All posts by lzaldua

Ezkutuko animaliak ikusiz ikasten

Herpetofaunaren inguruan Gipuzkoako Parketxeetan antolatu diren ibilaldien barruan, pasa den igandean gauzatu zen irteera hauen azkenetarikoa Aralarren. Ander Izagirreren gidaritzapean eta eguzkia lagun, Lareoko urtegirantz abiatu ginen. Anfibioen eta narrastien inguruan hedatuta dauden mito zein beldur asko uxatu zizkigun Anderrek, animalia talde harrigarri honen bitxikeriak azaltzen zizkigun bitartean.

IMG_20190602_105618_173

Argazki eta azalpenekin konformatu beharko genuela pentsatzen hasiak ginenean… arrabioa atera zen arroka baten azpitik! Handik aurrera, eguraldiari eta Anderren lanari esker, beste zortzi espezie ikusteko aukera izan genuen. Beti ere errespetuz, ikusezinak ematen duten animalia hauek bertatik bertara ezagutzeko aukera paregabea izan zen. Suge gorria ikustea kosta zen, baina baita lortu ere!  Mila esker gerturatutako guztioi zuen jakinminarengatik eta gurera etortzeagatik eta… beste bat arte!!

Azken saio bat gelditzen da Aiako harria Natura Parkean, beraz, deitu Arditurri Parketxera eta eman izena lekurik gabe gelditu nahi ez baldin baduzue! Informazio eta erreserbak: 943 49 50 69 / arditurri@gipuzkoamendizmendi.net

IMG_20190602_120359_279

Advertisements

Sai arreak gertutik ezagutzen

Aurten, Arditurri parketxean  sai arreak hobeto ezagutu ahal izateko hiru saio eskaini ditugu, eta igande honetan garatu da azkena. Egun oso beroa izanik ere, oso gustora egon ginen, halako jarduerek badutelako kitzikatzen gaituzten zerbait. Dagoeneko kumeak heldu itxurarekin ikusi ahal izan genituen, oraindik hegan egiteko gai ez badira ere. Bestalde zeruan sai arre ugari ikusi genituen eta horien artean sai zuri bat ere, benetan zoragarria izan zen!

Mendi ibilaldi gidatua Arantzazutik Artasoko basora / Salida montañera guiada del Parketxe de Arantzazu al bosque de Artaso

Ekainaren 9an, igandearekin, Aizkorri-Aratz Natura Parkea ezagutzen jarraitzeko ibilbide berri bati ekingo zaio Arantzazuko Adiskideen eta Arantzazuko Parketxearen eskutik. Artasoko baso ederra ezagutuko dugu eta mintzagai nagusia pago motzak eta ikazkintza izango da. Sail horretan aditua den Valentin Mugarza izango da gurekin azalpenak ematen, Aizkorri-Aratz natura parkeko zuzendaria izateaz gain, pago motzen arloa gutxik bezela ezagutzen duena.

Goizeko 9:00etan Arantzazuko Parketxean elkartu eta bideari ekingo diogu Artasoko basoraino. Han adin ezberdineko pago motzak ikusi eta haien ezaugarriak ezagutzeko aukera izango dugu. Pago motzetatik ateratako egurra ikazkintzan nola baliatzen zuten ere jakin ahal izango dugu. Ondoren, parketxera itzuliko gara bide beretik.

Zailtasun ertaineko ibilbide bat izango da (7km eta 300m-ko desnibelarekin gutxi gorabehera) publiko orokorrari zuzendua eta 4-5 ordu inguruko iraupena izango duena. Azalpenak euskaraz izango dira.

Prezioa 3€koa izango da pertsonako. Parte-hartzeko aurrez izena eman behar da.

Informazio eta erreserbak: 943782894/699335183 arantzazu@gipuzkoamendizmendi.net

Pago motzak eta ikazkintza2019

El día 9 de junio, domingo, se realizará la siguiente salida para seguir descubriendo el Parque Natural Aizkorri-Aratz de la mano de Arantzazuko Adiskideak y el Parketxe de Arantzazu. Conoceremos el precioso bosque de Artaso y el tema principal será las hayas trasmochas y la elaboración de carbón. Nos acompañará como guía el experto Valentin Mugarza, que además de ser el director del parque natural Aizkorri-Aratz, conoce las hayas trasmochas como pocos.

La salida partirá desde el mismo Parketxe, a las 9:00 de la mañana teniendo como meta el bosque de Artaso. Allí se podrán observar hayas trasmochas de distinta edad y se darán a conocer sus características. También se hablará sobre el uso de la madera que extraían de estos árboles para elaborar carbón. Posteriormente se volverá al Parketxe por el mismo camino.

Será un recorrido de dificultad media (recorriendo unos 7km y con un desnivel de alrededor de 300m), dirigido al público general, y con una duración de unas 4-5 horas. Las explicaciones serán en euskara.

El precio será de 3€ por persona. Se ruega dar el nombre con anterioridad para garantizar una buena organización.

