Tag Archives: ander izagirre

Larunbat honetan aukera berri bat

Ekainak 8ean, larunbatarekin, narrasti eta anfibioak ezagutzeko aukera berri bat izango duzue Listorreta aisialekutik gertu, Errenterian.

Aiako harria natura parkean bizi diren izaki ttiki eta berezi hauen inguruan gehiago jakiteko aukera eskainiko dugu, Ander Izagirre adituaren eskutik. Ibilaldia goizeko 10:00ean abiatuko da Susperregi jatetxeko aparkalekuan, Listorretako aisialekutik (Errenteria) aurrerago aurkitzen dena. Malbazargo hezegunean aurki daitezkeen igel, uhandre, musker edo beste hainbat espezie ezagutu ahal izango dira.

Aurre erreserba egitea nahitaezkoa da, leku mugatuak baitaude:

943 49 50 69 / 688 89 50 68

arditurri@gipuzkoamendizmendi.net

 

Ezkutuko animaliak ikusiz ikasten

Herpetofaunaren inguruan Gipuzkoako Parketxeetan antolatu diren ibilaldien barruan, pasa den igandean gauzatu zen irteera hauen azkenetarikoa Aralarren. Ander Izagirreren gidaritzapean eta eguzkia lagun, Lareoko urtegirantz abiatu ginen. Anfibioen eta narrastien inguruan hedatuta dauden mito zein beldur asko uxatu zizkigun Anderrek, animalia talde harrigarri honen bitxikeriak azaltzen zizkigun bitartean.

IMG_20190602_105618_173

Argazki eta azalpenekin konformatu beharko genuela pentsatzen hasiak ginenean… arrabioa atera zen arroka baten azpitik! Handik aurrera, eguraldiari eta Anderren lanari esker, beste zortzi espezie ikusteko aukera izan genuen. Beti ere errespetuz, ikusezinak ematen duten animalia hauek bertatik bertara ezagutzeko aukera paregabea izan zen. Suge gorria ikustea kosta zen, baina baita lortu ere!  Mila esker gerturatutako guztioi zuen jakinminarengatik eta gurera etortzeagatik eta… beste bat arte!!

Azken saio bat gelditzen da Aiako harria Natura Parkean, beraz, deitu Arditurri Parketxera eta eman izena lekurik gabe gelditu nahi ez baldin baduzue! Informazio eta erreserbak: 943 49 50 69 / arditurri@gipuzkoamendizmendi.net

IMG_20190602_120359_279

Putzutik putzura, Listorreta inguruan

Maiatzaren 26ean, igandearekin, Listorreta inguruan (Errenterian) bizi diren  narrasti eta anfibioak ezagutzeko irteera egingo dugu. Hasiera ordua goizeko 10.00ak izango dira eta 2-3 ordu inguruko saioa izango da. Jarduera hau Ander Izagirre adituaren gidaritzapean gauzatuko da.

Plaza mugatuak direnez, aurre-erreserba egitea beharrezko da.

Arditurri parketxera deitu edo idatzi beharko duzue (arditurri@gipuzkoamendizmendi.net / 688 89 50 68 )

Narrasti eta anfibioak_002

Narrasti eta anfibioen bila

Gaur Aizkorriko narrasti eta anfibioen bila ibili gara. Tenperatura ez da izan oso goxoa eta bila eta bila ibili gara… eta baita aurkitu ere! Bilatu eta ukitu ditugunen artean musker berdea, horma sugandila, iparraldeko suge leuna, suge biperakara, suge gorria eta apo arrunta izan dira. Ander Izagirrek animalia hauen ezaugarri eta bitxikeriak kontatu dizkigu, ezagutzaren bitartez beldurra kentzeko eta errespetua sustatzeko.

Gogoratu beste natura parkeko narrasti eta anfibioak ezagutu nahi badituzue, badaude oraindik aukerak!

 

Aizkorriko narrasti eta anfibioetara gerturatuz

Urteroko arrakasta ikusita, Aizkorri-Aratz Natura Parkean aurki daitezkeen narrasti eta anfibioak ezagutzeko aukera ezin hobea eskainiko du Anduetza Parketxeak, Ander Izagirre adituaren eskutik.

Jarduerari hasiera emateko, narrasti eta anfibioak ezagutzen lagunduko duten azalpenak emango dira. Ondoren, zailtasunik gabeko ibilaldian, ekosistema hezeak ezagutzera emango dira; animalia hauek babesleku gisa erabiltzen dituzten bestelako lekuak ere izango dira ikusgai, baso, harkaitz, zelai eta sastraka besteak beste.

Aukera paregabea da Aizkorri-Aratz Natura Parkean ditugun anfibio eta narrastiei buruz gehiago ikasteko, ikusiz ikasten baita eta ezagutuz maitatzen delako. Zatoz Aizkorriko animalia bitxi hauen sekretuak ezagutzera!

Reptiles y anfibios de Aizkorri

Después del éxito del año pasado, el Parketxe Anduetza ofrece la oportunidad de conocer los reptiles y anfibios que habitan en el Parque Natural Aizkorri-Aratz, de la mano del experto Ander Izagirre.

 Para comenzar, se hablará sobre los reptiles y anfibios para ayudarnos a conocerlos mejor. Después, durante un itinerario sin dificultad, se buscarán ecosistemas húmedos, sin olvidar otros lugares donde se esconden estos animales, como bosques, roquedos, prados y maleza.

Es una oportunidad inmejorable para aprender más sobre los anfibios y reptiles del Parque Natural Aizkorri-Aratz, ya que lo que se conoce se termina por apreciar. ¡Ven a conocer los secretos de estos desconocidos animales!

