Category Archives: Sin categoría

Izarretara begira orain Aralarren

Datorren irailaren 21ean, larunbatarekin, izarretara begira jartzeko aukera izango da Ataungo Lizarrustiko parketxean. Jarduera honen barruan, momentuan zeruan ikus daitezkeen izar eta konstelazioak behatuko dira aditu baten gidaritzapean. Gipuzkoako Parketxe Sarea saio desberdinak burutzen ari da Gipuzkoako natura parkeetan, eta Aralarko parketxearen txanda izango da, beraz, datorren larunbatean.

Elkargunea Lizarrustiko Parketxea (Ataun) izango da gaueko 21:30etan eta bertako inguruetan gauzatuko den jardueraren aurretik, Jesus Arregi adituak, azalpenak emango ditu parketxearen barruan. Plaza mugatuak daude, beraz erreserba egitea beharrezkoa da. Publiko orokorrari dago zuzenduta, baina 8 urtetik gorakoentzat egokia.

Animatu eta eman izena berandu baino lehen!

943 18 03 35 / 688 895 069 / barandiaran@gipuzkoamendizmendi.net

Izarretara begira_2019

Advertisements

Jende ugari bildu zuen Aralarko 4. Rogaineak Lizarrustin

Atzo ospatu zen Aralarren Gipuzkoako 4. Rogaine proba giro ezin hobean. Eguraldi aparta eta parte-hartzaile ugari, denentzako egon zen lekua atzo Lizarrustin, kirol honetan adituak direnentzat, hasi berrientzat, familientzat… Rogaine erako orientazio probak gero eta jende gehiago erakartzen duten kirol bilakatzen ari dira eta, kirola egiteaz gain, orientatzen ikasi eta Aralar bezalako natur ingurune batek eskaintzen dituen baliabideak ezagutzeko aukera ere ematen du. Hona hemen atzoko argazki batzuk:

IMG-20190914-WA0007

IMG-20190914-WA0006

IMG-20190914-WA0005

IMG-20190914-WA0014

 

 

 

Life Oreka Mendian proiektua ezagutzeko argazki erakusketa ibiltaria Gipuzkoako Natura Parkeetan

cartel_expo_page-0001

Life Oreka Mendian, larreen kudeaketa jasangarria bultzatzeko 2016. urtean sortzen den proiektua da. Goi mendietako larre hauek Europako toki edo zonifikaziorik mehatxatuenak kontsideratzen dira eta estrategia amankomun bat garatu nahi da Natura 2000 Sarearen barruan aurkitzen direnak kontserbatzeko. Abeltzaintzaren eta artzaintzaren gainbeherak larre hauen erabilera falta ekarri du, eta, asko ez dira kontserbatzio egoera onean aurkitzen.

Proiektu honek Europa mailan oso mehatxatuta dauden mendiko larreak kudeatu eta kontserbatzeko oinarriak ezartzen ditu, beraz, habitat ezberdinen eta bertan bizi diren espezieen babesa bermatuz. Mendiko larreetan kudeaketa integratu eta jasangarrirako lur-jabeak, erabiltzaileak, naturguneetako kudeatzaileak, adituak eta tokiko eragileak inplikatu nahi dira.

Aurten HAZI-rekin lankidetzan Gipuzkoako Natura Parke guztietan ibilaldi gidatu bana eskaini du Gipuzkoako Parketxe Sarea Fundazioak, larre hauek balioan jartzeko eta euren bioaniztasuna ezagutzera emateko. Orain argazki erakusketa ibiltariak zeharkatuko ditu natura parke guztietako parketxeak irailetik datorren urteko otsailera bitartean. 31 argazkiz eta proiektuaren inguruko ikus-entzunezko batez osatutako erakusketa hau, hilabete honetan zehar Lizarrustiko parketxean egongo da ikusgai, asteartetik igandera 10:30-19:00 ordutegiaren barruan (ikus-entzunezkoa igandeetan ikusi ahal izango da 10:00-14:00 bitartean). Argazki hauek mendiko larreen kontserbazio eta erabileraren arteko harreman estua eta oreka bat lortzearen beharra islatu nahi dute. Baita tradizioaren eta berrikuntzaren arteko oreka ere habitat hauek desagertu ez daitezen.

20190905_113216

Hegaztiak berriro aske hegan Aralarren

Igeldoko Arrano Etxean sendatutako bi zapelatz eta amiamoko zuri bat askatuko dira

Hegazti askatzea 2019

Datorren irailaren 22an, igandearekin, Lizarrustiko Parketxeko inguruetan, Igeldoko Arrano Etxean sendatutako amiamokoa eta zapelatz batzuk askatuko dira.

