Tag Archives: Aiako Harria Natura Parkea

Gautxoriak berriro aske hegan Listorretan eta Iturraranen

Igeldoko Arrano Etxean sendatutako hainbat hegazti askatuko dira Listorretako aisialekuan eta Iturraran Parketxean hurrenez hurren. Zentro honetan arrazoi desberdinak direla medio zauritutako edo gaixotutako animaliak sendatzen dituzte eta hauek ahalik eta lasterren beren ingurune naturalera itzultzea da haien xedea.

Gaueko 21:00etan egingo dira bi saioak, bakoitzean hainbat urubi eta mozolo askatuko direlarik, ekainaren 22an ostiralez Listorretako aisialekuan (Errenteria) Iturraran Parketxean (Pagoeta Natura Parkea, Aia).

Familian egiteko plan ederra proposatzen du beraz Gipuzkoako Parketxe Sareak, hegaztiak gertutik ezagutu eta askatasunean mendira nola itzultzen diren ikusiz.

Zatozte gurekin momentu magiko hau bizitzera!

Advertisements

Naturaz, kulturaz eta zaporez betetako irteera Hernanin

Larre-Gain sagardotegia izango da gure topagune-lekua. Aiako Harria Natura Parkearen barruan, zailtasun baxuko mendi ibilaldi gidatu bat eginez hasiko dugu irteera, inguruneko paisaia kulturala ezagutzeko: saroiak eta trikuharriak dira ondare horren izarrak.

Jarraian, sagardogintzaren nondik norakoak gertutik ikusteko aukera izango dugu sagardotegia bisitatuz; historia, egiteko prozesua, sagardoaren ezaugarriak… Amaitzeko, bertan, otordu pareabe baten ostean, bukaera emango diogu naturaz, kulturaz eta zaporez betetako ekintza honi.

Sagardotegietan lekua topatzea hain zaila den garai honetan, animatu, egin zure erreserba eta ez galdu aukera paregabe hau!

GOZATUA HERNANIN kartela 2018

 

 

Ni bizi naiz baserrian…

Egunerokoan jaten ditugun elikagaiak nondik eta nola datozen ikusi eta ikasi asmoz, Gipuzkoako Parketxe Sareak ekimen berri bat jarri du abian: baserrietara bisitak. Bisita eskeintza hau bai eskolentzat baita aisialdian gehiago ikasi nahi duten familia eta helduentzat bideratuak daude.

Familientzako bisitak

 

Ikastetxeentzako bisitak

Etorri eta animatu gure lehen sektorea eta geografia gertutik ezagutzera, ezagutzetik baloratuko bait dugu jaten duguna ere.

Ikasleak Añarbera gerturatuz

Aiako Harria Natura Parkearen barnean, bada eremu bat benetan zoragarria eta ez askorentzat ezaguna dena, Añarbeko Baso Erreserba. Zonalde handi hau espezie askoren bizileku bilakatu da eta horregatik, babestu eta zaindu beharreko lurra da. Adibidez, bertan 5 okil (edo arotz) espezie bizi dira, euren artean okil beltza esaterako.

Aurten, heziketa eskaintza hobetzeko asmoz, Urdaburu mendiaren inguruan ibilaldi berri bat eskaini nahi izan dugu, ikasleak naturara hurbiltzeko. Bertan, Susperregi jatetxea abialeku izanik, inguru zoragarri honen nondik norakoak erakutsi izan dizkiegu. Errenderiko udalaren laguntzari esker, udalerri hontako ikasle ugari etorri dira ibilaldi honetara, 300 ikasletik gora. Udazkenean ere, beste horrenbeste etorriko dira.

Etorkizunean lur hauetako zaindariak izango dira ikasle hauek eta orain, beraiengan landatutako haziak etorkizun batean baso bilakatuko direlakoan gaude.

2017-06-24

Natura Parkeetako hegaztiak ezagutu nahi al dituzu? Hurbildu Arditurriko parketxera!

Arditurriko parketxean ikusgai izango ditugu apirilaren 30a bitarte, Andoni Ruizek ateratako hegaztien argazkiak. Txori familia ezberdinak ezagutzeko aukera paregabea dugu, hegazti txikietatik harraparietara.

Erakusketa zabalik egongo da honako ordutegian:                                                                                 Asteartetik ostiralera: 10:00-14:00                                                                                                             Larunbatetan: 10:00-14:00 eta 16:00-18:00                                                                                             Igande eta jai egunetan: 10:00-14:00

Hegaztien argazki erakusketa 2017

 

 

Natura-argazkigintza ikastaroak Aiako Harrian – Cursos de fotografía en la naturaleza en Aiako Harria

Martxoan zehar, Arditurriko Parketxean, Aiako Harria Natura Parkean, maila ezberdinetara egokitutako hiru argazkilaritza ikastaro eskainiko dira. Katiuskak estudioko argazkilariak izango dira irakasleak eta maila ezberdinetara egokituko dira, ikastaroen gai nagusia natura izango delarik.
Gipuzkoako Parketxe Sarea Fundazioarekin elkarlanean, ondorengo ikastaro edo tailerrak eskainiko dira:
Martxoak 5, igandea: ARGAZKI KAMERAREN ERABILERA
Martxoak 11, igandea: NATURA – ARGAZKIGINTZA
Martxoak 26, igandea : GAUEKO ARGAZKIGINTZA ARDITURRIKO MEAZULOETAN
En marzo se ofrecerán tres cursos de fotografía de distintos niveles en el Parketxe de Arditurri, en el Parque Natural de Aiako Harria. Los cursos los impartirán los fotógrafos del estudio fotográfico Katiuskak y se adecuarán a los distintos niveles, siendo la naturaleza el tema principal de todos los cursos.
En colaboración con la Fundación gipuzkoako Parketxe Sarea, se ofrecerán los siguientes cursos o talleres:
Domingo, 5 de marzo: MANEJO DE LA CÁMARA
Domingo, 11 de marzo: FOTOGRAFÍA EN LA NATURALEZA EN AIAKO HARRIA
Domingo, 26 de marzo: FOTOGRAFÍA NOCTURNA EN EL INTERIOR DE LA MINA DE ARDITURRI
arditurri-argazkigintza_2017

GOZATU HERNANIN; Sagardogintza, trikuharriak eta saroiak

Jardueraren lehen zatian zailtasun baxuko mendi ibilaldi gidatua egingo dute bisitariek Aiako Harria Natura Parkeko eremuan barrena, bertako ondare horren izarrak ezagutzeko; saroiak eta trikuharriak. Ibilladi zirkularra eta luzera laburrekoa izango da, 4 kilometrotakoa, Saratsetako leporantz abiatuko da.

Jardueraren bigarren zatian sagardogintza izango da gai nagusia. Ibilaldian zehar sagardogintzarekin lotutako hainbat arlo landuko badira ere, sagardotegia bisitatuz ezagutuko dugu sagardoaren kulturaren funtsa. Amaitzeko, sagardotegiko ohiko menua dastatuko dugu Larre-Gain sagardotegian.

Eskaintzaren epea urtarrilaren 20tik maiatzaren 7ra arte izango, beraz, animatu eta jarri gurekin harremanetan informazioa eskatzeko edota erreserba egiteko: arditurri@gipuzkoamendizmendi.net helbidean edo 943 495069 telefonoan,gozatua-hernanin-kartela-2017

 

 

 

Olentzeroren laguntzaileek dagoeneko ikatza jaso dute

Iritsi da eguna eta toki ezberdinetatik etorritako ehundaka pertsonek bete dute Arditurriko txondor plaza. Giro ezin hobean hasiera eman diogu jaialdiari. Lehenik, Lur Korta ipuin kontalariak, bere istoriekin magiaz bete du parketxea eta jarraian lau txondorgileek ikatza ateratzeari ekin diote. Aiako Harritik jaitsi diren Olentzeroren laguntzaileak, zakuak jaso eta mendira itzuli dira, abenduaren 24erako Olentzerok bihurrienen etxeetan ikatza banatu ahal izan dezan. Arratsalde osoan zehar, Haurtzaro ikastolako ikasleek, gaztainak erre dituzte atsedenik gabe, jendea esku eta tripa bero mantentzeko.

Jai giroan eman diogu amaiera hiru asteetan zehar piztuta eduki dugun eta izugarrizko arrakasta eta bisitariak izan dituen txondorrari.

Mila esker, lanean eta buru belarri aritu diren lau ikazkinei; Trumoia, Leatza, Baxerri eta Ttakalori, baita piztuera zein itzalera ekitaldietan parte hartu duten musikari, bertsolari, ipuin kontalari, ikasle eta bisitari guztiei. Izugarria izan da!

 

 

 

Txondorraren ke usain bereizgarria

Bosgarren urtez jarraian txondorra piztu da Arditurrin, Aiako Harria Natura Parkeko basoetan hain garrantzitsua izan den ikazkinen lana ezagutzera emateko helburuarekin. Oiartzungo Udala, Gipuzkoako Foru Aldundia eta Gipuzkoako Parketxe Sarea dira ekimen honen antolatzaileak.

Toki ezberdinetatik etorritako jendeak bete zuen Arditurriko txondor plaza. Giro ezin hobean hasiera eman genion abenduaren 17ra arte gori-gori egongo den txondorrari. 3 aste horietan, 24 orduz, gau eta egun Oiartzungo lau ikazkin arduratuko dira txondorra zaintzeaz; Trumoia, Leatza, Baxerri eta Ttakalo. Horregatik, ekintzez bete dugu egitaraua, taldeek erreserba bidez txondorra bisitatzeko aukera izango dute. Abenduko 4, 6, 8 eta 10ean ere, Txu TxuTrenak  gerturatuko du jendea Arditurrira, meategiaz eta txondorraz gozatzera. Meategiko oinarrizko bisita 5€ tan izango da eta bost urtetik beherakoentzat 3€tan. Sakoneko bisita 7€tan (Prezioaren barnean trenaren tiketa eta meategiko bisita sartzen dira, txondorraren argazki erakusketa eta bideoa ere ikusgai egongo dira).

Beraz, animatu, etorri bisitan eta ezagutu ikazkinak bertatik bertara.

img-20161127-wa0003img-20161127-wa0000

dsc_0439

Txondorra piztuko dugu Arditurrin

Hilaren 26ean, txondorra piztuko dugu Arditurriko parketxean. Trikitilariek girotutako kalejira batekin hurbilduko gara txondorra dagoen lekuraino. Bertan, gazteenentzako talo tailerra eskainiko du Abaraxkak eta jarraian txondorraren piztuera ekitaldiari ekingo diogu bertsolari eta txistularien laguntzarekin.

Abenduaren 17rarte izango dugu txondorra piztua. Bitarte horretan, ekintza berezi ugari ditugu antolatuta. Beraz, animatu garai bateko ikazkinen ohiturak bertatik bertara ezagutzera!

txondorra-arditurrin_2016