Category Archives: Aralarko parke naturala

Zerua argitzen / Descifrando el cielo

Jendeak erakutsi duen interes handia dela eta “Izarretara begira” saio berriak aurreikusten dira udazkenerako! Irailean zehar finkatuta genituen saioak, eguraldia dela eta egin ez badira ere, berriz eskainiko ditugu data berriak udazkenean zehar. Eguraldia ziurtatuta dagoelarik eskainiko dira aukera berri hauek parketxea, eguna eta ordua zehaztuz, baina, izen-emate epea laburra izango da beraz… adi egon!

Debido al gran interés que se ha demostrado en torno a la actividad “Mirando a las estrellas” se fijarán nuevas fechas durante el otoño. Tras no poderse llevar a cabo estas actividades en las fechas iniciales debido al tiempo desfavorable, se volverán a ofrecer durante el otoño. Estas nuevas fechas se fijarán cuando la actividad quede completamente asegurada por el tiempo e indicando el parketxe, el día y la hora en el que se desarrollará dicho evento. Por esta razón el plazo de inscripción puede ser breve por lo que…¡estad muy atentos!

Izarretara_begira_buletina

Life Oreka Mendian proiektua ezagutzeko argazki erakusketa ibiltaria Gipuzkoako Natura Parkeetan

cartel_expo_page-0001

Life Oreka Mendian, larreen kudeaketa jasangarria bultzatzeko 2016. urtean sortzen den proiektua da. Goi mendietako larre hauek Europako toki edo zonifikaziorik mehatxatuenak kontsideratzen dira eta estrategia amankomun bat garatu nahi da Natura 2000 Sarearen barruan aurkitzen direnak kontserbatzeko. Abeltzaintzaren eta artzaintzaren gainbeherak larre hauen erabilera falta ekarri du, eta, asko ez dira kontserbatzio egoera onean aurkitzen.

Proiektu honek Europa mailan oso mehatxatuta dauden mendiko larreak kudeatu eta kontserbatzeko oinarriak ezartzen ditu, beraz, habitat ezberdinen eta bertan bizi diren espezieen babesa bermatuz. Mendiko larreetan kudeaketa integratu eta jasangarrirako lur-jabeak, erabiltzaileak, naturguneetako kudeatzaileak, adituak eta tokiko eragileak inplikatu nahi dira.

Aurten, proiektu honen inguruan, Natura Parke guztietan ibilaldi gidatu bana eskaini du Gipuzkoako Parketxe Sarea Fundazioak lankidetza moduan, larre hauek balioan jartzeko eta euren bioaniztasuna ezagutzera emateko. Orain argazki erakusketa ibiltariak zeharkatuko ditu natura parke guztietako parketxeak irailetik datorren urteko otsailera bitartean. 31 argazkiz eta proiektuaren inguruko ikus-entzunezko batez osatutako erakusketa hau, hilabete honetan zehar Lizarrustiko parketxean egongo da ikusgai, asteartetik igandera 10:30-19:00 ordutegiaren barruan (ikus-entzunezkoa igandeetan ikusi ahal izango da 10:00-14:00 bitartean). Argazki hauek mendiko larreen kontserbazio eta erabileraren arteko harreman estua eta oreka bat lortzearen beharra islatu nahi dute. Baita tradizioaren eta berrikuntzaren arteko oreka ere habitat hauek desagertu ez daitezen.

Proiektu honen inguruan informazio gehiago nahi izanez gero: www.lifeorekamendian.eu/eu/

20190905_113216

Exposición fotográfica itinerante para dar a conocer el proyecto Life Oreka Mendian en los Parques Naturales de Gipuzkoa

El proyecto Life Oreka Mendian nace en el año 2016 para impulsar la gestión sostenible de los pastos de montaña. Se considera que estos pastos componen uno de los ambientes más amenazados de Europa y se quiere desarrollar una estrategia común para gestionar estas zonas situadas en lugares Natura 2000. El declive del pastoreo y la falta de uso provocan que los hábitats naturales que tradicionalmente han sido utilizados por la ganadería extensiva en Euskadi se encuentren en algunas zonas en un estado de conservación desfavorable.