Información y reservas: 943782894 / 699 335 183, arantzazu@gipuzkoamendizmendi.net

Aralarko herpetofaunaren atzetik

Asteburuak aurrera doaz eta Aralarri iritsi zaio bere txanda! Eguraldi aparta aurreikusita dagoelarik, Ataungo Lareoko urtegiaren inguruan egingo da irteera ekainaren 2an (igandean),  eta hitzordua Lizarrustiko Parketxean izango da, goizeko 10:00etan. Jarduera goiz osokoa eta ibilaldia zailtasunik gabekoa izango da.

IMG-20180520-WA0007

Urtegiaren inguruan narrasti eta anfibio espezie ugari bizi dira, lekua ezin aproposagoa da animalia hauentzat, ura baliabide dutela, inguruan dauden baso, harkaitz, zelai eta sastraka ugari dituzte eta babesleku gisa. Irteera hau adin guztientzat dago pentsatuta, helduak zein haurrak, familiak zein norbanakoak. Aukera paregabea da Aralarren ditugun anfibio eta narrastiei buruz gehiago ikasteko Ander Izagirre adituaren gidaritzapean. Jakinmina piztu baldin bazaizu, zatoz gurera eta eman izena berandu baino lehen!

Izena emateko (nahitaezkoa) eta informazio gehiagorako honako telefono zenbakiak daude bisitarien eskura: 943 18 03 35 / 688 89 50 69, hala nola helbide elektronikoa barandiaran@gipuzkoamendizmendi.net.

Narrastiak kartel orokorra 2019

Aizkorri-Aratzeko mendi larreen bioaniztasuna ezagutzeko ibilaldia Arantzazutik

Aurten lehen aldiz Gipuzkoako Parketxe Sarea Fundazioak HAZI-rekin lankidetzan Life Oreka Mendian proiektua ezagutzera emateko ibilaldi gidatuak antolatu ditu Gipuzkoako Natura Parke guztietan, mendi larreak balioan jarri eta euren bioaniztasuna ezagutarazteko helburuarekin.

Proiektu honek mendiko larreak era jasangarrian kudeatu eta kontserbatzeko oinarriak ezartzen ditu, habitat ezberdinak eta bertan bizi diren espezieak babestu asmoz. Abeltzaintzaren eta artzaintzaren gainbeherak larre hauen erabilera falta ekarri du eta asko ez dira kontserbatzio egoera onean aurkitzen. Goi mendietako larre hauek Europako toki edo zonifikaziorik mehatxatuenak kontsideratzen dira.

Ibilaldi gidatu hauek doakoak dira, eta Aitor Salaberria adituak gidatuko ditu. Hurrengo txangoa Aizkorri-Aratz Natura parkean izango da eta Arantzazuko Parketxetik irtengo da goizeko 10:00etan. Ibilaldiak 3-4 orduko iraupena izango du eta norberak bere hamaiketakoa, ura eta oinetako egokiak ekartzea gomendatzen dugu. Aldez aurretik izena ematea beharrezkoa da.

Izen-ematea eta informazioa: 943 78 28 94/699 335 183 arantzazu@gipuzkoamendizmendi.net

OREKA MEDIAN2019

Ateak zabalik Museoen Nazioarteko Egunean

Museoen Nazioarteko Egunaren ospakizunekin bat eginez, maiatzaren 18an (larunbatez), doan izango dira Gipuzkoako Parketxeetako sarrerak. Gonbidapen zabala luzatu nahi dizue Gipuzkoako Parketxe Sarea Fundazioak gurera gerturatzeko eta barrutik ezagutzeko; 6 parketxe zein baino zein interesgarriago bisitariaren eskura Gipuzkoako 5 herrietan (ordutegia 10:00etatik 14:00etara).

ANDUETZA PARKETXEA (Zegama)

ARANTZAZU PARKETXEA (Oñati)

ARDITURRI PARKETXEA (Oiartzun)

BARANDIARAN MUSEOA (Ataun)

ITURRARAN PARKETXEA (Aia)

LIZARRUSTI PARKETXEA (Ataun)

Bide batez, maiatzaren 22an ospatzen den Bioaniztasunaren Nazioarteko Eguna dela eta, zilegi dakigu gogoraraztea aurten ere Gipuzkoako Parketxe Sarea Fundazioak hainbat ibilaldi antolatu dituela. Alde batetik, anfibio eta narrastiak ezagutzeko ibilaldiak gauzatuko dira datozen bi igandetan (Aiako harrian maiatzaren 26ean eta Aralarren ekainaren 2an), eta bestetik, gure mendietako larreen bioaniztasuna ezagutzeko ibilaldiak izango dira, maiatzaren 26ean Arantzazun eta ekainaren 30ean Aiako harrian (igande honetarako programatuta zegoen Aralarko ibilaldiaren data aurreikusita dagoen eguraldi iragarpen txarra dela eta aurrerago berrezarriko da). Gaiak interesgarriak dira ezbairik gabe eta ondorioz aukera paregabeak dira gure lurraldeko ondare naturalaren aberastasunaz jabetzeko. Zain izango gaituzue.

