Category Archives: Aiako Harria Parke Naturala

Azaroari hasiera emateko modu paregabea: Tren Berdea!

IMG_2905'.jpgAzaroari hasiera emateko jende piloa etorri zen aurreko  azaroaren 1ean Arditurriko meategira. Berriro ere, bisitariek txu-txu trenean etorri ziren parketxeraino; eta bertan, Aiako harriaren inguruan topatu daitekeen meategia bisitatzeko aukera izan zuten: handien eta hobekien kontserbatua dagoena.  Pagoalden elkartu zen jende ugari, txu-txu trenaren zain zeuden bitartean adin txikienetarikoen urduritasun eta abentura gogoak nabariak izaten hasi ziren.  Arditurrirako bidean, trenaren traka-trakak, kolore bizi eta aldakorren basoan zehar entzun zitezkeen; soinu hauek txorien kantekin batera trenaren erritmoa pausatzen zuten. Hasieran, eguna euritsua izango zela zirudien, baina orduak pasa ahala, eguzki pittin bat agertu egin zen Aiako harriaren magalean. Urtea amaitu aurretik izango dira aukera gehiago Arditurrin plan bikainak egiteko!

 

Advertisements

Saguzarrak, ugaztun hegalari harrigarriak

Parketxeetako klasiko batekin gatoz oraingoan. Aurtengoan ere, saguzarrak gertutik ezagutzeko aukera ekainiko dugu. Hainbat saio antolatu dira larunbat iluntzeetan, eguzkia sartzen denean eta inguruak misterioz betetzen direnean…

Lehenengo saioa Aizkorri Aratz Natura Parkean ospatuko da, irailaren 29an Arantzazuko Parketxean. Beldurrak alde batera utzi eta izaki misteriotsu hauek ezagutzeko aukera paregabea! Elkargunea parketxea bera izango da eta arratsaldeko 20:00etan emango zaio hasiera jarduerari. 

Parketxeko inguruetan saguzarrak bilatzen hasi aurretik, Ane Caro eta Unai Baroja adituek, ugaztun hegalari hauen ezaugarriak azalduko dizkigute. Gainera, gerturatzen direnek, aplikazio bati esker, saguzarrak entzuteko aukera izango dute iluntzen duen bitartean, hau baita saguzarrak behatzeko momenturik egokiena.

Plaza mugatuak daude, erreserba egitea beharrezkoa da beraz.

Ugaztun hegalari harrigarri hauek ezagutzera etorri nahi al duzu? 

Informazio gehiago eta erreserbak: 943 78 28 94 / 699 33 51 83 / arantzazu@gipuzkoamendizmendi.net

Saguzarrak2018

Mendira? Bai, baina guztiok elkarrekin!

Gipuzkoako Parketxe Saretik ekimen berri eta interesgarri bat jarri dugu abian ikasturte honetan Azeri taldekoekin batera. Aniztasun funtzionala duten ikasleei ere, gainontzeko klasekideekin batera gure naturguneetara etortzeko aukera ematen die ekimen honek, mendiok, azkenfinean, guztionak direlako.

Gipuzkoako txoko ederrenetako batzuk ezagutzera gonbidatzen zaituztegu: Aralar Natura Parkea, Aizkorri-Aratz Natura Parkea, Aiako Harria Natura Parkea eta Pagoeta Natura Parkea.  Guztion neurrira.

Datorren ikasturterako erreserbak egiten hasiak gara dagoeneko, mugi zaitezte lekurik gabe geratu nahi ez baduzue, zuen zain gaude!

Natura Parkeak guztion neurrira2017

Hemen, maiatzean, Arantzazuko Parketxetik Urbiara egin genuen irteerako argazki batzuk dituzue, ederki pasa genuen, elkartasuna izan zen nagusi irteeran eta klasekide guztiek gozatu zuten paraje ederrotaz.

20180517_15053720180517_11542520180517_130223

Anima zaitezte eta ez ezazue aukera hau galdu!

Ateak zabalik Museoen Nazioarteko Egunean

Maiatzaren 18an ospatzen da Museoen Nazioarteko Eguna. Aurten, ostirala izanik, ikastaldeekin murgilduta egongo gara egun horretan. Hori dela eta, Gipuzkoako Parketxeetan igandean ospatuko dugu egun berezi hori, maiatzaren 20an hain zuzen ere.

Doan izango dira Parketxeetako sarrerak eta gonbidapen zabala luzatzen dizuegu; 6 parketxe dituzue aukeran Gipuzkoan, zein baino zein interesgarriagoa, zuen zain gaude!