Este  proyecto, por lo tanto, pretende establecer las bases para gestionar y conservar los pastos de montaña más amenazados de Europa, asegurando la protección de los diferentes hábitat y las especies que en ellos viven. Para ello se implicará a los propietarios, usuarios, gestores de espacios naturales, expertos y agentes locales en la gestión integrada y sostenible de los pastos de montaña.

Este año, en el marco del proyecto, con la colaboración de la Fundación Gipuzkoako Parketxe Sarea, se han llevado a cabo en todos los parques naturales de Gipuzkoa diferentes itinerarios para poner en valor estos pastos y dar a conocer su rica biodiversidad. Ahora una exposición itinerante va a recorrer todos los parketxes de los parques naturales de la provincia desde septiembre hasta febrero del año que viene. Durante este mes de septiembre esta exposición compuesta por 31 fotografías y un vídeo explicativo del proyecto estará expuesta en el parketxe de Lizarrusti de martes a domingo de 10:30 a 19:00 (el video del proyecto se emitirá los domingos de 10:00 a 14:00). A través de ella se intentará reflejar el estrecho vínculo y la necesidad de lograr un equilibrio entre conservación y aprovechamiento de los pastos de montaña y entre innovación y tradición, para que estos valiosos hábitat no desaparezcan.

Para más información acerca del proyecto: www.lifeorekamendian.eu

Hegaztiak berriro aske hegan Aralarren

Igeldoko Arrano Etxean sendatutako bi zapelatz eta amiamoko zuri bat askatuko dira

Hegazti askatzea 2019

Datorren irailaren 22an, igandearekin, Lizarrustiko Parketxeko inguruetan, Igeldoko Arrano Etxean sendatutako amiamokoa eta zapelatz batzuk askatuko dira.

Arrano Etxean, askotariko arrazoiak direla medio, zauritutako edo gaixotutako animaliak sendatzen dituzte eta haiek ahalik eta lasterren euren ingurune naturalera itzultzea da xedea. Jarduera berezi honetara bertaratzen direnak, Lizarrustiko Parketxean elkartuko dira goizeko 11:00etan eta azalpen batzuk entzun ostean, Lizarrusti inguruetako leku egoki eta eder batean askatuko dira hegaztiok (15 minutu egin beharko dira oinez).

Plan ederra proposatzen du beraz Gipuzkoako Parketxe Sareak, hegazti hauen inguruan zerbait gehiago ikasteko eta askatasunean euren natura ingurunera nola itzultzen diren ikusteko.

Jarduera doakoa izango da.

Izena emateko edota informazioa osatzeko: 943 18 03 35 / 688 895 069, barandiaran@gipuzkoamendizmendi.net

Zart, Axut, Gatz eta… Patxi errementaria Ataunen

Bazen behin Patxi izeneko errementari bat, deabrua bera baino maltzurragoa zena…

Asko izan ginen pasa den larunbatean hau entzuterakoan txikitako oroitzapen eta beldurrak berreskuratu genituenak; eta beste hainbeste izango ziren, txikienak batez ere, beldur eta oroitzapen hauek haien buruetan sortzen hasi zirenak.

3. Mitoaldiaren barruan, Gau ibilaldi mitologikoaren txanda izan zen asteburuan. Joxemiel Barandiaran gaztetxoa zeneko pasarte bat bizitzeko aukera izan genuen, eta baita, berak berreskuratutako legenda oso ezagun bat aurrez aurre ikustekoa; Patxi Errementari ardatz, garai bateko mitoen munduan buru belarri sartu ginen… lurretik infernura jaitsi, handik zerura igo, azkenik gaurko mundura itzuliz.

DSC_0071 DSC_0077

Emozioz beteriko astebete zirraragarria izan da, eta amaiera ezin hobea eman genion ikuskizun izugarri honekin. Harrien gainean eraikitako jentilen herria dantzan aritu zen, sorginek ateri mantendutako ortzi edo eguren azpian.

