Category Archives: Aizkorri-Aratz Parke Naturala

BETETA gaztagintza eta arkumeen sekretuak ezagutzeko txanda

Datorren iganderako txanda BETETA dagoenez, otsailaren 2rako, azken txandarako, izen ematea ireki da.

Goiza ukuiluan hasiko dugu, bisitariek Latxa ardia gertu-gertutik ikusi eta arkume jaio berriak besoetan goxo-goxo izango dituzte. Gero Ondarre baserrian, gaztagintzaren sekretuak ezagutzera emango dira. Ondoren, gazta keztatua, keztatu gabea eta gazta-zarra dastatuko dituzte, sagardo eta uraz lagunduta beraien ezaugarriak komentatuko direlarik.

Azken plazak gaztagintza eta arkumeen sekretuak ezagutzeko

Iganderako, urtarrilaren 19rako azken plazak gelditzen dira Ondarre gaztandegia (Segurara) bisitatzeko.

Ondarre baserriko artaldean arkumeak jaio berri dira eta artzainak Idiazabal gazta egiten hasten dira orain. Goiza ukuiluan hasiko dugu, bisitariek Latxa ardia gertu-gertutik ikusi eta arkume jaio berriak besoetan goxo-goxo izango dituzte. Gero Ondarre baserrian, gaztagintzaren sekretuak ezagutzera emango dira. Ondoren, gazta keztatua, keztatu gabea eta gazta-zarra dastatuko dituzte, sagardo eta uraz lagunduta beraien ezaugarriak komentatuko direlarik.

Ondarre baserriko ukuilu eta gaztandegiaren artean egingo den bisita hau, aterpean izango da eta oso egokia da adin guztietako herritarrentzat, baita familientzat ere.

Gaztagintza eta arkumeen sekretuak

Hemen duzue familian ederto pasatzeko 2020. urteko lehen jarduera!

 

Ondarre gaztandegira (Segurara) bisita antolatu du datozen bi igandeetan, urtarrilaren 19an eta 26ean, Zegamako Anduetza Parketxeak. Ondarre baserriko artaldean arkumeak jaio berri dira eta artzainak Idiazabal gazta egiten hasten dira orain.

Goiza ukuiluan hasiko dugu, bisitariek Latxa ardia gertu-gertutik ikusi eta arkume jaio berriak besoetan goxo-goxo izango dituzte. Gero Ondarre baserrian, artzainek erabiltzen dituzten tresnen bilakaera ikusiko dute. Ondoren, gazta keztatua, keztatu gabea eta gazta-zarra dastatuko dituzte, sagardo eta uraz lagunduta beraien ezaugarriak komentatuko direlarik.

Ondarre baserriko ukuilu eta gaztandegiaren artean egingo den bisita hau, aterpean izango da eta oso egokia da adin guztietako herritarrentzat, baita familientzat ere. Aurrez izena ematea beharrezkoa da, leku mugatua baitago.

Etorri Goierrira, Ondarre baserrian gure zain daude eta!

Olentzero gure artean

Asteburu honetan, Olentzero egon da haur eta helduekin taloak egiten Zegamako Anduetza parketxean. Adi-adi entzun zituzten haurrek Olentzeroren hitzak, ondoren elkarrekin taloa egin genuen eta bukatzeko jan ere.

Datorren astebururako saioak beteta daudela jakinarazi nahi dizuegu. Anduetza parketxeak ezin ditu saio gehiago eskaini. Sentitzen dugu haurrak kanpoan utzi izana eta espero dugu datorren urtean zehar elkar ikustea!

Eta hala bazan eta ez bazan…

20191201_114609[1]

Gaur goizean, abenduko lehen egunean, Arantzazuko Parketxean Marimundukoren ipuin harrigarriak ezagutzeko aukera izan da. Orain arte urtero ibili izan da Ataungo Barandiaran museoan eta Zegamako Anduetza parketxean kondaira zirraragarriak kontatzen baina aurten estreinekoz izan da Arantzazun.

Pertsonaia mitologikoen laguntzaz, sorginen amak Euskal Herriko hainbat ipuin eta kondaira kontatu dizkie bertaratutakoei. Ongi etorri beroa jaso dute Marimunduko, Patxi, San Martin txiki eta Torto begibakarrak, oñatiar ugari inguratu baita hauek ikustera. Eta tarteka beldur pixka bat pasatu badute ere, asko gozatu dute euskal kondairak entzuten eta ikusten.

20191201_115022[1]

Eskerrik beroenak, beste behin, Ataungo Jentilbaratza Elkarteari, Joxe Miel Barandiaranek ongi jasotako Euskal Herriko mitologia Oñatira ekartzeagatik horren modu gozagarrian. Eta nola ez, bertaratutako jende guztiari, ekimen honetara animatzeagatik.

Marimundukok esan bezala, jarrai dezagun gure haurrei kondairak kontatzen! Eta hala bazan eta ez bazan… sar dadila kalabazan eta atera dadila Oñatiko plazan!

 

 

 

Nola asmatu zuen gizakiak zerra?

Gaur, igandez, Marimunduko izan da ipuin kontari Anduetza parketxean; pertsonaia mitologikoen laguntzaz Euskal Herriko hainbat ipuin eta kondaira zirraragarriak antzezten. Aurten, Marimundukok, Tartalo, Patxi eta San Martin txiki ekarri ditu  lagun. Hainbat ipuinen artean, gizakiak nola asmatu zuen zerra kontatzen duen ipuina izan dugu.

Familia pila hurbildu dira Marimundukok kontatutako istorioak entzutera, eta primeran pasatu ere! Barre algarak, tarte beldurgarriak baita sustoren bat ere!

Eskerrak eman nahi diogu Ataungo Jentilbaratza Elkarteari, zeinak urtez urte ipuinak berrituz, Euskal Herriko mitologia Zegamara ekartzea posible egiten duen. Eta nola ez, bertaratutako jende guztiari, ekimen hau urtez urte errepikatzen laguntzeagatik. Segi dezagun gure haurrei istorioak eta kondairak kontatzen! Zeintzuk izango ote dira Marimundukok hurrengo urtean kontatutako istorioak?

Gogoratu beste aukera bat duzuela Arantzazuko parketxean datorren igandean!!

Perretxikoen magia

Joan den larunbatean, azaroaren 16an, 9. Mikopoteoa ospatu zen Arantzazun. Eguraldia alde izan ez zen arren, jende ugari bildu zen Raúl Fraileren hitzaldira eta ondorengo mikopoteora. Magiaz beteriko hitzaldia izan zen!

Mikopoteoa2019 (7)

Udalak jarritako autobus zerbitzuari esker oñatiar ugari animatu zen Arantzazuko jatetxeetan mikopintxoak dastatzera. Antolakuntzaren partetik eskerrik beroena laguntzaile ditugun jatetxeei beste behin horrelako pintxo goxoak prestatzeagatik!

Mikopoteoa2019 (5)

Eskerrikasko gerturatu zineten guztioi, hotzari eta euriari aurre egin eta giro bikaina sortu bait zenuten. Milesker!

Datorren urtean 10. Mikopoteoraren txanda izango da eta ekintza bereziak antolatuko dira, adi egon ez galtzeko!