Category Archives: Sin categoría

Urte honetako azken trena: helmuga Arditurri / Último tren de este año: destino Arditurri

Udazken honetan, Arditurriko meategia ezagutzeko tren berdearekin konbinazio eder bat dago eskura, eta abenduaren 6ean izango da urte honetako azken aukera.

Oiartzungo Pagoaldea industrialdetik (Luberri musoaren paretik) tren berdea abiatuko da Arditurriko meategietaraino, Aiako harria natura parkearen paraje zoragarri honetaz gozatzea ahalbidetuko duena. Meategira sartzeko bi bisita mota izango dira, oinarrizko bisita eta sakonekoa, eta ondoren itzultzeko trena hartu ahal izango da.

Egin zuen erreserba!

Tren Berdea 2019 udazkena_ELEB

 

Este otoño, hemos preparado una preciosa combinación para conocer la mina Arditurri junto con el tren verde, y el 6 de diciembre será la última oportunidad de este año.

El tren verde marchará desde el Polígono Pagoaldea de Oiartzun para traer a los visitantes hasta Arditurri, pudiendo disfrutar del fantástico paraje que ofrece el parque natural de Aiako harria.  Allí,  se podrá optar por dos tipos de visitas a la mina, la visita estándar o la visita a fondo, y al final se dispondrá del tren para volver.

¡Haced vuestra reserva!

Hemen da, badator…“Jentilak eta Olentzero” ibilaldi magikoa!

Aurtengo “Jentilak eta Olentzero” ibilaldi magikoa abenduaren 22an ospatuko da, ohikoa den bezala Lizarrustiko Parketxetik abiatuz.

Izena emateko abenduaren 4ean “www.jentilbaratza.eus” web-orrian erreserba egin beharko da (goizeko 9:00etatik aurrera). Erreserba honen bitartez eskuratzen den agiria, ibilaldiaren egunean bertan Lizarrustiko Parketxean sarrerarengatik aldatu beharko da (prezioa 3€ izango da pertsonako).

Aurrez, esan, jakin badakigula oso denbora gutxian agortuko direla lekuak, urtero bezala ehunka eta ehunka pertsona ari zaretelako deitzen informazioa eskatuz, eta pena handiz, baina agortu ondoren ezin izango dugula izen gehiago hartu.

Kontutan izateko hainbat ohar garrantzitsu:

  • Adierazitako webgunea da modu bakarra sarrerak eskuratzeko.
  • Egunean bertan ez da onartuko sarrerarik ez duen inor. Jarduera honen kalitatea eta segurtasuna bermatu nahi dira, hortaz, sentitzen dugu kanpoan geratuko diren guziongatik, bihotzez, eta ulertuko duzuelakoan gaude.
  • Bi ordu eta erdi / hiru bat orduko ibilaldia izango dela aurreikusten da, nahiz eta zailtasun aldetik ez den ibilaldi zaila 3 urtetik gorako aurrentzat da soilik egokia.
  • Ibilaldiaren hasieran eta amaieran 10-15 minutuko aldapa egongo da, baina tarteko ibilaldia baso lau batetik zehar egingo da, ia desnibelik gabekoa, pagadi eder eta magiko batetik hain zuzen ere, pertsonaia mitologikoen bizileku den Allekupeko basoetatik.
  • Lizarrustiko aparkalekua txiki geratzen da horrelakoetan, hortaz, arren, sarrerak eskuratzea lortzen duzuenok ahalik eta kotxe gutxienetan etorri.
  • Mendiko arropa eta oinetako egokiak beharrezkoak izango dira eta noski, mundu mitologikoan murgiltzeko gogoz eta ilusioz etortzea!

Ausartzen al zarete gurera etortzen?

Jentilak eta Olentzero_2019

Abenduko zubian talo tailerrak Iturraranen / taller de talos y visita a los molinos y la ferrería

Abenduak 6 eta 8

Errota zahar maiteak eta Burdinola nagusia lanean ikusiz, plan ezin hobea prestatu dizuegu: Mendi buelta eta talo tailerra, artoak Euskal Herrian izan duen  historia ezagutuz.

Prezioa Helduak 6€ eta umeak (2-12) 5€

Aurrez erreserba egitea ezinbestekoa da.

——————————————————————————————————————

6 y 8 de Diciembre

Moler, amasar, saborear el talo, pasear… un plan perfecto para una mañana de invierno.

Precio: adultos 6€ – niños (2-12 urte/años) 5€

Con reserva previa:  943 83 53 89    –     iturraran@gipuzkoamendizmendi.net

 

San Pedro ermitako erromatar garaiko hilarria Zegaman

San Pedro ermita_2019

Datorren azaroaren 7an, ostegunean, Zegaman kokatzen den San Pedro ermitan dagoen Antzinaroko hilarri garrantzitsuaren inguruan hitzaldia izango da. Hitzordua arratsaldeko 7etan izango da Anduetza Parketxean.

Luis Mari Zalduak, San Pedro ermitako erromatar garaiko hilarri honen inguruko hitzaldia emango du, San Martin Feriaren egitarauaren barruan. Luis Mari Zaldua onomastikariak, haren testuingurua eta ezaugarri nagusiak azalduko ditu. Hitzaldia dohainik izango da.