DSC_0062

Mito eta sinesmen askoren sehaska izatetik, euskal mitologiaren ardatz izatera pasatu da Ataun; astebetez behintzat. Milesker Jentilbaratza Kultur Elkarteko kide guztioi beste urte batez hau posible egiteagatik. Segi ezazue mitoak errealitate bihurtzen!! Eskerrak baita ere aurtengo gonbidatu bereziei, Iñaki Perurena, Jon Aizpurua eta Joseba Aurkenerenari hain zuzen ere. Eta nola ez, ezkutuko lanetan aritzen diren bolondres guztiei eta ekintzetan parte hartzera animatu zareten guztioi!! 

Segi dezagun Joxemielen lanari eutsiz, mitoak bizirik mantentzen…

DSC_0022

8. Gau Ibilaldi Mitologikorako GOMENDIOAK

Hemen da… iritsi da eguna… Ibilaldi berezi honetarako sarrerak eskuratzeko aukera izan baldin baduzu, http://www.jentilbaratza.eus atarian dauden gomendio hauek baliagarriak izango zaizkizu!

Gau Ibilaldi Mitologikoa, Ataungo herribide zaharrean egiten da. Bide zidorra,  Agauntza errekaren albotik doa eta asfaltatu gabe dago. Txanda bakoitzean 600 lagun baino gehiago joango dira, bidea estua da eta bide erdia gauez egiten da.

Kontutan hartu beharreko gomendioak:

1. Haur txikiak etortzen badira, motxila edo besoetan eraman. Bidea ez da egokia kotxesiletarako.

2. Oinetako egokiak erabili. Bidean harriak eta zulotxoak aurkitu ditzakegu eta.

3. Gaueko zatian, antortxak eta kandilak  banatuko dira. Antortxak helduek eramateko dira.

4. Auto gidariei laguntzeko, antolakuntzako jendea egongo da, bere esanei kasu egin.

5. Autobusak egongo dira San Martingo plazan abiapuntura eramateko. 18:30tatik aurrea.

6. Ibilaldiaren erdi parean komunak egongo dira.

7. Ibilaldiaren hasieran eta amaieran  antolakuntzak jana eta edana jarriko du.

8. SARRERARIK GABE ezingo da ibilaldia egin.

9. Eguraldi iragarpenei kasu eginez ondo prestatuta etorri (oinetako eta jantzi egokiekin).

GauIbilaldia-2019

GOZATU IKUSKIZUNA ETA MILA ESKER ANTOLAKUNTZAKOEN PARTEZ!

Ehundaka haur euskal mitologiaren sehaskan

Ataungo 3. Mitoaldiaren barruan, haur eta gaztetxoez bete ditugu Barandiaran Museoko inguruak aste guzti honetan zehar! adin eta herri desberdinetako udalekuetako taldeak etorri dira gurera 400 bisitari inguru izanik guztira 5 egun hauetan zehar.

20190704_131740

Joxemiel Barandiaranek lan izugarria egin zuen gure arbasoengandik zetozkigun kondaira, ipuin eta legenda guzti horiek idatziz jasotzen, eta, haurrak gogotsu etorri dira gurera jentilen, lamien, sorginen eta beste hainbat pertsonaien inguruan gehiago jakiteko asmoz. Galtzear zeuden istorio harrigarri guzti hauek Barandiarenen lanari esker ezagutzen ditugu gaur egun eta ahozko transmisioari eutsiz, Barandiaran Museoko ganbararen goxotasunean helarazi nahi izan dizkiegu txikienei ere. Datozen belaunaldiei ere euskal kulturaren barruan gordetzen diren altxor txiki hauek zabaltzen laguntzea da gu guztion eginkizuna, eta horretarako, mitologia tailer hauen bitartez ekintza desberdinak egin ahal izan dituzte beti ere mitologia ardatz hartuta. San Martin Txiki eta Tortoren bisita ere izan dute talde guztiek, a zer nolako suertea!!