Arrano Etxean, askotariko arrazoiak direla medio, zauritutako edo gaixotutako animaliak sendatzen dituzte eta haiek ahalik eta lasterren euren ingurune naturalera itzultzea da xedea. Jarduera berezi honetara bertaratzen direnak, Lizarrustiko Parketxean elkartuko dira goizeko 11:00etan eta azalpen batzuk entzun ostean, Lizarrusti inguruetako leku egoki eta eder batean askatuko dira hegaztiok (15 minutu egin beharko dira oinez).

Plan ederra proposatzen du beraz Gipuzkoako Parketxe Sareak, hegazti hauen inguruan zerbait gehiago ikasteko eta askatasunean euren natura ingurunera nola itzultzen diren ikusteko.

Jarduera doakoa izango da.

Izena emateko edota informazioa osatzeko: 943 18 03 35 / 688 895 069, barandiaran@gipuzkoamendizmendi.net

Gipuzkoako 4. rogainea Aralarren

Datorren larunbatean, irailaren 14ean, Aralargo mendiak Gipuzkoako 4. orientazio rogainearen lekuko izango dira. Aralargo mendi eta larreak, toki ezin hobeak dira mendian orientatzen ibiltzeko, eta parte hartzaileek, mapa eta iparorratzaren laguntzarekin, mendian jarriko diren balizak bilatzen saiatu beharko dute.

Aralar TXEMI WEB

Iberogaine orientazio ligako proba izanik, Espainia zein Frantziako 250 parte hartzaile baino gehiago hurbilduko dira Lizarrustiko parketxera larunbat goizean. Bertan, 2 proba izango dira. Batetik 8 orduko rogainea, hauek goizeko 10.30etan , Aralargo San Migueletik abiatu eta gehienez ere 8 orduko tartean, Lizarrustira itzuli beharko dute. Eta bestetik, goizeko 11.00tan Lizarrustiko parketxean bertan 3 orduko rogainea abiatuko da. Hauek, denbora epe laburrago batean berdina egin beharko dute, baina hasiera eta bukaera Lizarrustin bertan izango da.

Rogaine erako orientazio probak, 2 eta 5 pertsonez osaturiko taldeetan egiten dira. Momentu oro, taldeak batera joan behar du mendian eta orientazioa, estrategia eta gaitasun fisikoa uztartzen dituen modalitatea da. Haiseran, parte hartzaileei, Aralargo mendilerroko orientazio mapa banatuko zaie, 15 minutuko denbora tartean, taldeak, 8 edo 3 ordutan, biderik motzena eta baliza kopuru gehien lortuko lituzkeen bidea zein izango den erabaki beharko du. Eta behin irteera emanda, talde bakoitzak erabakitzen du zein bide hartu. Baldintza bakarra dago, 8 edo 3 orduko epean, mapan azaltzen den helmugako tokian agertzea, bestela lorturiko puntuak galtzen baitira.

Aurten, berrikuntza modura, 8 orduko proban, GPS bidezko jarraipena egingo da eta Lizarrustiko parketxetik zuzenean eta internet bidez momentu oro jarraitu ahal izango da parte hartzaileen ibilbidea. Eguna borobiltzeko, amaieran, otordu bat eta sari banaketa izango da.

Informazioa eta izen ematea: https://gotorientazioa.org/aralargo-rogainea-2019/
Kontakturako: info@gotorientazioa.org

Babesleak:

Babesleak

Saguzarrak hurbiletik Pagoetan

Irailak 14 (19:30-21:30)

Gaueko ugaztun hegalari misteriotsu hauen bizi-ohiturak, espezie motak, elikadura, ehitzatzeko eta hegan egiteko moduak eta askoz gehiago ikasiko dira bisita honetan.

Parketxeko inguruetan saguzarrak bilatzen hasi aurretik, Unai Arrizabalaga adituak azalpen orokorrak emango dizkigu Iturrarango ganbaran.

Gainera, gerturatzen direnek, aplikazio bati esker, saguzarrak entzuteko aukera izango dute iluntzen duen bitartean, hau baita saguzarrak behatzeko momenturik egokiena.

Prezioa: 5€ pertsonako (4 kideen familiatarako 15€)

Plaza mugatuak daude, erreserba egitea beharrezkoa da beraz. 943 835389 – iturraran@gipuzkoamendizmendi.net

“El sabor del crimen” programakoak Agorregin eta Barandiaran Museoan

Zuzenean ikusteko aukerarik izan ez zenutenentzat hemen dauzkazue programaren bi zatitxo ikusgai, hain zuzen Agorregiko burdinolan eta Barandiaran Museoan grabaturiko irudiak.  Agorregin Aran Aldai ingurugiro hezitzaileari egin zioten elkarrizketa, Errementari pelikulan figurazio lanetan parte hartu zuen berak  eta pelikulari buruz eta Agorregiri buruz hitzegin digu.

