da. Egin erreserba lehen bait lehen!

Izena emateko eta informazio gehiagorako: 943 78 28 94 / 699 335 183 edo arantzazu@gipuzkoamendizmendi.net

Narrastiak_Kartel orokorra2017 EUS (1)

Advertisements

Izaki txikien atzetik

Gaur goizean, bero handia izan badugu ere, Malbazar eta Pagosardeko urmaeletara hurbildu gara. Poliki baino lurretik bista kendu gabe, adi adi, narrastiak topatu nahirik. Zorte ona izan dugu, espezie ugari ikus ahal izan ditugu eta. Gainera urmaeletan ere ikuskizun paregabea izan dugu, ur-igel ugari salto-saltoka ikusi baiditugu, ume guztien irribarreak sorturik.

collage

Hurrengo asteburuan Arantzazuko parketxean ere aukera izango duzue ibilaldi hau egiteko, beraz ez galdu aukera eta erreserbatu lehen bait lehen!

 

Malbazarreko izaki txikiak ezagutzeko azken plazak

Narrastiak eta anfibioak ezagutzeko ibilaldia Aiako Harrian

Igande honetan, Aiako Harria natura parkean bizi diren narrastiak eta anfibioak ezagutzeko irteera berezia antolatu dugu Ander Izagirre adituaren eskutik. Azken plazak geratzen dira, beraz mugi zaitezte!

Ibilaldia goizeko 10:00ean abiatuko da Susperregi jatetxeko aparkalekuan, Listorretako aisialekutik (Errenteria) aurrerago aurkitzen dena. Malbazargo hezegunean aurki daitezkeen igel, uhandre, musker edo beste hainbat espezie ezagutu ahal izango dira.

collage

Egunaren baldintzen arabera bigarren hezegune batera hurbiltzeko aukera dago, Pagosarderako hain zuzen ere, bertan bisitariek hamaiketakoa/bazkaria egiteko piknikgune bikaina dute gainera.

Ibilaldiak ez du zailtasunik izango, adin guztietako herritarrei dago zuzendua. Prezioa 5€ izango da. Bi hiru ordu inguruko iraupena izango du.

Izena emateko edo informazio gehiago eskuratzeko:

943 49 50 69 / 688 89 50 68

arditurri@gipuzkoamendizmendi.net

Maiatza naturaz eta kulturaz beteta izan dugu Iturraran Parketxean.

Maiatzean hainbat ekintza izan ditugu Pagoetan. Hilaren hasieran natura parkean bizi diren narrasti eta anfibioak ezagutzeko ibilaldia egin genuen Ander Izagirre adituaren eskutik. Eguraldia lagun, inguruko igel, uhandre, musker eta beste hainbat espezie behatzeko parada ezinobea izan zuten bertaratu ziren haur nahiz helduek.

Pasa den astean berriz, Iturraran parketxera gerturatu ziren familiek historiaurreko gizakien bizimodua ezagutzeko aukera izan zuten. Suhar arkeologia taldeko lagunek egurraren bidez sua egiteko teknikak, labarretako artearen sekretuak eta gezi bidezko ehiza erakutsi zizkiguten. Eginaz ikasten denez, ekintza horiek guztiak praktikan jarriz gustura ibili ziren haur eta gurasoak.

Harrera oso ona izan dute aktibitate hauek eta berriz ere errepikatzeko gogoz geratu gara guztiok!

Sugez suge, biperakaratik eskulapioraino

Igande goizean, Oria ibaiaren ibilbideko biodibertsitatea aprobetxatuz, narrasti eta anfibioen bila ibili ginen Ander Izagirreren eskutik. Zentzumenak martxan jarri eta animaliak bilatzeari ekin genion. Hasieran, horma sugandilak eta musker berdeak ikusi genituen, baita arrabio eta suge gorbatadun gazte hil bat ere. Eguraldia lagun, narrastiak eguzkira ateratzen hasi eta sorpresez bete zen eguna: beste hiru suge espezie aurkitu genituen! Iparraldeko suge leuna, suge biperakara eta eskulapio sugea, besteak beste.

Anderren azalpenekin, animalia hauen ezaugarri zein bizi ohiturak ezagutu genituen eta nola ez, animalia hauek eskuetan edukitzeko aukera izan genuen! Egun zoragarria bilakatu zen, partaideok izugarri gozatu baikenuen.

Animalia hauen inguruko istorio beldurgarri asko igaro dira ahoz aho gureganaino helduz. Ondorioz, sortutako mamu eta beldur sentsazio horiek lausotzea izan zen helburu nagusietariko bat.

Ibilaldi hauetan parte hartu izanez gero, oraindik bi aukera gelditzen zaizkizu Arditurri eta Arantzazuko Parketxeetan. Beraz, animatu eta parte hartu, animaliak ikusi eta ikasiz, hauek maitatzen hasten gara eta!

