Category Archives: bisita gidatua

Bat, bi, hiru, lau: sagarra jo, sagarra jo, sagarra jo!

Atzo goizean Aiako Satxota sagardotegiko sagastian bildu ginen Nerearen gidaritzapean. Erronka gogorra genuen aurretik: sagardoa ekoiztu ahal izateko sagar bilketa egin behar!

Sagarra bildu aurretik fruituaren heldutasuna neurtzea komeni da, ondoren makilaz sagarrondoaren adarrak astindu eta lurrera eroritako aleak kizkiaz otarrera bildu genituen. Nereak ondorengo prozesua azaldu zigun: fruitua sagardotegiko tolarera eraman eta sagarra joaz muztio goxoa aterako da. Jarraian, zukua upeletan gorde eta denboraren poderioz sagardoa bihurtuko da.

Lan neketsuaren ostean, mahai inguruan bildu eta hamaiketako goxo batekin indarrak berritu genituen: sagar mota ezberdinak dastatzeko aukera izan genuen, baita fruitu honetatik eratorritako hainbat produktu ere (zukua, sagardoa, irasagarra..). Guzti hau txalapartaren doinuez alaituta, sagardogintzarekin lotura estua duen instrumentu hau jotzera animatu baitziren bixitari batzuk. Goiz ederra pasa genuen!

Advertisements

Garaian garaikoa: goazen denok sagar biltzera!

Sagardoa egin ahal izateko gerriak makurtu behar!!

2017ko Urriaren 14ean, larunbata (11:00-12:30h)

Inoiz aritu al zarete sagar biltzen? eta sagar dantza dantzatzen? kirikiketan?

Iturraran Parketxeak Satxota sagardotegiarekin bateginik parada ederra eskeintzen digu horretarako: sagarra, sagarrondoak, bizi zikloa, polinizazioa, sagar motak eta sagardoa gaitzat harturik.

Sagar bilketan aritzeaz gain, sagar mota ezberdinen eta sagardo ezberdinen dastaketa egingo da gazta eta irasagar pintxoez lagundurik.

 

Saguzarrak lagun Iturraran Parketxean

Saguzarrek soinean daramaten ospe txarra ezabatu nahian, Kiko Alvarez biologo adituak ugaztun hegalari hauen hainbat ezaugarri aditzera eman zizkigun atzo, irailak 16. Saguzarrak guregandik oso hurbil bizi diren animali harrigarriak eta misteriotsuak dira baina gautarrak izanik, ezezagunak eta eskuraezinak dira.

Pare bat orduko saioan, aurkitu ditzakegun espezie desberdinak, euren bizitza-ohiturak zein diren, zertaz elikatzen diren, orientatzeko erabiltzen duten sistema, nola erlazionatzen diren, hibernazioa, ingurumenarentzat duten garrantzia… ikasteko aukera izan genuen. Amaieran, tresneria berezi bat erabiliz, saguzarrak entzuteko aukera ere izan genuen eta a ze nolako festa antolatu zen Iturraran Parketxearen inguruan!  Hainbat saguzar arrunt (Pipistrellus pipistrellus) eta baratze saguzar (Esptesicus serotinus) ongi etorria ematera azaldu zitzaizkigun!

Oraindik bisita hauetan parte hartzeko aukerarik izan ez duzuenok, baduzue oraindik parada. Irailaren 30ean, Zegamako Anduetza Parketxean (Aizkorri-Aratz Natur Parkea), saguzarren inguruan beste bisita bat eskeiniko baitu Kiko Alvarezek. Erreserba egin nahi izanez gero, 943 80 21 87 telefonora dei egin dezakezue edota anduetza@gipuzkoamendizmendi.net helbidera mezua bidali.

Larunbat honetan ere talo tailerra Iturraranen / Próximo taller de talos este sábado en Iturraran

Aurreko asteko arrakastaren ondoren, larunbat honetan eta datorrenean (abuztuak 12 eta 19) ere taloari kolpeka jardungo dugu Iturraranen. Agorregiko burdinola eta errotara bisita egin ondoren,  taloak egiten trebatu eta norbere taloa jateko aukera izango  dugu txistor mutur batekin.

Animatu! eta azaldu Agorregira   11:30etarako edota 13tarako Pagoetako parketxerazuzenean. Erreserba egiteko deitu telefono honetara: 943 83 53 89 ( Iturraran).

Este sábado  12 y el próximo sábado 19 volverá  el olor al talo y la txistorra al caserío de Iturraran. Como antaño, se amasará la harina de maíz para hacer esas tortas que alimentaron a los antiguos habitantes de Euskal Herria.

 El taller del talo comenzará a las 13h. en el caserío  Iturraran ( Centro de Información del Parque Natural de Pagoeta) , después de la visita a la  ferrería y molinos e Agorregi, que será a las 11:30.

Interesados llamar al teléfono 943 83 53 89.