ANDUETZA PARKETXEA (Zegama)

ARANTZAZU PARKETXEA (Oñati)

ARDITURRI PARKETXEA (Oiartzun)

BARANDIARAN MUSEOA (Ataun)

ITURRARAN PARKETXEA (Aia)

LIZARRUSTI PARKETXEA (Ataun)

 

gps_fundazioa

Aste Santua eta Pazko Astea Gipuzkoako Natura Parkeetan

Burdinolak, erleak, meategiak, saroiak, errotak, mitologia, orientazio jolasak, gaztagintza…

Urtero bezala, aurtengoan ere, gipuzkoar asko irtengo da kanpora Aste Santuan eta Pazko Astean, baina ez dira gutxi (ematen duena baino gehiago) Probintzian geratzen diren herritarrak, eta horiei, jakina, kanpotik hona datozen bisitariak erantsi behar zaizkie.

Urrutira joan gabe natura-aisiaz gozatu nahi duten gipuzkoarrentzat eta ondoko lurraldeetatik nahiz urruneko herrialdeetatik gurera datozenentzat, egitarau aberatsa prestatu dute Gipuzkoako lau Natura Parkeen erakusleiho diren parketxeetan. Guztiontzako planak daude proposamenean: familian egitekoak, bakarka egitekoak, naturarekin loturikoak, kultur ondarea ezagutzera ematen dutenak…

Pagoetako Natur Parkean (Aian), adibidez, Aste Santuko egun guztietan eta Pazko Asteko asteburuan Agorregiko burdinola martxan jarriko da; oraindik hara bertaratu ez den norbait badago, zur eta lur geratuko da hango hauspo, gabia eta gurpil hidraulikoaren mugimendu eta hotsarekin. Iturrarango parketxean bertan borobildu daiteke goiza, erlauntzen irekierarekin harrituz, lorategi botanikoaz gozatuz edo orientazio zirkuitua frogatuz, bai familian, bai bakarka.

IRUDI HANDIA.jpg
Iturraran parketxea (Aia)

 

Aparteko beste aukera Aiako harriko Natura Parkean dagoen Arditurriko (Oiartzungo) meatze-gunea bisitatzea da: kaskoa jantzi, lurraren erraietara sartu eta garai batean ilunpearen isiltasunean han lan egin zuten meatzariek sentitzen zutena bizitzea. Gainera, aurten, txu-txua trenean gerturatu daiteke meategietara, Pagoaldea industrialdetik abiatuz. Beste egun-pasa bat Aiako harria Natura Parketik atera gabe: Hernanin, Akola inguruko trikuharri eta saroiak ikusi ondoren, nahi duenak, Larregaingo sagardotegian amaitu dezake goiza, upel artean, sagardo berria dastatuz.

Tren berdea 001
Txu-txu trena Arditurrin

 

Ataunen ere, Aralarko Natura parkean oraingoan, gorputzarenak ez ezik, izpirituaren beharrak asebetetzeko aukera dago, talo-tailerraren aitzakian, Barandiaran museoa nahiz hango errota eta zerrategi hidrauliko ikusgarria bisitatuz. Aurtengoan, gainera, mitologia orientazio jolasa izango da familientzat. Lizarrustiko parketxea ere hor dago, aterpetxe zein jatetxe eta guzti. Hain gertu, eta, era berean, hain urruti dagoen Natura Parke zoragarriaz gozatzeko mendi ibilaldia egiteko aukera izango dute nahi duten guztiek.

DSC_0048.JPG
Barandiaran Museoa (Ataun)

Eta Aizkorri-Aratzeko Natura parkean zer? Bada, berrikuntza franko. Batetik, Zegaman dagoen Anduetza parketxeak, Goierriko hainbat txoko eder bisitatzeko abiapuntu paregabea denak, zein baino zein erakargarriagoak diren bi jarduera antolatu ditu datozen egunotarako: familientzat orientazio ibilbidea eta “jaten den egurrik ba al dago” saio kitzikagarria, azken hau Anduetzan bertan.

image033 (1)
Orientazio jolasa familientzat

 

Aizkorri mendiaren beste aldean, azkenik, Arantzazu dago. Euskal arte garaikidearen erakuskari ezin hobea den Santutegiaz eta Natura Parkearen sekretuak erakutsiko dizkigun parketxeaz gainera, iaz irekitako aterpetxea dago han, Gandiaga I eraikinean, ondo lo egin eta egun batzuetan autoaz ahaztu nahi dutenentzat. Agerikoa da Arantzazun aisiarako aukerak ugariak direla, baina, labur beharrez, bat aukeratu behar eta honakoa gomendatzen dugu: ibilbide irisgarritik Gomiztegiraino joan, artzaintzaren eta gaztagintzaren nondik norakoak bertatik bertara ezagutu eta, Euskal Herrian gaudenez, nola ez, ardi latxaren esnearekin egindako gutiziekin sabelari atsegin eman.