Putzutik putzura, igelen modura

Narrastiak eta anfibioak ezagutzeko ibilaldia Aiako Harrian

 

Maiatzaren 28an Aiako Harria natura parkean bizi diren narrastiak eta anfibioak ezagutzeko irteera berezia antolatu dugu Ander Izagirre adituaren eskutik.

Ibilaldia goizeko 10:00ean abiatuko da Susperregi jatetxeko aparkalekuan, Listorretako aisialekutik (Errenteria) aurrerago aurkitzen dena. Malbazargo hezegunean aurki daitezkeen igel, uhandre, musker edo beste hainbat espezie ezagutu ahal izango dira.

Egunaren baldintzen arabera bigarren hezegune batera hurbiltzeko aukera dago, Pagosarderako hain zuzen ere, bertan bisitariek hamaiketakoa/bazkaria egiteko piknikgune bikaina dute gainera.

Ibilaldiak ez du zailtasunik izango, adin guztietako herritarrei dago zuzendua. Prezioa 5€ izango da. Bi hiru ordu inguruko iraupena izango du.

Izena emateko edo informazio gehiago eskuratzeko:

943 49 50 69 / 688 89 50 68

arditurri@gipuzkoamendizmendi.net

collage

Aralarko herpetofaunaren atzetik / Tras la herpetofauna de Aralar

Igande honetarako plan ederra proposatzen dizugu. Aralarko narrasti  eta anfibioak ezagutzeko aukera izango dugu Lareoko urtegi inguruan, Ander Izagirre adituaren eskutik. Zer deritzozu? Animatuko al zara?

Te proponemos un fantástico plan para este domingo. Tendremos la oportunidad de conocer los reptiles y anfibios de Aralar en las inmediaciones del embalse de Lareo, de la mano del experto Ander Izagirre. ¿Qué te parece? ¿te animas?

Barandiaran_Narrastiak_ekaina 2016 ELEBI

Eguraldi txarra ere ez da nahikoa izan

Gaurko eguraldi txarra ere ez da nahikoa izan Listorretan antolatua zegoen narrasti eta anfibioen ibilaldia atzera botatzeko. Susperregi jatetxetik abiatu eta Malbazarreko hezegunera hurbildu gara, bizitzaz betea dagoela ikusi ahal izan dugularik. Hori bai, gaurkoan narrastiak izkutaturik geratu dira. Gurekin ibilaldia egitera etorri diren horiei eskerrak eman nahi dizkiegu, eguraldi kaxkarra izan badugu ere irribarria galdu gabe, Ander Izagirreren azalpenak jasotzeko prestu egon dira eta.

collage

Izaki ttikiak ezagutzeko irrikaz / Deseando conocer los seres más pequeños

Maiatzaren 22an Malbazarko hezegunera hurbilduko gara, inguruko izaki ttikiak, hau da, narrasti eta anfibioak gertutik ezagutzeko. Zer dakizu izaki hauei buruz? Sugandila edo zapoaz gain ezagutzen al dugu besterik? Ander Izagirre adituaren eskutik lortu ahal izango dugu informazio guztia. Plaza mugatuak izango dira, beraz egin ezazue erreserba berandu baino lehen. Zure zain gaude!

_____________________________________________

El 22 de mayo nos acercaremos al humedal de Malbazar para poder hallar los pequeños seres de nuestro entorno, es decir, los reptiles y los anfibios. ¿Que sabemos sobre ellos? Además de la lagartija o el sapo ¿Conocemos alguno más? Para ampliar toda la información contaremos con el experto Ander Izagirre. Las plazas serán limitadas, por lo que os animamos a realizar la reserva cuanto antes. ¡Te esperamos!

 

Arditurri_Narrastiak 2016 EUS.jpg

Aralar: naturala, kulturala

Aralarzaleok!

Bi plan eder proposatzen dizkizuegu Aralarko Parketxetik. Bata, igande honetan, Aralarko ondare naturalaren ingurukoa, bestea, datorren igandean, ondare kulturalari buruzkoa.

Aralarko narrasti eta anfibioak ezagutzeko irteera, Maiatzak 15, igandea:

Barandiaran_Narrastiak 2016 ELEBI

Aralarko tradizioaren lekuko den ogibide baten inguruko irteera, Aralarko artzaintza eta gazta. Joseba Insausti artzain eta gaztagile gazteari bisita egingo diogu bere mendiko etxolan:

Aralarko artzaintza 2016 kartela

Zein da zure aukera? Egin ezazu erreserba berandu baino lehen, plaza mugatuak izango dira eta.

Aralarren ikusiko dugu elkar!