Category Archives: Aralar Parke Naturala

Eta amets eginez gabonetan murgildu gara…

Goiz magikoa gaurkoa Aralarko paraje ederretan… 600 lagun abiatu dira gogotsu Olentzero eta Maridomingiren bila aurtengo gutuna eskura emateko asmoz, eta, a zer nolako sorpresak topatu dituzten bidean zehar! mendiotan bizi diren jentilak, sorginak, Akerbeltz, Tartalo, San Martin Txiki, Zezengorri, galtzagorrik eta makina bat pertsonai desberdin!

Azkenik, ibilaldiaren amaiera aldera basoan murgildurik topatu dituzte hain maitatuak diren Olentzero eta Maridomingi galtzagorri ttiki eta bihurri batzuen laguntzari esker. Ilusioz bete zaizkie aurpegiak haurrei eta hitz batzuk esan ahal izan dizkiete aurrez aurre; lasai ederrean egingo dute lo etxeko txikienek Gabon gauaren zain!

3

Eskerrak eman nahi dizkizuegu gure jardueretan parte hartu duzuen bisitari guztioi, Jentilbaratzako kideei, egiten duten lanagatik izango ez balitz hau ezinezkoa izango litzatekeelako, eta blog honetako jarraitzaile guztioi ere. Gipuzkoako Parketxe Sarea Fundazioaren partez GABON ZORIONTSUAK OPA DIZKIZUEGU! Eta… jarrai ezazue amets egiten!

2

4

5

7

8

9

Jentilen lurraldean iparra non ote?

Gabonak gertu direlarik, eta azaroko zubiko arrakasta ikusirik, Barandiaran Museoan (Ataun) “Mitologia orientazio-jolasa” jarduera eskainiko da, berriz ere, familia edo lagun taldeei zuzenduta. Igandean izango da hain zuzen ere, abenduaren 15ean goizeko 11:30etan. Jarduera honen bitartez, Barandiaran Museoko ingurunea eta Barandiaranekin zerikusia izan zuten bazter asko ezagutzeko aukera egongo da mitologiaren inguruan ikasten den bitartean.

Ez galdu aukera eta eman izena parte-hartu nahi baduzu!

Prezioa: 3€ pertsonako (orientazio jolasa egiteaz gain Barandiaran Museoa eta Errotatxo bisitatzeko aukera egongo da)

Izen emateak: 943 18 03 35 / 688 895 069 / barandiaran@gipuzkoamendizmendi.net

IMG_20190420_122546_291

Bete dira Jentilak eta Olentzero ibilaldi magikorako txandak

Jakinarazten dugu BETETA dagoela Jentilak eta Olentzero 2019 ibilaldi mitologikoa. Izena ematerako egon den eskaera izugarria izan da eta web orrialdea momentu batzuetan erorita egon da. Prozesua amaitzea lortu dezuenok 2 korreo elektroniko jasoko zenituzten zuen emailean. Konfirmaziorik jaso ez baldin badezute, pena handiz,  ez dituzue sarrerak lortu.

Jarduerak dituen ezaugarriengatik ez da posible jende gehiago hartzea ekintza beraren segurtasuna eta kalitatea ziurtatzeko. Ulertuko duzuelakoan mila esker beste behin guztioi.

“Jentilak eta Olentzero” ibilaldirako izen-ematea abenduaren 11n

“Jentilak eta Olentzero” ibilaldiak izen-emate data berria izango du, abenduaren 11n.

Asteazkenean, zerbitzariak huts egin zuen eta ezin izan zen izen-ematea webean eskuragarri jarri. Honen aurrean, zerbitzaria aldatu eta izen-emate data berri bat jartzea erabaki da.

Izen-emate berria Abeduaren 11n izango da, 9:00tan, www.jentilbaratza.eus web gunearen bitartez.

Asko sentitzen ditugu sortuko genituen eragozpenak.

Jentilak eta Olentzero ekitaldirako izen-ematea nola egin

Hemen aurkitu ditzakezue Jentilak eta Olentzero ibilaldi magikorako izen ematea egiteko xehetasun guztiak: http://jentilbaratza.eus/jentilak-eta-olentzero-ekitaldirako-izenematea-nola-egin/

Ondo irakurri pausu guztiak izen-ematea abenduaren 4ean ireki baino lehen, prozesu guztia bere osotasunean bete behar da, bestela ez baita erreserba ondo erregistratuko!

Jentilak eta Olentzero_2019

 

Hemen da, badator…“Jentilak eta Olentzero” ibilaldi magikoa!

Aurtengo “Jentilak eta Olentzero” ibilaldi magikoa abenduaren 22an ospatuko da, ohikoa den bezala Lizarrustiko Parketxetik abiatuz.

Izena emateko abenduaren 4ean “www.jentilbaratza.eus” web-orrian erreserba egin beharko da (goizeko 9:00etatik aurrera). Erreserba honen bitartez eskuratzen den agiria, ibilaldiaren egunean bertan Lizarrustiko Parketxean sarrerarengatik aldatu beharko da (prezioa 3€ izango da pertsonako).

Aurrez, esan, jakin badakigula oso denbora gutxian agortuko direla lekuak, urtero bezala ehunka eta ehunka pertsona ari zaretelako deitzen informazioa eskatuz, eta pena handiz, baina agortu ondoren ezin izango dugula izen gehiago hartu.

