Urubien bila jarduerarako azken plazak Arantzazun

Azken plaza libre batzuk geratzen dira gaur iluntzean Arantzazuko Parketxetik burutuko den Urubien  bila ekintzarako.

Eguraldiak hobera egingo du arratsaldean, hotz handirik ez da espero eta ateri eutsiko dio gainera! Beraz, animatu linterna eskuan urubiak bilatzera! Ez galdu gautxori hauek ezagutzeko aukera!

URUBIAK 2019

Jentilen lurraldean iparra non ote?

Gabonak gertu direlarik, eta azaroko zubiko arrakasta ikusirik, Barandiaran Museoan (Ataun) “Mitologia orientazio-jolasa” jarduera eskainiko da, berriz ere, familia edo lagun taldeei zuzenduta. Igandean izango da hain zuzen ere, abenduaren 15ean goizeko 11:30etan. Jarduera honen bitartez, Barandiaran Museoko ingurunea eta Barandiaranekin zerikusia izan zuten bazter asko ezagutzeko aukera egongo da mitologiaren inguruan ikasten den bitartean.

Ez galdu aukera eta eman izena parte-hartu nahi baduzu!

Prezioa: 3€ pertsonako (orientazio jolasa egiteaz gain Barandiaran Museoa eta Errotatxo bisitatzeko aukera egongo da)

Izen emateak: 943 18 03 35 / 688 895 069 / barandiaran@gipuzkoamendizmendi.net

IMG_20190420_122546_291

Bete dira Jentilak eta Olentzero ibilaldi magikorako txandak

Jakinarazten dugu BETETA dagoela Jentilak eta Olentzero 2019 ibilaldi mitologikoa. Izena ematerako egon den eskaera izugarria izan da eta web orrialdea momentu batzuetan erorita egon da. Prozesua amaitzea lortu dezuenok 2 korreo elektroniko jasoko zenituzten zuen emailean. Konfirmaziorik jaso ez baldin badezute, pena handiz,  ez dituzue sarrerak lortu.

Jarduerak dituen ezaugarriengatik ez da posible jende gehiago hartzea ekintza beraren segurtasuna eta kalitatea ziurtatzeko. Ulertuko duzuelakoan mila esker beste behin guztioi.

“Jentilak eta Olentzero” ibilaldirako izen-ematea abenduaren 11n

“Jentilak eta Olentzero” ibilaldiak izen-emate data berria izango du, abenduaren 11n.

Asteazkenean, zerbitzariak huts egin zuen eta ezin izan zen izen-ematea webean eskuragarri jarri. Honen aurrean, zerbitzaria aldatu eta izen-emate data berri bat jartzea erabaki da.

Izen-emate berria Abeduaren 11n izango da, 9:00tan, www.jentilbaratza.eus web gunearen bitartez.

Asko sentitzen ditugu sortuko genituen eragozpenak.

Jentilak eta Olentzero ekitaldirako izen-ematea nola egin

Hemen aurkitu ditzakezue Jentilak eta Olentzero ibilaldi magikorako izen ematea egiteko xehetasun guztiak: http://jentilbaratza.eus/jentilak-eta-olentzero-ekitaldirako-izenematea-nola-egin/

Ondo irakurri pausu guztiak izen-ematea abenduaren 4ean ireki baino lehen, prozesu guztia bere osotasunean bete behar da, bestela ez baita erreserba ondo erregistratuko!

Jentilak eta Olentzero_2019

 

Eta hala bazan eta ez bazan…

20191201_114609[1]

Gaur goizean, abenduko lehen egunean, Arantzazuko Parketxean Marimundukoren ipuin harrigarriak ezagutzeko aukera izan da. Orain arte urtero ibili izan da Ataungo Barandiaran museoan eta Zegamako Anduetza parketxean kondaira zirraragarriak kontatzen baina aurten estreinekoz izan da Arantzazun.

Pertsonaia mitologikoen laguntzaz, sorginen amak Euskal Herriko hainbat ipuin eta kondaira kontatu dizkie bertaratutakoei. Ongi etorri beroa jaso dute Marimunduko, Patxi, San Martin txiki eta Torto begibakarrak, oñatiar ugari inguratu baita hauek ikustera. Eta tarteka beldur pixka bat pasatu badute ere, asko gozatu dute euskal kondairak entzuten eta ikusten.