20190712_111011

Helduentzako hitzaldia Joseba Aurkenerenaren eskutik

Beste publiko mota batentzat ere egon da lekua Mitoaldiaren barruan. Asteartean hain zuzen ere, Joseba Aurkenerena izan zen Barandiaran Museoan “Barandiaran eta mitoak” deituriko hitzaldi bat eskainiz. Informazio interesgarria benetan Josebak emandakoa. Barandiaranen lana, mitoak, euskara, euskal kultura ikutu zituen eta… ordu t’erdia motz geratu zitzaigun… Mila esker Joseba!

IMG-20190709-WA0000

“Barandiaran eta mitoak”

Gogoratu gaur hitzaldi berezia daukagula Ataungo Mitoaldiaren barruanJoseba Aurkenerena izango da gonbidatu berezia eta hitzordua arratsaldeko 19:00etan izango da Barandiaran Museoan.

Joseba Aurkenerena

Josebak, besteak beste, Karmel, Maiatz, Hatsaren Poesia, Eskuz eta Begiz, Elinberri.eus,  Zu-Zeu.eus eta Kazeta.eus agerkarietan idazten du. Baditu hainbat liburu plazaraturik ere. Gai nagusiak euskal historia, etnografia eta mitologiakoak izan dira. Horietako batzuk: – Euskal sinesmen zaharrak – Harribeltzetako ipuinak – Sorgin mainguak dabiltz – Euskaldunon mundua hizpide – Axularren itzala – Gureak eta mundu zabalekoak – Iparmina – Iragana ere gaur da – Euskal Herria beti!

Izango dugu zer ikasia bere hitzetatik! animatu eta etorri Barandiaran Museora!

 

Leitzako jentiletik, Murkoondoko zeharrera eta Marimundukoren zain

Ataunen ospatzen den 3. Mitoaldian bete betean murgildurik gaude eta jendearen erantzuna benetan ona izaten ari da. Ostiralean hasi genuen Mitologia ardatz duen jardueraz beteriko ekitaldi handi hau Iñaki Perurenak eskainitako emanaldiarekin. Zenbat gauza interesgarri kontatu zizkigun Iñakik! Gizakia aspaldidanik hasi zen harriari erabilpena ematen (lanerako, sua egiteko, jolasteko, kirolerako…) eta Iñaki Perurenak argi utzi zigun harria bere bizia izan dela eta oraindik ere badela.

Jentilen inguruan aritu zitzaigun ere Perurena eta gaur egungo harrijasotzaileak eurekin alderatu zituen, izan ere, gaurko bizimoduan perfilen bat jentilekin alderatu nahiko bagenu, hau izango bailitzake berarentzat aproposena. Barandiaranen lanari ere keinu egin zion “ez dakigu jentil haien aita nolakoa izango zen, baina, aita izango balue Joxemiel Barandiaran beharko luke izan”.

20190705_200434_retokauta.jpg

Oso interesgarria ere atzo Jon Aizpuruak Murkoondoko zeharrean barrena eskainitako ibilaldi gidatua. Ataungo beste txoko bat sakonean ezagutzera emateaz gain, bertako baserrien izenekin, Joxe Miel Barandiaranen anekdotekin eta leku berezi honek eman dituen beste ataundar ospetsu batzuen istorioekin pasarazi zigun goiz ederra Jonek.

20190706_102026_mejorada

Gaur aldiz, Marimunduko eta beste hainbat pertsonaien ipuin eta legenda harrigarriak entzuteko irrikan gaude! Lehenengo saioari hasiera eman zaio sarrera guztiak agortuz, famili ugariz bete zaigu Barandiaran Museoa eta oso pozik gaude! BIZI MITOLOGIA!

20190707_111523

2019ko MITOALDIKO hitzaldi eta ibilaldi bereziak

Uztailak, 5. Hitzaldia: “Harria, maitasun istorioa” (Iñaki Perurena)

Astigarragako parkean (20:00h).