Putzutik putzura, Listorreta inguruan

Maiatzaren 26ean, igandearekin, Listorreta inguruan (Errenterian) bizi diren  narrasti eta anfibioak ezagutzeko irteera egingo dugu. Hasiera ordua goizeko 10.00ak izango dira eta 2-3 ordu inguruko saioa izango da. Jarduera hau Ander Izagirre adituaren gidaritzapean gauzatuko da.

Plaza mugatuak direnez, aurre-erreserba egitea beharrezko da.

Arditurri parketxera deitu edo idatzi beharko duzue (arditurri@gipuzkoamendizmendi.net / 688 89 50 68 )

Narrasti eta anfibioak_002

TAICHI-CHIKUNG saioa Iturrarango Lorategi Botanikoan

Maiatzak 18 Mayo

Jose Fermin Asiain irakaslearen eskutik, oinarri  txinatarra duen arte martzerial saioa burutuko da Lorategi botanikoan zehar. Taichi eta Chikungeko mugimenduen bitartez, gure barne energia indartu eta orekatuko dugu, naturarekin bat eginaz egunerokoan pairatzen dugun antsietate eta estresak askatu eta bide batez gorputza luzatu eta artikulazioak lasaituko dira.

Ordutegia: 11:00 – 13:00

Elkargunea: Iturraran Parketxea

Gomendioak: arropa eta oinetako erosoa

Norentzat: helduentzat (12 urtetik gora). Plaza mugatuak. Aldez aurretik erreserba egitea beharrezkoa

Prezioa: 5 euro pertsonako

——————————————————————————————————————-

Guiados por el profesor José Fermín Asiain, conectaremos con la naturaleza y con nuestro interior a través de movimientos de Taichi-Chikung. El Chi Kung o Qi Gong es una terapia medicinal de origen chino basada en el control de la respiración. Ayuda a eliminar las tensiones y el estrés, siendo un auténtico caudal de paz que aporta salud y vitalidad.

Horario: 11:00 – 13:00

Punto de encuentro: Iturraran Parketxea

Recomendaciones: ropa y calzado cómodo

A quién va dirigido? adultos/as (a partir de los 12 años). Plazas limitadas. Necesario realizar la reserva de antemano.

Precio: 5 euros por persona

Mendiko larreen bioaniztasuna ezagutzeko ibilaldi gidatua Aralarren

20181021_114902Life Oreka Mendian, larreen kudeaketa jasangarria bultzatzeko 2016. urtean sortzen den proiektua da. Goi mendietako larre hauek Europako toki edo zonifikaziorik mehatxatuenak kontsideratzen dira eta estrategia amankomun bat garatu nahi da Natura 2000 Sarearen barruan aurkitzen direnak kontserbatzeko. Abeltzaintzaren eta artzaintzaren gainbeherak larre hauen erabilera falta ekarri du, eta, asko ez dira kontserbatzio egoera onean aurkitzen.

Proiektu honek Europa mailan oso mehatxatuta dauden mendiko larreak kudeatu eta kontserbatzeko oinarriak ezartzen ditu, beraz, habitat ezberdinen eta bertan bizi diren espezieen babesa bermatuz. Mendiko larreetan kudeaketa integratu eta jasangarrirako lur-jabeak, erabiltzaileak, naturguneetako kudeatzaileak, adituak eta tokiko eragileak inplikatu nahi dira.

Aurten HAZI-rekin lankidetzan Gipuzkoako Natura Parke guztietan ibilaldi gidatu bana eskaintzen ari da Gipuzkoako Parketxe Sarea Fundazioa, larre hauek balioan jartzeko eta euren bioaniztasuna ezagutzera emateko. Ibilaldi gidatu hauek doakoak dira, eta Aitor Salaberria adituaren azalpenak entzun ahal dira guztietan. Lehendabizikoa Pagoeta Natura Parkean gauzatu zen pasa den igandean eta hurrengo hitzordua Aralarren izango da, maiatzaren 19an Lizarrustiko Parketxetik abiatuz.

Ibilaldiak 10:00etan hasten dira eta 3-4 orduko iraupena izaten dute. Hamaiketakoa, ura eta oinetako egokiak eramatea beharrezkoa da.  Hona hemen egingo diren ibilaldi guztien zehaztasunak eta harremanetarako kontaktuak, aldez aurretik izena ematea beharrezkoa baita.

OREKA MEDIAN2019

Sai arreen lehendabiziko behaketa Arditurri parketxean

Igande honetan, sai arreak behatzeko lehendabiziko jarduera aurrera eraman genuen eta esperientzia itzela izan zen bai bisitarientzako baita guretzako ere. Miresmena sortzen duen halako espezie bat behatu ahal izateak zirrara sortzen du, are eta gehiago jakinik ez geniela inolako kalterik eragingo. Bost kabi behatu ziren non guraso zein kumeak ikusi genituen!

IMG_3659 (2).JPG

Bigarren aukera bat eskainiko dugu ekainaren 2an, hain zuzen ere. Aurre erreserba egitea beharrezkoa da, beraz klikatu hemen eta ikusi nola egin.