Heldu nahiz umeek gozatu zuten taloa egiten, ondoren gustora jateko./ Niños y adultos disfrutaron haciendo su propio talo, para luego comérselo.

Talo usaina laister Iturraranen / Ven a hacer tu propio talo

ABUZTUAREN 5,12,19 DE AGOSTO

Agorregiko burdinola eta erroten bisita ikusi ostean, eguerdiko 13:00etan Iturraran Parketxean talo tailerra burutuko da.  Norberak bere  taloa egiteko aukera izango du eta txistor mutur batekin sagardoa edanaz dastatu. Eguerdiko tripazorrientzako primerako plana!!

Después de visitar el conjunto de Ferrería y molinos de Agorregi, a las 13:00h nos vamos a juntar en el Parketxe de Iturraran para aprender un poco de la gastronomía de nuestros antepasados. En este caso vamos a hacer un taller de talos, que es lo que más comían a diario.

Udan ere goxatu Naturaz Pagoeta Natur Parkean / Verano repleto de actividades en el Parque Natural de Pagoeta

Uda sasoiarekin bat, mendia eta itsasoa batzen dituen paradisuan, Pagoetan, bisita puntu guztiak irekiak. Con la llegada del verano te esperamos con los brazos abiertos en el paraíso verde junto al mar, Pagoeta.

Erleak eta kandelagintza, burdinola, errotak eta okinak, lorategia, talo tailerrak…

Abejas y fabricación de velas, la ferrería, molinos y panaderos, jardín botánico, taller de talos…

Klikatu ondorengo irudian informazio gehiago izateko / para + información haz click en la imagen siguiente

MILA KOLORE ETA USAIN ITURRARANGO LORATEGI BOTANIKOAN

Iturraran Parketxea kolorez eta usain goxoz betetzen duen lorategi botaniko batez inguratua dago. Udaberria amaitzear den honetan, Iturrarango lorategiak bizi-bizirik jarraitzen du. Zer hoberik bertan zuhaitzen gerizpean ibilaldi lasai bat egitetea baino?

Zatoz inguru eder hau ezagutzera, Euskal Herriko eta mundu guztiko landareak aurkituko dituzu bertan. Urte guztian ateak zabalik ditugu eta sarrera doakoa da. Bisita gidatuak ere eskaintzen ditugu. Informazio gehiago eskuratzeko deitu  943 83 53 89 telefonora edo idatzi iturraran@gipuzkoamendizmendi.net posta elektronikora.

El caserío Iturraran está rodeado por un jardín botánico que nos llena de mil colores y aromas. La primavera llega a su fin, pero el jardín de Iturraran está lleno de vida. ¿Qué mejor para relajarse que dar un paseo a la sombra de nuestros árboles?

Anímate a conocer este entorno encantador, te encontrarás con plantas de todo el mundo. Nuestro jardín está abierto durante todo el año y la entrada es gratuita. También cabe la posibilidad de hacer una visita guiada. Para más información llama al 943 83 53 89 o escríbenos a iturraran@gipuzkoamendizmendi.net.

Maiatza naturaz eta kulturaz beteta izan dugu Iturraran Parketxean.

Maiatzean hainbat ekintza izan ditugu Pagoetan. Hilaren hasieran natura parkean bizi diren narrasti eta anfibioak ezagutzeko ibilaldia egin genuen Ander Izagirre adituaren eskutik. Eguraldia lagun, inguruko igel, uhandre, musker eta beste hainbat espezie behatzeko parada ezinobea izan zuten bertaratu ziren haur nahiz helduek.

Pasa den astean berriz, Iturraran parketxera gerturatu ziren familiek historiaurreko gizakien bizimodua ezagutzeko aukera izan zuten. Suhar arkeologia taldeko lagunek egurraren bidez sua egiteko teknikak, labarretako artearen sekretuak eta gezi bidezko ehiza erakutsi zizkiguten. Eginaz ikasten denez, ekintza horiek guztiak praktikan jarriz gustura ibili ziren haur eta gurasoak.

Harrera oso ona izan dute aktibitate hauek eta berriz ere errepikatzeko gogoz geratu gara guztiok!

Asteburu honetan Landare Berezien Azoka dela eta Agorregi itxita – Agorregi estará cerrado este fin de semana por la celebración de la Feria de Plantas de Colección

Datorren asteburuan Landare Berezien 15. Azoka ospatuko da Iturrarango Lorategi Botanikoan. Hori dela eta, Agorregiko Burdinola eta Errotak apirilaren 30ean eta maiatzaren 1ean itxita egongo dira.  Maiatzaren 1ean Iturrarango sarbide guztiak ere itxita egongo dira.

Continue reading Asteburu honetan Landare Berezien Azoka dela eta Agorregi itxita – Agorregi estará cerrado este fin de semana por la celebración de la Feria de Plantas de Colección