Jentilen lurraldean… iparra non ote da?

Azaroko zubirako Barandiaran Museotik (Ataun) jarduera berezia eskainiko da familia edo lagun taldeei zuzenduta. Larunbatean hain zuzen ere (azaroaren 2an goizeko 11:30etan), mitologian oinarritutako orientazio jolasa eskainiko da eta Barandiaran Museoko ingurunea eta Barandiaranekin zerikusia izan zuten bazter asko ezagutzeko aukera egongo da mitologiaren inguruan ikasten den bitartean.

Euskal mitologia ardatz hartuta, beraz, familian edo lagun artean goiz ederra igarotzeko aukera izango da. Iparra aurkitzeko gai izango al gara jentilen lurraldean? ez galdu aukera eta eman izena parte-hartu nahi baduzu!

Prezioa: 3€ pertsonako (orientazio jolasa egiteaz gain Barandiaran Museoa eta Errotatxo bisitatzeko aukera egongo da prezio berdinaren barruan)

Informazio eta erreserbak: 943 18 03 35 / 688 895 069 / barandiaran@gipuzkoamendizmendi.net

IMG_20190420_122546_291

Agur saguzarrei datorren urtera arte

Saguzarrak behatzeko azken saioa atzo iluntzean burutu zen Lizarrustiko parketxean. Interesdun asko bildu ziren Ane Caro adituaren inguruan eta txikienek animalia hauen inguruan ezagutza asko zituztela ikusi ahal izan genuen!

Parketxeko inguruetatik egindako ibilaldian, lotsati aritu zitzaizkigun saguzarrak, entzun entzuten genituen, baina, zailtasun handiekin ibili ginen hauek begiztatu ahal izateko… Hala ere ez genuen etsi eta saioa amaitzear zegoelarik saguzar arrunt bat (pipistrellus pipistrellus) izan genuen gure buru gainetan bueltaka! Datorren urtera arte agurtzera etorriko ote zen?

Mila esker aurten gurekin aritu diren aditu eta parte-hartzaile guztiei!

Hona hemen atzoko argazki batzuk:

20191005_191609

20191005_195026

20191005_204942

 

 

Zerua argitzen / Descifrando el cielo

Jendeak erakutsi duen interes handia dela eta “Izarretara begira” saio berriak aurreikusten dira udazkenerako! Irailean zehar finkatuta genituen saioak, eguraldia dela eta egin ez badira ere, berriz eskainiko ditugu data berriak udazkenean zehar. Eguraldia ziurtatuta dagoelarik eskainiko dira aukera berri hauek parketxea, eguna eta ordua zehaztuz, baina, izen-emate epea laburra izango da beraz… adi egon!

Debido al gran interés que se ha demostrado en torno a la actividad “Mirando a las estrellas” se fijarán nuevas fechas durante el otoño. Tras no poderse llevar a cabo estas actividades en las fechas iniciales debido al tiempo desfavorable, se volverán a ofrecer durante el otoño. Estas nuevas fechas se fijarán cuando la actividad quede completamente asegurada por el tiempo e indicando el parketxe, el día y la hora en el que se desarrollará dicho evento. Por esta razón el plazo de inscripción puede ser breve por lo que…¡estad muy atentos!

Izarretara_begira_buletina

Leizarrate, antzezpen musikatua Zegaman

LEIZARRATE, antzezpen musikatua

 

Antzezpena, San Adrian tunelean bertan izango da, UNESCO-k Gizateriaren Ondare izendatu duen gune zoragarrian. Emanaldi bakarra izango da aforo mugatuarekin. Doakoa bada ere, nahitaezkoa da aurre erreserba egitea; ahalik eta bizkorren egitea gomendatzen da, erreserba ordena kontuan hartuko baita.

Biztanle ugari izan ditu historian zehar tunel berezi honek. Batzuk, bere barnean bizi izan dira, beste batzuk bertatik igaro izan dira errege bidetik oinez… Pertsonaia guzti hauen bizipenak antzeztuko dira San Adrian tunelean, bertatik bertara eta kobak eskaintzen duen giro misteriotsuan iraganera salto egingo delarik.

 

 

Jakinmina piztu zuen Lizarrustiko hegazti askatzeak

Igandean, eguraldia lagun, jende ugari bildu zen Lizarrustiko parketxean hegaztiak askatzeko jardueraren inguruan! Amiamoko zuria, usapala eta bi zapelatz izan ziren goizeko protagonistak, baina, harridura gehien sortu zuena amiamokoa izan zen zalantzarik gabe, batez ere, bere tamainarengatik.

20190929_114652

Bi zapelatzak kolpatuta iritsi ziren Arrano Etxera, usapalak beste hegazti harrapari batek erasotu izanaren tankera zeukan eta amiamokoa Sasietako zabortegiaren inguruan topatu zuten migratzen ari zelarik oso ahulduta.

Jarduera hauek benetan interesgarriak izaten dira hegazti guzti hauek dituzten arriskuez jabetzeko eta baita ere, horrelako kasuren batekin topo eginez gero, nola jokatu behar dugun jakiteko.

Mila esker Gorka basozainari emandako azalpenengatik eta bertaratutako guztiei! Hona hemen eguneko beste argazki batzuk: