Tag Archives: Aia

Ostiral mehe, inauteriak Pagoetan ere

Lasarte BHI ikastetxekoak ditugu ostiral mehe honetan eta egunari dagokion moduan prestaturik etorri zaizkigu. Aze kuadrila!

 

Advertisements

Altxorrez beteriko jolas eta ibilbideak Iturraranen

Aurreko igandean burutu genuen Altxorraren bila, orientazio jolasa, Iturraranen. 84 lagun ibili ziren lorategian barna bertako baliza eta altxorrak topatzen eta goiza ederra pasa genuen denok ere.

Itxaron zerrendan geraturikoekin otsailaren 18an egingo da berriz ere, baina hau ere beteta dagoenez jada,  hirugarren bat egingo dugu Martxoaren 4ean.  Azkar ibili izena ematen!

Txoriak txori, zapelatza eta belatza berriro Pagoetan hegan ari

Atzo, urtarrilak 27, 94 heldu eta haurrek momentu magikoa bizitzeko aukera izan zuten. Zapelatza eta belatza berriro aske ditugu Pagoetan! Laboaren kantak dioen bezala…

Hegoak ebaki banizkio
nerea izango zen,
ez zuen alde egingo.
Hegoak ebaki banizkio
nerea izango zen,
ez zuen alde egingo.

Bainan, honela
ez zen gehiago txoria izango
Bainan, honela
ez zen gehiago txoria izango
eta nik…
txoria nuen maite
eta nik…
txoria nuen maite.

Urtarrila amaiera planez gainezka Iturraranen / Final de enero repleto de planes en Iturraran

Urtarrilari amaiera ederra emango diogu Iturraran Parketxean (Pagoeta Natura Parkea).

Urtarrilaren 27an, larunbata, goizeko 11:30tan, Igeldoko Arrano Etxean sendatutako 2 zapelatz eta belatz gorri bat askatuko dira. Ez galdu aukera eta zatoz momentu magiko hau bizitzera!

Urtarrilaren 28an berriz, igandea, Gipuzkoako Orientazio Taldeak ezarririko orientazio zirkuituetako batean ALTXORRAREN BILA jolasa burutuko dugu. Balizak topatzeaz gain naturako zenbait gaiei buruzko galderei erantzun beharko zaie altxorra bilatu ahal izateko. Sorpresak egongo dira partaide guztientzat.


Vamos a cerrar el mes de enero repleto de planes en el Parketxe Iturraran (Parque Natural de Pagoeta).

El 27 de enero, sábado, a las 11:30, se van a liberar dos ratoneros y un cernícalo común curados en el Arrano Etxea de Igeldo. Un plan fabuloso. ¡No te pierdas esta oportunidad y ven a participar en este mágico evento!

El 28 de enero, domingo,  se va a realizar un juego de orientación y conocimiento del entorno natural que nos rodea en el Circuito de Orientación que está balizado en el Jardín Botánico. Aparte de encontrar las balizas, cada grupo familiar deberá de contestar a preguntas entorno a la naturaleza para poder encontrar su tesoro. Habrá sorpresas para todos los participantes.

Talo tailerrekin ekingo diogu urte berriari Pagoetan

Datorren igandean burutuko dugu lehen tailerra eta otsailaren 25ean hurrengoa.

Plan ezin hobeagoa duzue hotzari eta euriari aurre egiteko: mendi bueltatxo bat egin, aintzinako ur errotak lanean ikusi, zerealei buruz zertxobait gehiago ikasi, norberak bere taloa egin eta tripa bete!

Ba al dakizue Aia izan zela Gipuzkoako errota kantitate handiena izandako herria? eta hernaniar bat lehen arto aleak ekarri zituena gure lurretara?  Hauek eta beste zenbait bitxikeria ikasgai igandean Iturraranen.

 

Ongi etorria negu giroari Pagoetan

Hondartzaraino elurra egin duen egun honek irudi politak uzten ari dizkigu Pagoeta Parkean ere. Zailtasunak ere ekartzen dituen arren edertasuna berea du eta guk zuekin elkarbanatu nahi dugu.

Elurra teilatuan                             Riau, riau, riau                         hau dek umoria
zakua lepoan                                  riaukataplau…                         utzi alde batera
ibili beharko degu                                                                                euskaldun jendia.
aurtengo neguan.

Hitzaldi ibiltaria itsas ondarea ezagutzeko Pagoetan

Aia, Getaria, Orio, Zarautz eta Zumaiaren historia itsasoari estu-estu lotua dago. Hori dela eta, eskualdeko udalak eta Urola Kostako Udal Elkartea hainbat proiektu lantzen ari dira itsas-ondarea berreskuratu eta ezagutzera emateko. Hor kokatzen dira azaroan eta abenduanAia, Getaria, Orio, Zarautz eta Zumaian egingo diren hitzaldi ibiltariak. Aurten laugarrenez egingo dira hitzaldi ibiltariak. Lehendabiziko aldiz 2014an egin ziren eta aurreko hiru urteetan arrakasta polita izan dute.

AIA, abenduak 3:

  • HITZALDIA: Elkanoren dokumentuak Laurgaingo Jauregian.
  • HIZLARIA: Borja Aguinagalde Olaizola
  • LEKUA: Aia.
  • DATA: Abenduak 3, igandea, goizeko 11:00etan.
  • IBILBIDEA: Laurgaingo jauregi aurrean hasi eta bukatuko da. Laurgaingo bailarako elementuak (jauregia, San Migel parrokia, serorategia…) ikusiko ditugu ibilaldi honetan zehar eta Laurgaingo jauregiko sendien berriak, itsas jarduerak eta Elkanorekin dituzten loturak ezagutuko ditugu.

Iturraran udazken koloretan / Iturraran vestida de otoño

Udazken koloretan, landen lurrinak zeharkatuz, hitaz oroit eta higan nauk.

Zuhaitz biluziaren gerizpean orpondoa, orbelaren hilobi, horiz eta gorriz dena lokarturik.

Eskuratu hostoa xume bezain eder, hain soila bere heriotzean, zuhaitz guztiaren bizkortasunez hain betea, non erortze honen duintasunak hiri kantatzera naraman.

Berriro zuhaitzari so natzaiok, kezkaturik ote?…joate askearen oparotasunean, betikotasunaren irria zirudik.

Gatibu naukan denborak, bere baitan egositako ametsetaz isekaz bailegoan.

Udazken koloretan, landen lurrinak zeharkatuz, hitaz oroit eta higan nauk, hain soil hire heriotzean, hain xume, adiorik gabeko partitzean.


En los colores de otoño, atravesando los perfumes de los campos, evocándote, estoy en ti.

A la sombra del árbol desnudo, amarillenta y rojiza yace la hojarasca; todo duerme.

Recojo una hoja, es tan simple como bella, tan sencilla al morir, parece aún poseer toda la vitalidad del árbol.

Tanta dignidad al caer me impulsa a cantarte.

De nuevo contemplo el árbol; ¿estará preocupado…?, se diría que dibuja la sonrisa de la eternidad, en la bondad de su libre transcurrir;

Y parece burlarse de los sueños cultivados en las entrañas del tiempo que me esclaviza.

En los colores de otoño, atravesando los perfumes de los campos, evocándote, estoy en ti, tan sencillo al morir, tan simple al irte sin un adiós.

 

Talo usaina laister Iturraranen / Ven a hacer tu propio talo

ABENDUAREN 6,8 DE DICIEMBRE

Agorregiko burdinola eta erroten bisita ikusi ostean, eguerdiko 13:00etan Iturraran Parketxean talo tailerra burutuko da.  Norberak bere  taloa egiteko aukera izango du eta txistor mutur batekin sagardoa edanaz dastatu. Eguerdiko tripazorrientzako primerako plana!!

Después de visitar el conjunto de Ferrería y molinos de Agorregi, a las 13:00h nos vamos a juntar en el Parketxe de Iturraran para aprender un poco de la gastronomía de nuestros antepasados. En este caso vamos a hacer un taller de talos, que es lo que más comían a diario.

JENDE UGARI ESPERO DUGU ALTXOR BILA PAGOETAN

Datorren larunbatean, azaroak 11, ekintza berezia dugu Iturrarango Lorategi Botanikoan, ALTXORRAREN BILA ibiliko gara . BAlizatua dagoen ibilbide bat egingo dute partaide guztiek balizak bilatuz eta era berean, inguruan dituzten izaki bizidunei erreparatu beharko diete, galdera, esaera zahar eta asmakizun sorta bati erantzuna eman ahal izateko.

Haur eta helduek egiteko jolas aproposa izaki, jende ugarik eman du izena dagoeneko eta inor gutxi hartu dezakegu oraingoan, baina aurrera begira ere egingo ditugu gehiago, beti bait dago zer ikasia naturan.

Ea partaideek gustoko dituzten guk prestaturiko sorpresak.