Paul Urkijoren pelikula inspiratu zuen kondaira, Patxi errementariarena, Joxemiel Barandiaranek idatziz jaso zuenez 1903. urtean, idatzi horren bila gerturatu ziren Andrea Ropero aurkezlea eta Toti Martinez de Lezea gaian aditua Barandiaran Museoraino. Kondaira berezia benetan eta txikitako oroitzapenak ekartzen dizkigunak askori… hau bera izan da ere aurtengo Ataungo Mitoaldiaren ardatz. Barandiaran Museoko liburu zaharren artean aurkituko ote zuten bilatzen ari zirena? bideoan ikusi ahal izango duzue…

Agorregin izan dira “EL SABOR DEL CRIMEN” programakoak

Etb2ko “EL SABOR DEL CRIMEN” programakoak izan ditugu egunotan bisitan Agorregin.

Telebista programa berri hau uztailean hasi zen, Dani Alvarez eta Andrea Ropero kazetariak eta Xabier Gutierrez,  Arzakeko sukaldari  ospetsu eta genero beltzeko idazlearen  eskutik. Formato berritzailea duen programak Euskal Herrian giroturiko genero beltzeko nobela  eta pelikulen ibilbidea erakutsi nahi digu eta bide horretan Agorregiko burdinola eta errotetan  grabaturiko Errementari pelikularekin topo egin dute.

Errementari pelikulari buruzko saio berezia datorren astelehenean, abuztuaren 5ean, gaueko 22:30etan izango da ikusgai etb2an.

El programa de la etb2 “EL SABOR DEL CRIMEN” ha estado grabando  estos dias en Agorregi.

En el mes de Julio comenzó a emitirse un nuevo programa en Euskaltelebista de la mano de los periodistas Dani Alvarez y Andrea Ropero, junto al afamado cocinero del Arzak y escritor de novela negra Xabi González. En este programa quieren llevarnos desde la novela negra hasta los distintos paisajes de Euskalherria donde se han grabado películas de este género, llevándonos en esta ocasión a la ferrería y molinos de  Agorregi, donde se grabó la película Errementari.

El nuevo capítulo sobre la película “Errementari” se emitirá en la noche del próximo lunes, 5 de Agosto, a las 22.30  en etb2.

 

Iritsi dira udako “abenturak”

Aiako harria Natura Parkean Listorreta aisialekuan jarduera ugari prestatu ditugu udara honetarako. Natur eremu hau ezagutzera emateko eta balioztatzeko jarduerak burutuko dira, eta lehendabiziko igande honetan izango da: Orientazio jolasa!

Orientazioaren oinarrizko kontzeptu batzuk azalduko dira eta orientatzeko erabili ohi den tresneria: iparorratzak, mapak, planoak…Naturan orientatzeko erabili daitezkeen metodoak ezagutuko dira ere (eguzkia, izarrak, ilargia, zuhaitzak, goroldioa).

Elkargune-puntua: Listorretako etxola (taberna).

Baldintzak: Plaza mugatuak daude, erreserba egitea beharrezkoa da.

Prezioa: doakoa.

Ordutegia: 11:00-13:00.

Udako_Abenturak_Listorreta2019

Zart, Axut, Gatz eta… Patxi errementaria Ataunen

Bazen behin Patxi izeneko errementari bat, deabrua bera baino maltzurragoa zena…

Asko izan ginen pasa den larunbatean hau entzuterakoan txikitako oroitzapen eta beldurrak berreskuratu genituenak; eta beste hainbeste izango ziren, txikienak batez ere, beldur eta oroitzapen hauek haien buruetan sortzen hasi zirenak.

3. Mitoaldiaren barruan, Gau ibilaldi mitologikoaren txanda izan zen asteburuan. Joxemiel Barandiaran gaztetxoa zeneko pasarte bat bizitzeko aukera izan genuen, eta baita, berak berreskuratutako legenda oso ezagun bat aurrez aurre ikustekoa; Patxi Errementari ardatz, garai bateko mitoen munduan buru belarri sartu ginen… lurretik infernura jaitsi, handik zerura igo, azkenik gaurko mundura itzuliz.

DSC_0071 DSC_0077

Emozioz beteriko astebete zirraragarria izan da, eta amaiera ezin hobea eman genion ikuskizun izugarri honekin. Harrien gainean eraikitako jentilen herria dantzan aritu zen, sorginek ateri mantendutako ortzi edo eguren azpian.

DSC_0062

Mito eta sinesmen askoren sehaska izatetik, euskal mitologiaren ardatz izatera pasatu da Ataun; astebetez behintzat. Milesker Jentilbaratza Kultur Elkarteko kide guztioi beste urte batez hau posible egiteagatik. Segi ezazue mitoak errealitate bihurtzen!! Eskerrak baita ere aurtengo gonbidatu bereziei, Iñaki Perurena, Jon Aizpurua eta Joseba Aurkenerenari hain zuzen ere. Eta nola ez, ezkutuko lanetan aritzen diren bolondres guztiei eta ekintzetan parte hartzera animatu zareten guztioi!! 

Segi dezagun Joxemielen lanari eutsiz, mitoak bizirik mantentzen…

DSC_0022