20191201_115022[1]

Eskerrik beroenak, beste behin, Ataungo Jentilbaratza Elkarteari, Joxe Miel Barandiaranek ongi jasotako Euskal Herriko mitologia Oñatira ekartzeagatik horren modu gozagarrian. Eta nola ez, bertaratutako jende guztiari, ekimen honetara animatzeagatik.

Marimundukok esan bezala, jarrai dezagun gure haurrei kondairak kontatzen! Eta hala bazan eta ez bazan… sar dadila kalabazan eta atera dadila Oñatiko plazan!

 

 

 

Urte honetako azken trena: helmuga Arditurri / Último tren de este año: destino Arditurri

Udazken honetan, Arditurriko meategia ezagutzeko tren berdearekin konbinazio eder bat dago eskura, eta abenduaren 6ean izango da urte honetako azken aukera.

Oiartzungo Pagoaldea industrialdetik (Luberri musoaren paretik) tren berdea abiatuko da Arditurriko meategietaraino, Aiako harria natura parkearen paraje zoragarri honetaz gozatzea ahalbidetuko duena. Meategira sartzeko bi bisita mota izango dira, oinarrizko bisita eta sakonekoa, eta ondoren itzultzeko trena hartu ahal izango da.

Egin zuen erreserba!

Tren Berdea 2019 udazkena_ELEB

 

Este otoño, hemos preparado una preciosa combinación para conocer la mina Arditurri junto con el tren verde, y el 6 de diciembre será la última oportunidad de este año.

El tren verde marchará desde el Polígono Pagoaldea de Oiartzun para traer a los visitantes hasta Arditurri, pudiendo disfrutar del fantástico paraje que ofrece el parque natural de Aiako harria.  Allí,  se podrá optar por dos tipos de visitas a la mina, la visita estándar o la visita a fondo, y al final se dispondrá del tren para volver.

¡Haced vuestra reserva!

Hemen da, badator…“Jentilak eta Olentzero” ibilaldi magikoa!

Aurtengo “Jentilak eta Olentzero” ibilaldi magikoa abenduaren 22an ospatuko da, ohikoa den bezala Lizarrustiko Parketxetik abiatuz.

Izena emateko abenduaren 4ean “www.jentilbaratza.eus” web-orrian erreserba egin beharko da (goizeko 9:00etatik aurrera). Erreserba honen bitartez eskuratzen den agiria, ibilaldiaren egunean bertan Lizarrustiko Parketxean sarrerarengatik aldatu beharko da (prezioa 3€ izango da pertsonako).

Aurrez, esan, jakin badakigula oso denbora gutxian agortuko direla lekuak, urtero bezala ehunka eta ehunka pertsona ari zaretelako deitzen informazioa eskatuz, eta pena handiz, baina agortu ondoren ezin izango dugula izen gehiago hartu.

Kontutan izateko hainbat ohar garrantzitsu:

  • Adierazitako webgunea da modu bakarra sarrerak eskuratzeko.
  • Egunean bertan ez da onartuko sarrerarik ez duen inor. Jarduera honen kalitatea eta segurtasuna bermatu nahi dira, hortaz, sentitzen dugu kanpoan geratuko diren guziongatik, bihotzez, eta ulertuko duzuelakoan gaude.
  • Bi ordu eta erdi / hiru bat orduko ibilaldia izango dela aurreikusten da, nahiz eta zailtasun aldetik ez den ibilaldi zaila 3 urtetik gorako aurrentzat da soilik egokia.
  • Ibilaldiaren hasieran eta amaieran 10-15 minutuko aldapa egongo da, baina tarteko ibilaldia baso lau batetik zehar egingo da, ia desnibelik gabekoa, pagadi eder eta magiko batetik hain zuzen ere, pertsonaia mitologikoen bizileku den Allekupeko basoetatik.
  • Lizarrustiko aparkalekua txiki geratzen da horrelakoetan, hortaz, arren, sarrerak eskuratzea lortzen duzuenok ahalik eta kotxe gutxienetan etorri.
  • Mendiko arropa eta oinetako egokiak beharrezkoak izango dira eta noski, mundu mitologikoan murgiltzeko gogoz eta ilusioz etortzea!

Ausartzen al zarete gurera etortzen?

Jentilak eta Olentzero_2019