20170415_110913 (1)
Artzain-zakur erakustaldia Gomiztegin

 

Hori guztia Gipuzkoan eskura izanda, merezi al du urrutira joatea?

Informazio gehiago:
943180335
barandiaran@gipuzkoamendizmendi.net

Udaberriko e-buletina ikusteko eta jardueren inguruko informazio gehiago eskuratzeko sakatu HEMEN.

“White friday” atzokoa Parketxeetan

Atzo zuriz estali zitzaizkigun Parketxeak eta horrelako irudiekin esnatu gara gaur. Ederrak ezta?

Barandiaran museoa, Ataun

Lizarrusti parketxea, Ataun

Anduetza parketxea, Zegama

Arantzazu parketxea, Oñati

Arditurri Parketxea, Oiartzun

Iturraran parketxea, Aia

Ikasturte berria, esperientzia berriak

Ikasleentzako arnas-gune dira Gipuzkoako Parketxeak. Ikasturte berriari aurki emango diogu hasiera eta horretarako makina bat jarduera ditugu ikasle/irakasleen eskura Natura Parkeetan, hamaika gai lantzeko aukerarekin. Jarraian duzue Parketxe bakoitzaren heziketa eskaintza. Deitu eta eskatu informazioa lasai asko, gure Parketxeetako ateak zabalik dituzue!

dav

Heziketa eskaintzak:

AIAKO HARRIA NATURA PARKEA. Arditurri Parketxea

AIZKORRI-ARATZ NATURA PARKEA. Anduetza Parketxea

AIZKORRI-ARATZ NATURA PARKEA. Arantzazu Parketxea

ARALAR NATURA PARKEA. Lizarrusti-Barandiaran Parketxe Hedatua

PAGOETA NATURA PARKEA. Iturraran Parketxea

 

6. Arditurri eguna

Arditurriko meategietan, Oiartzunen, urteko egunik bereziena izango da uztailaren 16a, 6. ARDITURRI EGUNA antolatuko baita. Egitarau zabala bezain interesgarria eskainiko da bertako meategiak eta bere historia ezagutzera emateko.

Goizean zehar, jarduera ugari izango dira:

  • Txu-txu trena martxan goiz osoan zehar.
  • Meategiak prezio murriztuan.
  • Tailerrak eta jolasak Abaraxka Ludotekaren eskutik.
  • Arditurriko euskal hanburgesa:  Zerorrek egin eta jan!
  • Espeleologia: Felix Ugarte espeleologia elkartekoekin murgildu San Joakin meategian.

Espeleologia San Joakin 2017

El 16 de julio será el día más especial del año puesto que se organizará el VI. ARDITURRI EGUNA, en las minas de Arditurri, en Oiartzun. Se ofrecerá una  amplia e interesante programación para dar a conocer las minas y  su pasado.

Durante la mañana, habrá varias actividades:

  •  El tren chu-chú en marcha durante toda la mañana.
  • Se podrán visitar las minas a precios reducidos.
  • Talleres y juegos Abaraxka Ludoteka.
  • Euskal-hamburgesa de Arditurri: ¡Hazla tu mismo y a comer!
  • Espeleología: Sumérgete en la mina San Joaquín con la asociación de espeleología Felix Ugarte.

Arditurri

Txori orkestra sinfonikoa

Arditurriko interpretazio zentru inguruan ibili gara gaurkoan, Mikel Olano adituaren laguntzaz, kantari aritu diren txorien kantuak entzuten eta identifikatzen. Egundoko kontzertua entzuteko aukera izan dugu aire zabalean. Hurrengo kontzertua Arantzazuko parketxean izango da, beraz, ez egin duda eta erreserbatu zuen sarrerak.

P1350511

Natura Parkeetako hegaztiak ezagutu nahi al dituzu? Hurbildu Arditurriko parketxera!

Arditurriko parketxean ikusgai izango ditugu apirilaren 30a bitarte, Andoni Ruizek ateratako hegaztien argazkiak. Txori familia ezberdinak ezagutzeko aukera paregabea dugu, hegazti txikietatik harraparietara.

Erakusketa zabalik egongo da honako ordutegian:                                                                                 Asteartetik ostiralera: 10:00-14:00                                                                                                             Larunbatetan: 10:00-14:00 eta 16:00-18:00                                                                                             Igande eta jai egunetan: 10:00-14:00

Hegaztien argazki erakusketa 2017