Kontutan izateko hainbat ohar garrantzitsu:

  • Adierazitako webgunea da modu bakarra sarrerak eskuratzeko.
  • Egunean bertan ez da onartuko sarrerarik ez duen inor. Jarduera honen kalitatea eta segurtasuna bermatu nahi dira, hortaz, sentitzen dugu kanpoan geratuko diren guziongatik, bihotzez, eta ulertuko duzuelakoan gaude.
  • Bi ordu eta erdi / hiru bat orduko ibilaldia izango dela aurreikusten da, nahiz eta zailtasun aldetik ez den ibilaldi zaila 3 urtetik gorako aurrentzat da soilik egokia.
  • Ibilaldiaren hasieran eta amaieran 10-15 minutuko aldapa egongo da, baina tarteko ibilaldia baso lau batetik zehar egingo da, ia desnibelik gabekoa, pagadi eder eta magiko batetik hain zuzen ere, pertsonaia mitologikoen bizileku den Allekupeko basoetatik.
  • Lizarrustiko aparkalekua txiki geratzen da horrelakoetan, hortaz, arren, sarrerak eskuratzea lortzen duzuenok ahalik eta kotxe gutxienetan etorri.
  • Mendiko arropa eta oinetako egokiak beharrezkoak izango dira eta noski, mundu mitologikoan murgiltzeko gogoz eta ilusioz etortzea!

Ausartzen al zarete gurera etortzen?

Jentilak eta Olentzero_2019

Jentilen lurraldean… iparra non ote da?

Azaroko zubirako Barandiaran Museotik (Ataun) jarduera berezia eskainiko da familia edo lagun taldeei zuzenduta. Larunbatean hain zuzen ere (azaroaren 2an goizeko 11:30etan), mitologian oinarritutako orientazio jolasa eskainiko da eta Barandiaran Museoko ingurunea eta Barandiaranekin zerikusia izan zuten bazter asko ezagutzeko aukera egongo da mitologiaren inguruan ikasten den bitartean.

Euskal mitologia ardatz hartuta, beraz, familian edo lagun artean goiz ederra igarotzeko aukera izango da. Iparra aurkitzeko gai izango al gara jentilen lurraldean? ez galdu aukera eta eman izena parte-hartu nahi baduzu!

Prezioa: 3€ pertsonako (orientazio jolasa egiteaz gain Barandiaran Museoa eta Errotatxo bisitatzeko aukera egongo da prezio berdinaren barruan)

Informazio eta erreserbak: 943 18 03 35 / 688 895 069 / barandiaran@gipuzkoamendizmendi.net

IMG_20190420_122546_291

Agur saguzarrei datorren urtera arte

Saguzarrak behatzeko azken saioa atzo iluntzean burutu zen Lizarrustiko parketxean. Interesdun asko bildu ziren Ane Caro adituaren inguruan eta txikienek animalia hauen inguruan ezagutza asko zituztela ikusi ahal izan genuen!

Parketxeko inguruetatik egindako ibilaldian, lotsati aritu zitzaizkigun saguzarrak, entzun entzuten genituen, baina, zailtasun handiekin ibili ginen hauek begiztatu ahal izateko… Hala ere ez genuen etsi eta saioa amaitzear zegoelarik saguzar arrunt bat (pipistrellus pipistrellus) izan genuen gure buru gainetan bueltaka! Datorren urtera arte agurtzera etorriko ote zen?

Mila esker aurten gurekin aritu diren aditu eta parte-hartzaile guztiei!

Hona hemen atzoko argazki batzuk:

20191005_191609

20191005_195026

20191005_204942

 

 

Larre orok ditu ikuspegi oparo / Todo pastizal tiene vistas sin igual

Aurten, Natura Parke guztietan ibilaldi gidatu bana eskaini dugu mendiko larreak balioan jartzeko eta euren bioaniztasuna ezagutzera emateko. Oraingoan, argazki erakusketa ibiltariak zeharkatuko ditu natura parke guztietako parketxeak, irailetik hasita datorren urteko otsailera arte.

Erakusketa hau 31 argazkiz eta proiektuaren inguruko ikus-entzunezko batez osatua dago. Irailean zehar Lizarrustiko parketxean egon ondoren, Arantzazuko parketxean duzue orain ikusgai, asteazkenetik igandera 10:00-14:00 ordutegiaren barruan. Azaroa eta abenduko hilabeteetan Iturraran parketxean egongo da, jarraian, hau da, urtarrilean Anduetza parketxean izango dugu, eta azkenik, otsailean Arditurri parketxean.

Argazki hauek mendiko larreen kontserbazio eta erabileraren arteko harreman estua eta oreka bat lortzearen beharra islatu nahi dute. Baita tradizioaren eta berrikuntzaren arteko oreka ere habitat hauek desagertu ez daitezen.

Proiektu honen inguruan informazio gehiago nahi izanez gero: www.lifeorekamendian.eu/eu/

cartel_expo_page-0001

Este año,  hemos llevado a cabo en todos los parques naturales de Gipuzkoa diferentes itinerarios para poner en valor los pastizales de montaña y dar a conocer su rica biodiversidad. Ahora una exposición itinerante va a recorrer todos los parketxes de los parques naturales de la provincia desde septiembre hasta febrero del año que viene.

Esta exposición compuesta por 31 fotografías y un vídeo explicativo del proyecto estuvo expuesta en el parketxe Lizarrusti (Ataun) durante el mes de septiembre, ahora tenéis la oportunidad de verlo en el parketxe Arantzazu (Oñati) de miércoles de 10:00 a 14:00, y durante los meses de noviembre y diciembre estará en el parketxe Iturraran (Aia). A continuación, es decir, en enero se hallará en el parketxe Anduetza (Zegama) y finalmente, en febrero en el parketxe Arditurri (Oiartzun).

A través de ella se intentará reflejar el estrecho vínculo y la necesidad de lograr un equilibrio entre conservación y aprovechamiento de los pastos de montaña y entre innovación y tradición, para que estos valiosos hábitat no desaparezcan.

Para más información acerca del proyecto: www.lifeorekamendian.eu