Ezkutuko biziaren bila

Atzo Aizkorri-Aratzeko herpetofauna ezagutzeko ibilaldia egin genuen Arantzazuko Parketxetik. Azkenean eguraldiak bere aldetik ere jarri zuen eta narrasti eta anfibio ugari ikusteko aukera izan genuen, ez baikara eguzkia ikusteko desiratzen gauden bizidun bakarrak! Musker berdeak, txantxikuen zapaburuak, sugandilak, ziraunak, apo arruntak, uhandre palmatuak, baso igel gorriak… guztiak gertu-gertutik ezagutzeko aukera izan genuen, bestalde, sugeak lotsati xamar ibili ziren eta ez genuen bat ere ikusi Ander eta Aritz asko saiatu ziren arren, ea datorren urtean!

20180603_110518

Animali hauen inguruko aholku eta informazio interesgarri asko jasotzeaz gain, konturatu ginen edozein zirrikitutan, putzutan, harrien azpian… bizi asko ezkutatzen dela eta askotan mendira itsu-itsuan joaten garenean zenbat gauza galtzen ditugun inguruneari ez erreparatzeagatik…

Honezkero amaitu dira aurtengo ibilaldiak narrasti eta anfibioak ezagutzeko, baina, elkar ikusiko dugu berriz lagunak! datorren urtera arte!

Nor bizi da Aizkorri-Aratzen?

Datorren igandean, ekainak 3an hain zuzen ere, gure inguruko narrasti eta anfibioen bila irtengo gara Arantzazuko Parketxetik. Gipuzkoako Natura Parke guztietan, animalia ezezagun hauek ezagutzeko, antolatu diren ibilaldietatik azkenekoa izango da honakoa.

Aizkorri-Aratz natura parkean aurki daitezkeen narrasti eta anfibioak ezagutzeko ibilaldi berezi hau lehenengo aldiz eskainiko da Arantzazuko Parketxean eta Ander Izagirre aditua izango da gidaria. Inguruan daukagun aberastasun herpetologikoa balioztatzen erakutsiko du, baita bertako espezie desberdinak bereizten ere.

Jarduerari hasiera emateko, animali hauek ezagutzen lagunduko duten azalpenak emango ditu Anderrek. Ondoren, 3 ordu inguruko ibilbide bat eginez, ekosistema hezeak ezagutzera emango dira eta lurrari adi adi begiratuz animaliak topatzen ahaleginduko dira parte-hartzaileak.

Irteera publiko orokorrari zuzendua dago eta prezioa 5€ izango da. Egin erreserba lehen bait lehen!

Izena emateko eta informazio gehiagorako: 943 78 28 94 / 699 335 183 edo arantzazu@gipuzkoamendizmendi.net

Narrastiak kartel orokorra 2018

Listorretako herpetofaunaren bila

Herpetofaunak narrasti eta anfibioei egiten die erreferentzia. Ezagutzen al ditugu gure inguruko narrasti eta anfibio espezieak?

Bada, igande honetan aukera ederra eskaintzen dizuegu Aiako harria Natura Parkean, Ander Izagirre adituaren eskutik. 10:00etan elkartuko gara Susperregi jatetxean (Listorretan, Errenterian), Malbazarreko urmaelera oinez joango gara eta bertan bilatuko ditugu animaliok.

Aukera ederra duzue familian mundu ezezagun hau gertuagotik ezagutzeko.

Eman ezazue izena!

Narrastiak kartel orokorra 2018

Aralarko eguzkipetik

Atzo, eguzkiaren izpi atseginez gozatu genuen Aralarko Parketxean elkartu ginen 50etik gora lagunok. Baina ez ginen goxotasun horri probetxua atera genion bakarrak izan. Udaberria igaro den moduan igaro denez, narrastiak ere giro atseginagoen irrikitan daude. Atzo, horietako batzuk gertutik ikusteko aukera izan genuen (sugeek ihes egin ziguten, baina) anfibio ugariz gain.

Narrasti eta anfibio espezieak desberdintzen ikasi genuen eta gainera, horietako asko gertutik eta bertatik bertara ikusi ahal izan genituen. Narrastiei historikoki eman zaien ospe txarra eta hamaika mito baztertu genituen eta errespetua besterik ez diegula zor ikasi genuen.

Goiz polita izan zen, Aralarrek ezkutatzen dituen altxorren erakusleiho bikaina.

DSC_0303

 

 

Nahi duenak beste aukera bat izango du igande honetan, ibilaldia errepikatuko dugu eta, oraingoan Listorretan (Errenteria). Horretarako Arditurriko Parketxearekin jarri behar zarete harremanetan (943495069).

Atzoko irteeran erakutsitako Euskal Herriko anfibio eta narrastien posterrak, ikusgai eta deskargatzeko aukerarekin, dituzue Ander Izagirreren blogean:  http://naturzalia.blogspot.com.es/p/posterrak.html.

 

Aizkorriko narrasti eta anfibioak

Ibilaldi honetan zehar, Ander Izagirre adituak inguruan dugun aberastasun herpetologikoa balioztatzen erakutsiko digu, baita bertako espezie desberdinak bereizten ere.

Jarduerari hasiera emateko, Ander Izagirrek narrasti eta anfibioak ezagutzen lagunduko duten azalpenak emango ditu. Ondoren, zailtasunik gabeko ibilaldietan, ekosistema hezeak ezagutzera emango dira; animalia hauek babesleku gisa erabiltzen dituzten bestelako lekuak ere izango dira ikusgai, baso, harkaitz, zelai eta sastrakak besteak beste.