Category Archives: Landare Berezien Azoka

17. Landare Berezien Azokari adio

6.300 bisitari, 6.000 landare ezberdin, 50 mintegi, ziento bat bolondres, hamaika irribarre eta zorion. Mila esker guztioi!

Urte guztian zehar Iturrarango ateak zabalik,  5 kontinentetako landareak eta paisaia zoragarria zain dituzue.

Advertisements

Iturrarango Landare Berezien 17. Azoka abian da!

Goizeko 10etan ireki ditugu ateak eta jende ugari  hurbiltzen hasi da. Ikusgarri dago Iturraran ingurua!!!

50 mintegizale; kolore,  forma eta usai ugari; milaka landare mota; eta giro paregabea! Beraz, gozatzeko, denetarik ikusteko eta erosteko aukera izango du gerturatzen den orok!

Zatoz!

Asteburu honetan, zatoz Iturraranera eta goza ezazu Landare Berezien 17. Azokaz!

Asteburu honetan, apirilak 27 eta 28, Iturrarango Landare Berezien 17. Azoka ospatuko da Pagoeta Natura Parkean.

Dagoeneko Iturraran Lorategi Botanikoa udaberriko kolorez eder badago ere, aste bukaera honetan oraindik koloretsuago eta ikusgarriago izango da! 50 mintegizale izango ditugu, 48 postutan banatuak, beraz denetarik ikusi eta erosteko aukera izango duzue larunbatean nahiz igandean.

Azoka berezia da inolaz ere Iturraranekoa. Urtero, kalitate goreneko landareak dakarzkigute urrutitik nahiz gertutik datozen mintegizaleek. Kontu handiz hautatutako mota eta barietate ezberdinak: antzinako Larrosa barietate usaintsuenak, forma eta kolore desberdinetako Pelargonioak, Kameliak, Magnoliak, Hortensiak, tropikalak, Pirineotakoak, zitrikoak, aromatikoak, gozagarriak, iratzeak,  hautatutako zuhaixkak eta zuhaitzak, eta beste asko!

Bertara gerturatzeko, urtero bezala, Iturraraneko azoka gunera iristeko autobus bereziak jarriko dira Aia, Orioko Txurruka eta Zarauztik.

Jan-edaneko zerbitzua eta kontsigna zerbitzuak ere izango dira, bai eta bisita gidatu bereziak ere Biodibertsitatearen lorategira.

Igandean, aldi berean, Aiako plazan azoka osagarria izango da, zenbait landare postu eta  landareen inguruko produktuen postuekin.

Beraz, egunpasa ederra egin nahi duenak badu nahikoa aukera, bertan, aste bukaera honetan!

Hona hemen azokako krokisa eta informazioa:

Iturrarango Landare Berezien 17. azoka.

Dena prest Iturrarango  Landare Berezien 17. azokarako!

 

 

 

 

 

 

 

 

 

Geroz eta gutxiago falta da Landare Berezien azokarako Iturraranen

Apirilaren 27-28ko asteburuan Iturrarango Landare Berezien XVII. azoka ospatuko da Pagoeta Natura Parkean.

Urtez urte geroz eta jende gehiago biltzen den azoka honetan landare bereziak erosteko aukera ere handitzen doa, mintegi partehartzaileak ere geroz eta gehiago etortzen baitira. Aurtengoan 50 mintegizale izango dira 48 postutan banatuak, beraz denetarik ikusi eta erosteko aukera izango duzue bi egun horietan.

Urtero bezala azokagunera iristeko autobus bereziak jarriko dira Aia, Orioko Txurruka eta Zarauztik.

Jan-edaneko zerbitzua eta kontsigna zerbitzuak ere izango dira, bai eta bisita gidatu bereziak ere Biodibertsitatearen lorategira.

Informazio gehiago

Landare Azoka bezperan Iturraran edertzen

Lehenengo mintegizaleak hasi dira iristen eta dagoeneko koloreztatu zaigu, lehenez gain, lorategi botanikoa.

Aurten 50 mintegi ditugu, Frantzia, Italia, Espainia, Katalunia eta Euskal Herriko txoko ezberdinetatik etorriak. Guztien artean 3.500 landare mota ezberdin eta 35 espezialitate dakartzate. 

Azokan honako berrikuntzak izango ditugu:

Entresemillas: bildumako landareen haziak (Málaga)

Dorchain Paysages Miniatures: miniaturazko paisaiak (Frantzia)

Lacrouts Vivaces: landare bizikorrak (Frantzia)

Todoplant: sudafrikako uda eta udazkeneko bulboak (Murtzia)

Tres Turons: ur-bazterreko bertako landaretza (Barcelona)

Landare Berezien XVI. Azokarako ia dena prest!

Iturrarango Lorategi Botanikoa ari da itxuraz aldatzen. Mintegizaleen postuak tente daude dagoeneko eta laister landareez edertuta ikusiko ditugu.

Aurten gainera,  aurreko urteetan baina mintegi-landarezale gehiago eta eskaintza zabalagoaz goxatzeko aukera izango dugu.

Hurrengo asteburuan landareen festan murgiltzeko gogotsu gaude Pagoetako lan-talde desberdinak.

Boluntarioak behar ditugu Landare Berezien 16. Azokaren antolaketan

Apirilak 28 eta 29an ospatuko da Iturrarango Lorategi Botanikoan 16. Landare Berezien Azoka.

Lorategi Botanikoan izateak izaera berezia ematen dio azoka honi, inguru paregabea da horretarako, baina antolaketa aldetik ere behar bereziak ditu. Hori horrela izanik, Iturraran Parketxetik boluntario eskaera luzatzen dugu hain berezia den azoka hau barru barrutik bizitzeko eta aurrera eramateko.

Boluntarioak behar dira Aparkalekuetan egoteko, landare kontsignetan egoteko zein frantseseko itzultzaile gisa.

Informazio gehiago 943 83 53 89 – iturraran@gipuzkoamendizmendi.net