Iñaki Perurena harriarekin datorkigu oraingoan ere, baina ez ohiko moduan, ordea. Euskal Herriaren historian harriak duen zer esanaz , duen eraginaz eta berak harriarekin izan duen hartu emana modu berezian azalduko digu ordu bete inguru irauten duen emankizun poetikoan. Emankizunarekin batera erakustaldia ere egingo du. Berak dioen moduan “harria urteetako bidelaguna izanda bizi oso bat daramat harriarekin eta berarekin jarraitu nahi dut”. Harria metafora bihurtzen du Iñakik emanaldian, adibide eta hausnarketa.

Uztailak, 6. “Murkoondo, Ataungo bihotza” ibilaldi gidatua (Jon Aizpurua)

San Martingo plaza (9:30h)

Jon Aizpuruaren gidaritzapean Ataungo gune esanguratsuenetako batean barneratuko gara, Murkoondon. Joxemiel Barandiaranen kabi, bere bizitzan izan ziren leku garrantzitsuak  ezagutzeko aukera izango dugu eta beste ataundar ospetsuei buruzko azalpenak ere emango dira. 2 ordu inguruko ibilaldia izango da. Izena eman behar da jentilbaratzake@gmail.com helbidean.

Uztailak, 9. Hitzaldia: “Barandiaran eta mitoak” (Joseba Aurkenerena)

Barandiaran Museoan (19:00h)

Ama ataundarra. Gurasoengandik etorri zaizkio bizitzan izan dituen bi zaletasun handiak, aitaren aldetik historiarekikoa eta euskal mitoarekikoa amaren aldetik. Donostian historia ikasketak egin zituen eta lanbidez irakasle aritu izan da.Besteak beste, Karmel, Maiatz, Hatsaren Poesia, Eskuz eta Begiz, Elinberri.eus,  Zu-Zeu.eus eta Kazeta.eus agerkarietan idazten du. Baditu hainbat liburu plazaraturik. Gai nagusiak euskal historia, etnografia eta mitologiakoak izan dira. Horietako batzuk: – Euskal sinesmen zaharrak – Harribeltzetako ipuinak – Sorgin mainguak dabiltz – Euskaldunon mundua hizpide – Axularren itzala – Gureak eta mundu zabalekoak – Iparmina – Iragana ere gaur da – Euskal Herria beti!

Hitzaldiak-eta-ibilaldia-2019-web

Mitologiaz blai!

Gutxi geratzen da dagoeneko III. MITOALDIRAKO! Gau ibilaldi mitologikorako sarrerak agortu direla jakina da, baina, ez da aukera bakarra mitologiaz gozatzeko eta gehiago ikasteko. Hona hemen egingo diren ekintza desberdinen datak eta zehaztasun guztiak izena eman nahi duenarentzat:

Uztailaren 7an ipuin kontaketa Barandiaran Museoan

Marimunduko eta beste hainbat pertsonairen eskutik ipuin harrigarriak entzun ahal izango dira familientzat oso aproposa den plan honetan. izen emateak: barandiaran@gipuzkoamendizmendi.net

Ipuin kontaketa 2019

Hitzaldi eta ibilaldiak mitologia ardatz hartuz aditu desberdinekin

Uztailak 5

Iñaki Perurenaren “Harria, maitasun istorioa”  hitzaldia eskainiko da 20:00etan Astigarragako parkean.

Uztailak 6

Mitologia-gune esanguratsuenetatik ibilaldia egingo da Ataunen zehar, Jon Aizpuruaren eskutik. 9:30etan izango da hitzordua San Martingo plazan. Aurrez izena ematea ezinbestekoa da jentilbaratzake@gmail.com helbidean, toki mugatua baitago.

Uztailak 9

Joseba Aurkenerenaren “Barandiaran eta mitoak” hitzaldia Barandiaran Museoan, arratsaldeko 19:00etan. Sarrera doakoa izango da, baina aurrez izena ematea ezinbestekoa da barandiaran@gipuzkoamendizmendi.net helbidean, toki mugatua baitago.

Hitzaldiak-eta-ibilaldia-2019-web

ZAIN IZANGO GAITUZUE!!